Kuraĝo

El Vikicitaro
Kuraĝo
Kuraĝo
Kuraĝo
Aliaj projektoj
Kuraĝo en Vikipedio
Kuraĝo en Komuneja kategorio
Kuraĝo en Vikivortaro

Kuraĝo estas firmeco de la koro antaŭ danĝero, trankvila energio antaŭ malfacilaĵoj, penoj ks.

Citaĵoj[redakti]

NOTO: Krom en la referencitaj citaĵoj, la tradukoj inkluditaj en tiu ĉi sekcio estas propraj de la vikicitaristo, kiu aldonis ilin.

Citaĵo
« Kuraĝo signifas scii kion ne timi»
— Platono
Citaĵo
« Estro devas havi la kuraĝon agi kontraŭ la konsilo de fakuloj. » « A leader must have the courage to act against an expert's advice. »
— James Callaghan
Citaĵo
« Kuraĝon, homofratoj de ĉiu haŭtkoloro -/ la tempmiraĝo, kiu disigis nindamninde,/ nin fine rekunigos!/ Kaj dume, palpe blinde,/ ni venas, iras, eroj en ĉeno, kies finon/ ne formas ni nek vidos. Kuraĝon kaj obstinon! »
— William Auld, La Infana Raso, Ĉapitro 1
Citaĵo
« Ni progresas en socio nur se ni haltas malbeni kaj plendi pri ĝiaj mankoj kaj havas la kuraĝon por fari ion pri ili. »
— Elisabeth Kübler-Ross
Citaĵo
« Elteni estas pli granda ol kuraĝi; lacigi malamikan fortunon; esti senkuraĝigita de neniu malfacilo; konservi koron, kiam ĉiuj ĝin perdis; trairi intrigon senmakule; kaj forlasi eĉ ambicion kiam la fino estos gajnita - kiu povas diri, ke tio ne estas grandeco? » « (angle) To endure is greater than to dare; to tire out hostile fortune; to be daunted by no difficulty; to keep heart when all have lost it; to go through intrigue spotless; and to forgo even ambition when the end is gained — who can say this is not greatness? »
— William Makepeace Thackeray
Citaĵo
« Havu la kuraĝon esti senscia pri multaj aferoj, por eviti la malfeliĉon esti senscia pri ĉiu afero. » « (angle) Have the courage to be ignorant of a great number of things, in order to avoid the calamity of being ignorant of every thing. »
— Sydney Smith
Citaĵo
« Savi la mondon postulas fidon kaj kuraĝon: fido al racio kaj kuraĝo proklami, kion racio montras vera. »
— Bertrand Russell
Citaĵo
« Estas periodoj, kiam... kuraĝi, estas la plej alta saĝo. » « (angle) There are periods when...to dare, is the highest wisdom. »
— William Ellery Channing
Citaĵo
« Vi ne povas pensi sen emocio, kaj unu emocio estas timo, kaj fari gravan decidon surbaze de timo ne estas bona ideo. Do evoluigu vian kuraĝon. » « (angle) You can't have thought without emotion, and one emotion is fear, and making an important decision on the basis of fear is not a good idea. So develop your courage. »
— Ursula Goodenough
Citaĵo
« Kreivo postulas la kuraĝon forlasi certecojn»
— Erich Fromm
Citaĵo
« Gvidanto devas havi la kuraĝon agi kontraŭ la konsilo de spertulo» « (angle) A leader must have the courage to act against an expert's advice. »
— James Callaghan
Citaĵo
« Kial ni serĉu liajn erarojn, kiam kuraĝa viro mortas? Krom se ni povas lerni de lia sperto, ne necesas serĉi malforton. Prefere ni admiru la kuraĝon kaj spiriton en lia vivo. Kia homo vivus tie, kie ne ekzistas aŭdaco? Kaj ĉu la vivo estas tiel kara, ke ni kulpigu virojn pro morto en aventuro? Ĉu ekzistas pli bona mortmaniero? » « (angle) Why should we look for his errors when a brave man dies? Unless we can learn from his experience, there is no need to look for weakness. Rather, we should admire the courage and spirit in his life. What kind of man would live where there is no daring? And is life so dear that we should blame men for dying in adventure? Is there a better way to die? »
— Charles Lindbergh
Citaĵo
« Dio donu al mi la kuraĝon ne rezigni pri tio, kion mi pensas prava, eĉ se mi pensas, ke ĝi estas senespera. » « (angle) God grant me the courage not to give up what I think is right even though I think it is hopeless. »
— Chester W. Nimitz
Citaĵo
« Ni ne bezonas militon por veki homan energion. Estas almenaŭ egala amplekso por kuraĝo kaj grandanimeco en beno, kiel en detruado de la homaro» « (angle) We need not war to awaken human energy. There is at least equal scope for courage and magnanimity in blessing, as in destroying mankind. »
— William Ellery Channing, "Milito" (1816)
Citaĵo
« Kuraĝo estas preskaŭ kontraŭdiro. Ĝi signifas fortan deziron vivi prenante la formon esti preta por morto» « (angle) Courage is almost a contradiction in terms. It means a strong desire to live taking the form of readiness to die. »
— Gilbert Keith Chesterton
Citaĵo
« Nenio estas perdita, se oni finfine havas kuraĝon proklami, ke ĉio estas perdita kaj ke oni devas rekomenci» « (hispane) Nada está perdido si se tiene por fin el valor de proclamar que todo está perdido y que hay que empezar de nuevo. »
— Julio Cortázar, Rayuela
Citaĵo
« Doloro nutras kuraĝon. Vi ne povas esti kuraĝa, se nur okazis mirindaj aferoj al vi. » « (angle) Pain nourishes courage. You can't be brave if you've only had wonderful things happen to you. »
— Mary Tyler Moore
Citaĵo
« Neniu el ni scias, kian efikon lia vivo produktas kaj kion ni donas al aliaj; tio estas kaŝita de ni kaj devas resti tiel, kvankam ni ofte rajtas vidi iom da ĝi, por ke ni ne perdu la kuraĝon. »
— Albert Schweitzer
Citaĵo
« Nur la kuraĝaj scias pardoni... Malkuraĝulo neniam pardonis; tio ne estas en sia naturo» « (angle) Only the brave know how to forgive … A coward never forgave; it is not in his nature. »
— Laurence Sterne
Citaĵo
« Kuraĝo ne estas la foresto de timo sed la konscio, ke io alia estas pli grava» « (angle) Courage is not the absence of fear but the awareness that something else is more important. »
— Stephen Covey

Thornton Wilder[redakti]

Citaĵo
« Espero, kiel fido, estas nenio se ĝi ne estas kuraĝa; ĝi estas nenio se ĝi ne estas ridinda» « (angle) Hope, like faith, is nothing if it is not courageous; it is nothing if it is not ridiculous. »
— Thornton Wilder
Citaĵo
« Mono similas sterkon; ĝi ne valoras, krom se ĝi disvastiĝas por kuraĝigi junajn aferojn kreski» « (angle) Money is like manure; it's not worth a thing unless it's spread around encouraging young things to grow. »
— Thornton Wilder

Eric Hoffer[redakti]

Citaĵo
« Ni estas oble pli kuraĝaj kiam ni batalas por la troa, ol kiam ni luktas por la necesa. Do ofte, komencinte rezigni pri la troa, ni komencas perdi ankaŭ la necesan. »
— Eric Hoffer, La vera kredanto [1951]
Citaĵo
« La samaj rusoj, sklavemaj antaŭ la Stalina sekreta polico, montris — unuope aŭ grupe — neimageblan kuraĝon antaŭ vizaĝo de la invadintaj nazioj. Kialo de tiu, je la unua rigardo, kontraŭdira konduto konsistas ne en tio, ke la “organoj” de Stalin estis pli kruelaj ol la armeo de Hitlero, sed en tio, ke antaŭ vizaĝo de la Stalin-ekzekutistoj la rusa homo sentis sin nura eta individuo, dum antaŭ la vizaĝo de la germanoj li sentis sin ano de la povega nacio kun glora pasinteco kaj eĉ pli glora estonteco»
— Eric Hoffer, La vera kredanto [1951]
Citaĵo
« La malsukcesintoj pri ĉiutagaj aferoj kutime estas allogataj de la neebla — tio estas rimedo maski sian neplenvalorecon, ĉar kiam ni fiaskas dum provo atingi la eblan, la kulpo estas nur nia, sed kiam ni fiaskas ĉe la neeba, ni povas klarigi tion per komplikeco kaj malfacileco de la tasko. Ĉe provo atingi la neeblan estas malpli da ŝancoj diskreditigi sin ol ĉe la provo atingi la eblan. El tio sekvas unu el konkludoj: fiasko pri ĉiutagaj aferoj ofte naskas senliman kuraĝon. »
— Eric Hoffer, La vera kredanto [1951]
Citaĵo
« Kiam nacio ĉesas pasie strebi al io aŭ kiam celo de ĝiaj streboj iĝas konkreta kaj limigita, potencialo de ĝia kuraĝo falas. Nur celo, kiun oni povas ĉiam perfektigadi, konservas potencialon de la nacia kuraĝo eĉ tiam, kiam deziroj de la nacio ĉiam plenumiĝas. Ĉe tio la celo ne nepre devas esti tro alta. Malnobla idealo de senĉese kreskanta vivnivelo konservis la usonan nacion kiel sufiĉe kuraĝan. Angla idealo de terposedanto kaj la franca — de rentulo — estas konkretaj kaj limigitaj. Tiu ĉi konkreteco de la naciaj idealoj verŝane estas ligita al malkresko de energioj de ambaŭ nacioj. En Usono, Rusio kaj Germanio idealoj estas nekonkretaj kaj nelimigitaj. »
— Eric Hoffer, La vera kredanto [1951]

Zamenhofa proverbaro[redakti]

Pliaj citaĵoj ĉe Zamenhofa proverbaro.
Citaĵo
« Kuraĝa mieno antaŭ propra kameno. »
— Zamenhofa proverbaro
Citaĵo
« Kuraĝe li staras, kiam muro lin baras. »
— Zamenhofa proverbaro
Citaĵo
« Kuraĝo ĉion atingas. »
— Zamenhofa proverbaro
Citaĵo
« Post la fino de l' batalo estas multe da kuraĝuloj. »
— Zamenhofa proverbaro

Vidu ankaŭ[redakti]