Reĝo

Reĝo
Aliaj projektoj
Reĝo en Vikipedio
Reĝo en Komuneja kategorio
Reĝo en Vikivortaro

Reĝo estas dumviva, plejofte hereda regnestro, kies titolo estas malpli altranga ol tiu de imperiestro.

	« Reĝo donacis, sed polico minacas. » — Zamenhofa proverbaro

	« La Eternulo reĝos ĉiam kaj eterne. » — Moseo, en Eliro 15:18, trad. L.L. Zamenhof

	« Ĉe la ŝamano eblecoj de transformiĝoj estas senlimaj kaj li uzas ilin maksimume komplete, por la reĝo ili ja estas malpermesitaj, kaj transformiĝo estas paralizita ĝis la kompleta ŝtoniĝo. » — Elias Canetti, Amaso kaj potenco [1960]

	« [pri la reĝo] Statikeco de tiu ĉi tipo, al kiu estas malpermesita propra transformiĝo, kvankam de ĝi eliras senfinaj ordonoj, kaŭzantaj transformiĝon de la aliaj, eniris esencon de la potenco. Tiu ĉi imago difinas ankaŭ la nuntempajn ideojn pri la naturo de la potenco. » — Elias Canetti, Amaso kaj potenco [1960]

« La reĝoj, regintaj en certaj periodoj de la tempo, enkorpigis en si la tempon de ĉiuj. Ilia morto — ĉu ĝi venis je natura vojo aŭ estis artefarite rapidigita pro la malfortiĝo de ilia vivoforto — ĉiam simbolis forfluon de certa parto de la tempo. Ili estis la tempo kaj inter unu reĝo kaj la alia venis sentempo; tiajn periodojn — interreĝadojn — homoj penis fari laŭeble plej mallongaj. » — Elias Canetti, Amaso kaj potenco [1960]

	« Do unikeco, izoliteco, distanceco kaj valoreco — jen karakterizantaj la reĝon signoj, kiuj troveblas jam ĉe la unua rigardo. » — Elias Canetti, Amaso kaj potenco [1960]

	« Ekzemplodoneco de la reĝoj estas universala trajto. Foje la ĉirkaŭuloj limiĝas je adorado kaj piemo. Ĉio kion la reĝo faras plenas je profunda senco. Nenio en ĝi povas esti hazarda. » — Elias Canetti, Amaso kaj potenco [1960]

	« Ĉiu havas apetiton kaj ĉiu aspektas kiel reĝo, starante sur la senfina kampo de la bestaj kadavroj. » — Elias Canetti, Amaso kaj potenco [1960]

Vidu ankaŭ

• Trono
• Imperiestro