Laboro

Laboro
Aliaj projektoj
Laboro en Vikipedio
Laboro en Komuneja kategorio

	« Kiam vi laboras, vi estas kvazaŭ fluto, tra kies koro la susuro de la horoj fariĝas muziko … Nu, kio estas labori ame? Teksi tolon per fadenoj tiritaj el via koro kvazaŭ via amato vestus sin per tiu tolo. » — Gibran Khalil GIBRAN (esperantigis Majstro Eŭgo)

	« Milionoj da homoj laboris por krei ĉi tiun civilizon, pri kiu ni hodiaŭ fieras. Aliaj milionoj, dise tra la globo, laboras por bonteni ĝin. Sen ili post kvindek jaroj restus nenio krom ruinoj. » — Petro Kropotkin, La konkero de pano, ĉapitro 1-a, parto II-a.

	« Multaj manoj faciligas laboron. »   « Many hands make light work. » — Angla proverbo

	« Sen laboro ne estas kukoj. »   « Bez pracy nie ma kołaczy. » — Pola proverbo

	« Malĝojon el via koro,forpelu per laboro. » — Morteza Mirbaghian

	« Kiu konstruas fabrikon, konstruas templon. Kiu tie laboras, diservas. » — Calvin COOLIDGE

	« Vivu la vivon kiel testudo, unue laboro, kaj poste ludo. » — Morteza MIRBAGHIAN

El Zamenhofa Proverbaro

	« Tro rapida laboro, tro malgranda valoro. »

	« Ju laboro pli publika, des pli granda la kritiko. »

	« Ju pli da honoro, des pli da laboro. »

	« Komenco bona -- laboro duona. »

	« Laboro donas bonstaton, mallaboro malsaton. »

	« Laboro finita, -- ripozo merita. »

	« Laboro fortigas, ripozo putrigas. »

	« Laboro kaj pacienco kondukas al potenco. »

	« Laboro ne estas leporo, -- ĝi haltos, ne forsaltos. »

	« Morgaŭ estas la amata tago de mallaboruloj. »

	« Ni laboru kaj esperu. »

	« Pli valoras senlaboreco, ol sensenca laboremeco. »

	« Preĝu kore kaj laboru fervore. »

	« Festotaga laboro estas sen valoro. »

	« Al vi ne plaĉis sitelo, laboru per martelo. »