Registaro

El Vikicitaro
Salti al navigilo Salti al serĉilo
registaro
registaro
Aliaj projektoj
Wikipedia-logo-v2.svg registaro en Vikipedio
Commons-logo.svg registaro en Komuneja kategorio
Wikinews-logo.svg registaro en Vikinovaĵoj

Registaro (de la latina: regere; gvidi, konduki) estas organizo, kiu havas eblon krei kaj altrudi leĝojn (kaj ties plenumadon) en difinita territorio.

Citaĵoj[redakti]

Citaĵo
« …la sperto montras ke la plej danĝera momento por malbona registaro venas kutime kiam ĝi komencas reformi sin. Nur geniulo povas savi reganton, kiu entreprenis provon plibonigi staton de siaj regatoj post longa subpremado. Malbono, kiun oni longe toleradis kiel neeviteblan, iĝas neeltenebla pro unusola penso ke oni povas ĝin eviti. Kaj ŝajnas ke forigataj malbonaĵoj nur pli forte substrekas tiujn restintajn kaj faras ilin eĉ pli dolorigaj: malbono efektive malkreskas, sed senteblas pli. »
— Alexis de Tocqueville, La malnova reĝimo kaj revolucio [1856]
Citaĵo
« Kio estas la plej bona registaro? Tiu, kiu instruas nin regi nin mem. »
— Goethe
Citaĵo
« Kiam politikistoj ne havas la kapablon regi, ili kreas komisionojn. »
— Konrad Adenauer
Citaĵo
« Ekde la krepusko de la homo, ĉiuj nacioj havas registaron, kaj ĉiuj hontas pri siaj registaroj. »
— Chesterton
Citaĵo
« Eduki estas trejni homojn kapablajn regi sin, kaj ne esti regataj de aliaj. »
— Herbert Spencer
Citaĵo
« La plej granda puno por tiuj, kiuj ne interesiĝas pri politiko, estas, ke interesataj homoj regos ilin. »
— Arnold Joseph Toynbee
Citaĵo
« La plej bona registaro estas tiu, kiu volas feliĉigi la homojn kaj scias kiel fari tion. »
— Thomas Macaulay
Citaĵo
« La poŝoj de la regantoj devas esti el vitro»
— Enrique Tierno Galván
Citaĵo
« Registaroj estas veloj, homoj, vento; la Ŝtato estas la ŝipo, la tempo kaj la maro. »
— Ludwig Börne
Citaĵo
« Ne ekzistas populara registaro. Regi estas krei malkontenton. »
— Anatole France
Citaĵo
« Bona registaro similas al bona digesto; dum ĝi funkcias, ni apenaŭ perceptas ĝin. »
— Erskine Caldwell
Citaĵo
« Neniu viro estas tro bona por regi alian sen sia konsento»
— Abraham Lincoln
Citaĵo
« Dum ĉiuj aliaj sciencoj progresis, tiu de registaro staras; iom pli bone komprenata; iom pli bone praktikata nun ol antaŭ tri aŭ kvar mil jaroj. »
— John Adams
Citaĵo
« Kie homoj timas la registaron, vi havas tiranecon. Kie la registaro timas la homojn, vi havas liberecon»
— John Basil Barnhill
Citaĵo
« La celo de registaro en paco kaj milito ne estas la gloro de regantoj aŭ de rasoj, sed la feliĉo de la simpla homo. »
— William Beveridge
Citaĵo
« La registaro bonas por enspezi impostojn, forigi viajn liberecojn kaj mortigi homojn. Ĝi ne taŭgas por multe alia. »
— Tom Clancy
Citaĵo
« Registaroj en kapitalisma socio estas nur komitatoj de riĉuloj por administri la aferojn de la kapitalisma klaso. »
— James Connolly
Citaĵo
« La klaso, kiu havas la povon ŝteli grandskale, havas ankaŭ la povon regi la registaron kaj leĝigi ilian rabon»
— Eugene Debs
Citaĵo
« Nenio pli detruas respekton por la registaro kaj la leĝo de la lando ol aprobi leĝojn ne aplikeblajn. »
— Albert Einstein
Citaĵo
« La laboro de demokratioj estas maksimumigi la inkluzivon de multaj por krei prosperon, ne por ebligi al malmultaj amasigi monon. »
— Nick Hanauer
Citaĵo
« La tuta rega arto konsistas en la arto esti honesta»
— Thomas Jefferson
Citaĵo
« Se nia registaro ne estas reprezenta registaro, ĝi estas nenio. »
— Edward de Veaux Morrell
Citaĵo
« Registaro, kiu ne povas protekti siajn plej humilajn civitanojn kontraŭ indigno kaj vundo, estas malinda je la nomo kaj ne devas komandi la subtenon de libera popolo»
— Charles E. Nash
Citaĵo
« Ĉu iu povas respekti registaron, kiu donas rajtojn nur al la privilegiitaj klasoj, kaj neniu al la laboristoj»
— August Spies
Citaĵo
« Burokratio kaj socia harmonio estas inverse proporciaj inter si. »
— Leon Trockij
Citaĵo
« Niaj devoj kaj lojaleco ne devas esti al registaro, kiu pruvis ree, ke ĝi estas la malamiko de la popolo, krom se la homoj estas riĉaj je dolaroj. »
— John Trudell
Citaĵo
« Homoj ne timu sian registaron. Registaroj devas timi siajn homojn. »
— V en V por Vendetta (2006)
Citaĵo
« Mi luktas por subteni la registaron, ne por faligi ĝin. Mi luktas precipe por malebligi, ke aliaj renversu ĝin. »
— Abraham Lincoln
Citaĵo
« Ĉiu lando havas la registaron, kiun ĝi meritas. »
— Joseph de Maistre
Citaĵo
« La vera rega arto konsistas en ne regi tro multe. »
— Jonathan Shipley
Citaĵo
« Ŝtatoj estas bonegaj motoroj malrapide moviĝantaj. »
— Francis Bacon
Citaĵo
« Anglujo estas la patrino de parlamentoj»
— John Bright
Citaĵo
« Konservativa Registaro estas organizita hipokriteco»
— Benjamin Disraeli
Citaĵo
« Individuoj povas formi komunumojn, sed nur institucioj povas krei nacion. »
— Benjamin Disraeli
Citaĵo
« Kiu registaro estas la plej bona? Tiu, kiu instruas nin regi nin mem. »
— Johann Wolfgang von Goethe
Citaĵo
« La sekureco de la ŝtato estas la plej alta leĝo. »
— Justiniano
Citaĵo
« Mi esperas nenion de eksterlandaj registaroj. Ili neniam vere pretos helpi vin, ĝis vi montros, ke vi estas sufiĉe forta por konkeri sen ili. »
— Giuseppe Mazzini
Citaĵo
« Lernu, mia filo, kiom malmulte da saĝo regas la mondo. »
— Atribuita al Axel von Oxenstierna
Citaĵo
« Malamata registaro ne daŭras longe. »
— Seneko

Vidu ankaŭ[redakti]