Amo

El Vikicitaro
Iri al: navigado, serĉi
Amo
Amo
Aliaj projektoj
Wikipedia-logo-v2.svg Amo en Vikipedio
Commons-logo.svg Amo en Komunejo
Commons-logo.svg Amo en Komuneja kategorio
Wiktionary-logo-eo.png Amo en Vikivortaro
Citaĵo
« Amu kaj faru kion vi volas. »   « Dilige et quod vis fac. »
— Aŭgusteno de HiponoIn Epistolam Joannis Ad Parthos (Pri la Evangelio laŭ Johano), 7-a traktaĵo
Citaĵo
« Malbravulo ne kapablas esprimi amon; tio estas la nepraĵo por bravulo. »
— Mohandas Karamchand Gandhi
Citaĵo
« Malamu la pekon kaj amu la pekulon. »
— Mohandas Gandhi, Ne de li unue dirita.
Citaĵo
« Amo de patrino, estas maro sen fino. »
— Morteza Mirbaghian
Citaĵo
« Se vi juĝas personojn, vi havas neniom da tempo por ami ilin. »
— Patrino Teresa
Citaĵo
« Ne gravas, kiom ni faras, sed kiom ame ni faras. Ne gravas, kiom ni donacas, sed kiom ame ni donacas. »
— Patrino Teresa
Citaĵo
« Ĉiam amu viajn malamikojn — nenio alia tiom ĝenas ilin. »
— Oscar Wilde
Citaĵo
« Gravito ne kulpas pro tio, ke personoj falas en amon. »
— Albert Einstein
Citaĵo
« Amo estas nenio krom amoro misliterumata. »
— Harlan Ellison
Citaĵo
« Amu unu la alian aŭ sin risku. »
— Morrie Schwartz
Citaĵo
« La aĵoj senfinaj, kiel ĉielo, arbaro aŭ lumo, iĝas vere nomitaj nur de amanta koro; oni estu duope, por nomi matenruĝon. »
— Morteza Mirbaghian
Citaĵo
« Nur en amo senkondiĉa, oni ja estas feliĉa»
— Gaston BACHELARD
Citaĵo
« Oni post geedziĝo tre ŝanĝiĝas, aŭ freneziĝas au pli saĝiĝas. »
— Morteza Mirbaghian
Citaĵo
« Anstatataŭ, ke antaŭ esti amataj, ni mltrankviliĝis pri tiu nepravigebla, nepraviginda ĝibo tia, kia estis nia esteco, anstataŭ ol senti nin kiel troaĵojn, ni nun sentas, ke tiu estado nia estas kunprenita, kaj volata, kune kun ĝiaj plej malgrandaj detaloj, de absoluta libereco, kiun ĝi samtempe kaŭzas, kaj kiun ni propramense volas per nia propra liberpovo. Tio estas la fundamento de la amĝojo, kiam ĝi ekzistas : nin senti ekzisti prave. »
— Jean-Paul SARTRE
Citaĵo
« Ekflugos ni el sama kajo
kun okuloj fiksegitaj al samaj rebriloj
Por tiu-ĉi viv' kaj la posta
Vin mi amis, mi amas, kaj mi amos. »
— Francis CABREL, franca kantisto
Citaĵo
« Ha, ĉi tiujn lipojn sur ŝia lumeca vizaĝo! Ekridetas mia karulino. Mia amatulino estas min vidinta, kaj ŝi ridetas! »
— Azeria ampoemo
Citaĵo
« Logi estas eskapi el senekzisteco. »
— Catherine BAKER
Citaĵo
« Lumir pasie :« - Veras do, ke vi ne kapablas malhavi min ? Diru ĝin ankoraŭfoje! Veras, ke vi ne kapablas malhavi min ? Vere kaj solide ? Ha tio ne estis longa afero por diri ! Tio estas mallonga frazo, sed entenas ĝi la feliĉon tutan, kiun oni povas havi. » »
— Paul CLAUDEL, el teatraĵo La malmola pano
Citaĵo
« Estas plene da stultuloj, „psikofakistoj“, kiuj demonstras al oni, ke oni ne troinvestu je la amo, kiun oni spertas al siaj infanoj. Azenuloj! »
— Catherine BAKER
Citaĵo
« La am' ne estas ludo
Sed sorta forta trudo
ĝi svingas sian vipon
al lip' pelante lipon. »
— Kalman KALOCSAY
Citaĵo
« Brulu ĉiam am' en
viaj koroj, amen »
— Kalman KALOCSAY, En amara horo
Citaĵo
« Ĉu amikeco estas ĝi aŭ amo? »   « Czy to jest przyjaźń? czy to jest kochanie? (pol.) »
— Adam MICKIEWICZ, Malcerteco
Citaĵo
« Estis de mia viv’ la feliĉ’ :Ŝiajn okulojn vidi al mi rigardantajn. »
— Victor HUGO
Citaĵo
« Akceptu la aĵojn, kiujn la fato destinis je vi, kaj amu la homojn, kiujn fato al vi kunligis, sed tion faru plenanime. »
— Marko Aŭrelio
Citaĵo
« Kvietu. Ĉar ni estos enfositaj kune en tiu ĉi tombo dum longlonga tempo, do ĉirkaŭpremu min ! »
— Juan RUFLO
Citaĵo
« Se mi parolus la lingvojn de homoj kaj anĝeloj, sed ne havus amon, mi fariĝus sonanta kupro aŭ tintanta cimbalo.
Kaj se mi posedus la profetpovon, kaj komprenus ĉiujn misterojn kaj ĉian scion; kaj se mi havus ĉian fidon, tiel ke mi povus formovi montojn, sed ne havus amon, mi estus nenio.
Kaj se mi disdonus mian tutan havon por nutri la malsatulojn, kaj se mi lasus mian korpon por forbrulo, sed ne havus amon, per tio mi neniom profitus.
Amo longe suferas, kaj bonfaras; amo ne envias; amo ne fanfaronas, ne ŝveligas sin,
ne kondutas nedece, ne celas por si mem, ne koleriĝas, ne pripensas malbonon,
ne ĝojas pri maljusteco, sed kunĝojas kun vereco;
ĉion toleras, ĉion kredas, ĉion esperas, ĉion eltenas.
Amo neniam pereas; sed, ĉu estas profetadoj, ili neniiĝos; ĉu lingvoj, ili ĉesiĝos; ĉu estas scio, ĝi neniiĝos.
Ĉar ni scias laŭparte, kaj ni profetadas laŭparte;
sed kiam venos perfektaĵo, tiam neniiĝos tio, kio estas laŭparta.
Kiam mi estis infano, kiel infano mi parolis, kiel infano mi sentis, kiel infano mi pensis; nun fariĝinte plenaĝulo, mi jam forigis la infanaĵojn.
Ĉar nun ni vidas per spegulo, malhele; sed tiam okulon ĉe okulo; nun mi konas laŭparte; sed tiam mi konos tiel same, kiel ankaŭ mi estas konita.
Restas do nun fido, espero, amo, tiuj tri; kaj la plej granda el ili estas amo. »
— Sankta PaŭloHimno pri amo - La unua epistolo al la Korintanoj 13
Citaĵo
« Vi Lesbia, demandas kiom kisojn mia koro bezonas por satiĝi ? Ho, demandu do, kiom sabloj ardas en palma dezerto de Libio. Ho, demandu do, kiom steloj ŝtele rigardas. Tiom kisojn bezonas kor’ freneza. »
— Mimo, 69 – trad K. Kalocsay, “Tutmonda Sonoro”, I, 164)
Citaĵo
« Kiu povas nin deŝiri de la amo de Kristo»
— Johano Paŭlo la 2-a en Gorzów (Pollando) 2.06.1997
Citaĵo
« Ne estas solidareco sen amo. »
— Johano Paŭlo la 2-a - homilio en Sopot (Pollando) 05.06.1999
Citaĵo
« Amo parolas silente, tamen plej elokvente. »
— Morteza Mirbaghian
Citaĵo
« Amo similas al neĝo, dissolviĝas post varmiĝo. »
— Morteza Mirbaghian
Citaĵo
« Kiu dissemas amon, tiu rikoltos la samon. »
— Morteza Mirbaghian
Citaĵo
« Amo konas nek aĝon, nek obeas la saĝon. »
— Morteza Mirbaghian
Citaĵo
« Tiun mi amas, kiu deziras la neeblon! »
— Johann Wolfgang von Goethe
Citaĵo
« Amo: pensi je iu, senpripense. »
— Karlheinz Deschner
Citaĵo
« Amo ne komencas kaj finas kiel ni pensas. Amo estas batalo, amo estas milito; amo estas plenkreskiĝo. »
— James Baldwin
Citaĵo
« Mi diris al li ke amo estas kontraŭnatura sento, kiu kondamnas du fremdulojn al malnobla kaj malsaniga dependeco tiom efemera kiom intensa. »   « Le dijo que el amor era un sentimiento contra natura, que condenaba a dos desconocidos a una dependencia mezguina e insalubre, tanto más efimera cuanto más intensa. »
— Gabriel García Márquez, Del Amor y otros Demonios P.194

El Zamenhofa Proverbaro[redakti]

Citaĵo
« Amo estas forta, sed mono pli forta. »
Citaĵo
« Amo faras ion, mono ĉion. »
Citaĵo
« Amo kaj ĵaluzo estas gefratoj. »
Citaĵo
« Amo kaj puno loĝas komune. »
Citaĵo
« Amo pli kora, disiĝo pli dolora. »
Citaĵo
« Amo supermezura ne estas plezura. »
Citaĵo
« Belecon taksas ne okulo sed koro. »
Citaĵo
« Ĉiu "li" havas sian "ŝi". »
Citaĵo
« Eĉ monstron admiras, kiu ame deliras. »
Citaĵo
« Eĉ por pomo putranta troviĝas amanto. »
Citaĵo
« Edzo kaj edzino -- ĉiela difino. »
Citaĵo
« Edzo kaj edzino estas nur unu. »
Citaĵo
« Granda doto kaj oro, sed mankas la koro. »
Citaĵo
« Kiam sako mizeras, amo malaperas. »
Citaĵo
« Pli tiras virina haro, ol ĉevala paro. »
Citaĵo
« Tuso kaj amo ne estas kaŝeblaj. »