Limo

Limo estas linio, kie finiĝas kampo, ordinare markita per ŝtonoj; linio, kie finiĝas teritorio ordinare difinita laŭ oficiala mapo; linio, kie finiĝas io abstrakta; tia prezo, kiun la peranto devas ne malsuperi, vendante, aŭ superi, aĉetante.

Citaĵoj

	« Estas nia devo, kiel viroj kaj virinoj, antaŭeniĝi kvazaŭ la limoj de niaj kapabloj ne ekzistus. » — Pierre Teilhard de Chardin

Elias Canetti

	« La malferma amaso rezignas je la kresko kaj akcentas strukturon. Kio plej trafas la okulojn en ĝi, tio estas limo. Ĝi firme bazas sin: limigante sin, ĝi kreas por si lokon. » — Elias Canetti, Amaso kaj potenco [1960]

	« La limo malhelpas senordan kreskon, sed ĝi ankaŭ malfaciligas kaj malrapidigas disfalon. Perdante eblecojn por la kresko, la amaso gajnas je konstanteco. » — Elias Canetti, Amaso kaj potenco [1960]

« …al la amaso propras manio de detruado… Plej volonte la amaso detruas la domojn kaj aĵojn. Ĉar temas pri fragilaj aĵoj — vitroj, speguloj, pentraĵoj, teleroj, oni povas supozi ke nome ilia fragileco naskas en la amaso soifon de detruado… bruo — estas aplaŭdoj de la aĵoj… Detruado de skulptaĵoj estas neado de hierarkioj, kiuj ekde nun estas malagnoskataj. Tio estas atenco kontraŭ starigitaj komune agnoskitaj distancoj… Tio estas la ago de la malŝarĝiĝo. Sed oni ne ĉiam iras ĝis tio. Kutime detruado estas nenio alia ol atenco kontraŭ la limoj. » — Elias Canetti, Amaso kaj potenco [1960]

	« Ĉiuj atakoj kontraŭ arkaiĝintaj ritoj, pri kiuj rakontas la historio de la religio, estas protesto de la amaso, kiu volas senti sian kreskon, kontraŭ trudataj al ĝi limoj. » — Elias Canetti, Amaso kaj potenco [1960]

	« La amaso ĉiam strebas kreski. Ĝia kresko nature ne havas limojn. » — Elias Canetti, Amaso kaj potenco [1960]

Henry Kissinger

	« La postkomunisma Rusio aperis ene de la limoj, kiuj ne spegulas ĝian historian evoluon. Simile al Eŭropo ĝi devos elspezi multe da energio por rekonsidero de sia identeco. » — Henry Kissinger, Diplomatio [1994]

« Ĝis la komenco de la 18-a jarcento sekureclimo de Britio iris laŭ la Manika markolo. Dum la tuta 19-a jarcento tiu ĉi sekureclinio iris laŭ limo de Nederlando. Neville Chamberlain provis ŝovi ĝin al Rejno, kie finfine oni ne subtenis ĝin kiam en 1936 Germanio ĝin kontestis. Garantioj al Pollando estis ekster la rondo de interesoj de la britaj ŝtataj agantoj en 1925. » — Henry Kissinger, Diplomatio [1994]

	« En 1941 la ĉefa zorgo de Stalin estis limoj; en 1945 tio estis jam politika kontrolo super teritorioj, situantaj ekster tiuj ĉi limoj. » — Henry Kissinger, Diplomatio [1994]

	« [pri 1945] Preventi restarigon de [sovetiaj] limoj de 1941 prezentiĝis praktike neebla. » — Henry Kissinger, Diplomatio [1994]

« Limoj ene de Eŭropo – escepte de tiuj en Balkanio – spegulis precipe komunecon de historio kaj kulturo. Kontraŭe al tio limoj en Proksima Oriento estis farataj de eksterlandaj, ofte eŭropaj ŝtatoj fine de la Unua mondmilito por faciligi ilian dominadon super la regiono. En imago de la arabaj naciistoj tiuj ĉi limoj kontraŭis interesojn de la araba nacio kaj estis rifuzantaj komunecon de la araba kulturo. Ilia forigado ne signifis starigon de dominado de unu nacio super alia; tio estis vojo al kreado de la araba nacio same kiel Camillo Benso di Cavour unigis Italion kaj Otto von Bismarck kreis Germanion el abundo de suverenaj ŝtatoj. » — Henry Kissinger, Diplomatio [1994]

	« [pri postkoloniismaj landoj] …ĉe multaj el ili la nunaj limoj estas administra solvo, farita por oportuno de imperiismaj potencoj. » — Henry Kissinger, Diplomatio [1994]

	« “Partnereco por paco” alportas riskon de kreado en Eŭropo de du tipoj de limoj: protektitaj per garantioj de sekureco kaj tiuj al kiuj oni rifuzis tiajn garantiojn – tia stato de la aferoj enhavas danĝeron de tento por potencialaj agresintoj kaj de senmoraligo por potencialaj viktimoj. » — Henry Kissinger, Diplomatio [1994]

Zamenhofa proverbaro

Pliaj citaĵoj ĉe Zamenhofa proverbaro.

	« Fremda animo estas abismo sen limo. » — Zamenhofa proverbaro

	« Pensoj iras trans limo sen pago kaj timo. » — Zamenhofa proverbaro

	« Malpaco pro limo fariĝas kutimo, malpaco pro kredo fariĝas heredo. » — Zamenhofa proverbaro

Vidu ankaŭ

• Kampo
• Teritorio
• Libereco

Eksteraj ligiloj

• Pliaj proverboj ĉe robkeetlaer.nl