Malsaĝulo

Malsaĝulo
Aliaj projektoj
Malsaĝulo en Vikipedio
Malsaĝulo en Vikivortaro

Malsaĝulo persono, kiu estas aŭ agas malsaĝe.

Citaĵoj

^{NOTO: Krom en la referencitaj citaĵoj, la tradukoj inkluditaj en tiu ĉi sekcioj estas propraj de la vikicitaristo, kiu aldonis ilin.}

	« Kiam saĝulo ne komprenas, li diras: "Mi ne komprenas." La malsaĝulo kaj la neklerulo hontas pri sia nescio. Ili silentas, kiam demando povus alporti al ili saĝon. »   « (angle) When a wise man does not understand, he says: "I do not understand." The fool and the uncultured are ashamed of their ignorance. They remain silent when a question could bring them wisdom. » — Frank Herbert

	« Kolero faras malsaĝulojn spritaj sed restigas ilin malriĉaj. »   « (angle) Anger makes dull men witty, but it keeps them poor. » — Elizabeto la 1-a (Anglio)

	« ...malgranda malsaĝulo povas demandi pli multe ol sep saĝuloj kapablas respondi. » — August Strindberg

Zamenhofa proverbaro

Pliaj citaĵoj ĉe Zamenhofa proverbaro.

	« Malsaĝulo diris vorteron, saĝulo komprenas la tutan aferon. » — Zamenhofa proverbaro

	« Malsaĝulo en foiro estas bona akiro. » — Zamenhofa proverbaro

	« Malsaĝulo kaj infano parolas la veron. » — Zamenhofa proverbaro

	« Malsaĝulo kiel tamburo, -- kiu pasas, lin batas. » — Zamenhofa proverbaro

	« Malsaĝulo malpacigis kaj dek saĝuloj repacigi ne povas. » — Zamenhofa proverbaro

	« Malsaĝulo ne griziĝas nek senhariĝas. » — Zamenhofa proverbaro

	« Malsaĝulo ofte estas profeto. » — Zamenhofa proverbaro

	« Malsaĝulo ŝtonon ĵetis, dek saĝuloj ĝin ne atingos. » — Zamenhofa proverbaro

	« Malsaĝulo venas, komercisto festenas. » — Zamenhofa proverbaro

	« Malsaĝuloj kreskas mem, sen plugo kaj sem'. » — Zamenhofa proverbaro

	« Malsaĝulon favoras feliĉo. » — Zamenhofa proverbaro

Vidu ankaŭ

• Malsaĝo