Deziro

El Vikicitaro
Salti al navigilo Salti al serĉilo
Deziro
Deziro
Aliaj projektoj
Wikipedia-logo-v2.svg Deziro en Vikipedio
Commons-logo.svg Deziro en Komuneja kategorio
Wiktionary-logo-eo.png Deziro en Vikivortaro

Deziro (el la latina desiderare "sopiri", "deziri") estas la ago konscie emi al io, aspiri posedonĝuon de io aŭ esprimi al iu bonvolan esperon, ke li ĝuu ian feliĉaĵon.

Citaĵoj[redakti]

NOTO: Krom en la referencitaj citaĵoj, la tradukoj inkluditaj en tiu ĉi sekcioj estas propraj de la vikicitaristo, kiu aldonis ilin.

Citaĵo
« Homa konduto fluas el tri ĉefaj fontoj: deziro, emocio, kaj scio»
— Platono
Citaĵo
« Servi la korpon estas doni al ĝi ĉion, kio serĉas plezurojn kaj dezirojn kaj tion, kion ĝi deziras, sed en tio estas la detruo de la animo. »
— Ali ibn Abi Talib, Ghur Al-Hikam
Citaĵo
« Ne timas tiu, kies menso ne pleniĝas je deziroj. »
— Budho Gotamo, Dhammapada
Citaĵo
« La aviduloj neniam kontentiĝas per mono, nek amantoj de riĉeco per sia profito; do ankaŭ ĉi tio estas vantaĵo»
— Predikanto 5:9
Citaĵo
« Ĉiuj kredas tre facile ĉion, kion ili timas aŭ deziras. »
— Jean de La Fontaine
Citaĵo
« Civilizo, en la vera senco de la fakvorto, konsistas ne en la multobligo sed en la intenca kaj libervola limigo de deziroj. Ĉi tio sole antaŭenigas veran feliĉon kaj kontenton kaj pliigas la kapablon por servo. »
— Mohandas Karamchand Gandhi
Citaĵo
« La fina signifo de deziro estas morto»
— Rene Girard
Citaĵo
« Nuda mi serĉas la tendaron de tiuj, kiuj nenion deziras. » « Nil cupientium
Nudus castra peti. »
— Horacio
Citaĵo
« La Unua Vero estas aserto, ke ĉiu manifestita vivo estas malĝojo, krom se la homo scias vivi ĝin... la kaŭzo de malĝojo estas ĉiam deziro. Se viro havas neniujn dezirojn, se li ne strebas al lokopotencoriĉeco, tiam li estas same trankvila ĉu la riĉeco aŭ pozicio venas aŭ ĉu ĝi iras. Li restas senĝena kaj serena. »
— C. W. Leadbeater, Parolante pri la Kvar Noblaj Veroj en La Majstroj kaj la Vojo (1925)
Citaĵo
« Deziro estas malĝojo»
— William Somerset Maugham
Citaĵo
« Ni ĉiam strebas al malpermesitaj aferoj, kaj avidas tiujn, kiuj estis neitaj al ni. » « Nitimur in vetitum sempre, cupimusque negata. »
— Ovidio, Amorum (16 a.K.)
Citaĵo
« Sed se ili ne respondas al vi - tiam sciu, ke ili nur sekvas siajn proprajn dezirojn. Kaj kiu pli eraras ol tiu, kiu sekvas sian deziron sen gvidado de Dio? Ja Dio ne gvidas la malbonfarantojn. »
— Korano 28:50
Citaĵo
« Estas du tragedioj en la vivo. Unu estas ne akiri la deziron de via koro. La alia estas akiri ĝin. »
— George Bernard Shaw
Citaĵo
« Se oni kapablas profunde konscii pri la negativaj konsekvencoj de deziroj, oni ne implikiĝos en ili. »
— Zhiyi

Erich Fromm[redakti]

Citaĵo
« Plejparto de la homoj estas konvinkitaj, ke se ilin ne devigas malkaŝe iu ekstera forto, do iliaj decidoj estas iliaj propraj, kaj se ili ion deziras, tio estas iliaj propraj deziroj. Tia imago pri si mem estas unu el niaj plej grandaj iluzioj»
— Erich Fromm, Fuĝo for de libereco [1941]
Citaĵo
« Nia tuta energio estas malŝparata por atingi tion, kion ni deziras, kaj plejparto de la homoj neniam ekpensis pri origino de tiu ĉi agado: ĉu ili scias kion ili efektive deziras, ĉu ili mem deziras atingi la celojn, al kiuj ili strebas. »
— Erich Fromm, Fuĝo for de libereco [1941]
Citaĵo
« [pri la socia karaktero de la 20-a jarcento] Mi parolas pri la principo de tuja plenumo de ĉiu deziro kaj manko de obstakloj sur la vojo al kontentigo de ĉiu el ili. »
— Erich Fromm, La sana socio [1955]

Jean Baudrillard[redakti]

Citaĵo
« Eble la plej profunda deziro konsistas en tio, ke transdoni sian deziron al iu alia. »
— Jean Baudrillard, La fatalaj strategioj [1983]
Citaĵo
« Subjekto povas nur deziri — nur objekto povas tenti»
— Jean Baudrillard, La fatalaj strategioj [1983]
Citaĵo
« …la plej malbone estas esprimi deziron kaj ekvidi ĝian laŭvortan plenumon. La plej malbone estas ricevi ĝuste tian premion, kian oni deziras. »
— Jean Baudrillard, La fatalaj strategioj [1983]
Citaĵo
« En la sonĝoj estis sekreto kaj Freud donis al ili sencon. La sonĝoj estis proksimaj al la sorto, Freud proksimigis ilin al la deziro. »
— Jean Baudrillard, La fatalaj strategioj [1983]

William Shakespeare[redakti]

Citaĵo
« Mi havas
Senmortajn sopirojn en mi. »
 « I have
Immortal longings in me. »
— William Shakespeare, Antonio kaj Kleopatro
Citaĵo
« Mi ja deziras, ke ni estu pli bonaj fremduloj» « I do desire we may be better strangers. »
— William Shakespeare

Zamenhofa proverbaro[redakti]

Loupe.svg Pliaj citaĵoj ĉe Zamenhofa proverbaro.
Citaĵo
« Animo al paradizo deziras, sed pekoj retiras. »
— Zamenhofa proverbaro
Citaĵo
« Deziro kaj inklino ordonon ne obeas. »
— Zamenhofa proverbaro
Citaĵo
« Deziru, ne deziru - ordon' estas, iru! »
— Zamenhofa proverbaro
Citaĵo
« Malriĉigas ne nehavado, sed trogranda dezirado. »
— Zamenhofa proverbaro

Vidu ankaŭ[redakti]