Saĝo

El Vikicitaro
(Alidirektita el Saĝeco)
Salti al navigilo Salti al serĉilo
Saĝo
Saĝo
Aliaj projektoj
Wikipedia-logo-v2.svg Saĝo en Vikipedio
Commons-logo.svg Saĝo en Komunejo
Commons-logo.svg Saĝo en Komuneja kategorio
Wiktionary-logo-eo.png Saĝo en Vikivortaro

Saĝo estas kapablo ĝuste juĝi pri situacio kaj konduti laŭ tiu juĝo.

Erich Fromm[redakti]

Citaĵo
« Saĝo estas kapablo de la homo mense ekkoni la mondon kontraŭe al la intelekto, kiu estas nura kapablo manipuli la universon de la aĵoj per pensado. Saĝo estas la ilo de la homo por ekkonado de la vero, la intelekto estas la ilo por pli sukcesa traktado de la mondo; la unua estas homeca laŭ sia esenco, la dua apartenas al la besta en la homo. »
— Erich Fromm, La sana socio [1955]
Citaĵo
« Kiom ajn malsaĝa kaj senmorala estu la ago, la homon regas nerezistebla strebo raciigi ĝin, tio estas pruvi al si mem kaj al la aliaj, ke liaj agoj estas diktitaj de la saĝo, racio aŭ almenaŭ de komuna moralo. Agi malsaĝe ne tiom malfacilas, sed la homo praktike ne povas ne doni al siaj agoj ŝajnigan aspekton de la racia motivado. »
— Erich Fromm, La sana socio [1955]
Citaĵo
« Maŝino povas reprodukti aŭ eĉ superi la intelekton, sed ĝi ne kapablas reprodukti la saĝon. »
— Erich Fromm, La sana socio [1955]
Citaĵo
« Etiko, almenaŭ en kompreno de la heleno-judo-kristana civilizo, estas neapartigebla de la saĝo. »
— Erich Fromm, La sana socio [1955]

Proverbaro Esperanta[redakti]

Citaĵo
« Saĝo abunda, sed ne profunda. »
— Proverbaro Esperanta
Citaĵo
« Malsaĝulo diris vorteron, saĝulo komprenas la tutan aferon. »
— Proverbaro Esperanta

Diversaj aŭtoroj[redakti]

Citaĵo
« Humuro estas la ŝirmilo de saĝuloj. »
— Erich KÄSTNER
Citaĵo
« Vi ne devus maljuniĝi antaŭ ol vi saĝiĝis. » « Thou shouldst not have been old till thou hadst been wise. »
— William Shakespeare, Reĝo Lear, Akto unua, sceno V (tradukis K. Kalocsay)
Citaĵo
« Saĝeco ne estas komunikebla. La saĝeco, kiun saĝulo provas komuniki sonas ĉiam kiel stulteco» « Weisheit ist nicht mitteilbar. Weisheit, welche ein Weiser mitzuteilen versucht, klingt immer wie Narrheit. »
— Hermann Hesse, Sidarto
Citaĵo
« Saĝulo aŭdu kaj plimultigu sian scion,
Kaj prudentulo akiros gvidajn kapablojn »
— Sentencoj 1:5
Citaĵo
« Ju pli aĝa des pli saĝa. »
— Proverbo
Citaĵo
« Malantaŭ la Ombro staras la Anima, kiu havas grandan povon je tentado kaj ĉarmigado. Ŝi ofte aperas en tro juna figuro kaj kaŝas per si, siavice, la arketipon de la Maljuna Saĝulo (magiisto, reĝo ktp). »
— Carl Gustav Jung, Pri psikologio de trikstero

Vidu ankaŭ[redakti]