Zamenhofa proverbaro

El Vikicitaro
(Alidirektita el Zamenhofa Proverbaro)
Iri al: navigado, serĉi
Zamenhofa proverbaro
Zamenhofa proverbaro
Aliaj projektoj
Wikipedia-logo-v2.svg Zamenhofa proverbaro en Vikipedio

La Zamenhofa Proverbaro havas ĉirkaŭ 2.660 proverbojn.

Ekzistas ankaŭ listigo ordigita laŭ temoj, utila por pliriĉigi unuopajn artikolojn.

Enhavo: A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z

A[redakti]

  • Abelujon ne incitu, amason ne spitu.
  • Afabla vorto pli atingas ol forto.
  • Agrabla estas gasto, se ne longe li restas.
  • Aĝo maljuna ne estas oportuna.
  • Aĝo tro matura ne estas plezura.
  • Akiro kaj perdo rajdas duope.
  • Akvo bolas, murmuras, sed fine ĝi kuras.
  • Akvo kaj pano servas al sano.
  • Akvo kura -- akvo pura.
  • Akvo silenta subfosas la bordon.
  • Akvo trankvila estas akvo danĝera.
  • Akvon senmovan kovras putraĵo.
  • Al amiko nova ne fidu sen provo.
  • Al bona ĉasisto iras mem la besto.
  • Al ĉevalo donacita oni buŝon ne esploras.
  • Al ĉiu besto plaĉas ĝia nesto.
  • Al ĉiu frato lian parton.
  • Al ĉiu konvenas, kio al li apartenas.
  • Al ĉiu sanktulo apartan kandelon.
  • Al ĉiu sia propra estas ĉarma kaj kara.
  • Al ĉiu sinjoro estu lia honoro.
  • Al Dio plaĉu, sed sur diablon ne kraĉu.
  • Al Dio servu, diablon rezervu.
  • Al du sinjoroj samtempe oni servi ne povas.
  • Al farun' malbonspeca ne helpos la spico.
  • Al feliĉulo eĉ koko donas ovojn.
  • Al fiŝ' kuirita jam akvo ne helpos.
  • Al glacio printempa kaj al amiko tro nova ne fidu.
  • Al grandaj sinjoroj grandaj honoroj.
  • Al hundo bastono -- al hom' leciono.
  • Al kavo senfunda ŝtopado ne helpas.
  • Al kokino la ovo lecionojn ne donu.
  • Al koro penetro per okula fenestro.
  • Al kuko kaj kaso ĉiam venas amaso.
  • Al la afero!}}
  • Al la buŝo de "oni" neniu povas ordoni.
  • Al la fiŝo ne instruu naĝarton.
  • Al la malamik' en kuro faru ponton kun plezuro.
  • Al la papero ne mankas tolero.
  • Al li ne mankas defendo kontraŭ ofendo.
  • Al loko dolora ni manon etendas, al loko ĉarma okulojn ni sendas.
  • Al loko dolora ni manon etendas -- al loko ĉarma okulojn ni sendas.
  • Al malriĉulo infanoj ne mankas.
  • Al malriĉulo ovo kiel al riĉulo bovo.
  • Al malsaĝulo ne helpas admono, nur bastono.
  • Al mono kaj forto humiliĝas la sorto.
  • Al pec' pecon algluas, kiu neston konstruas.
  • Al porko Dio kornojn ne donas.
  • Al posedanto de metio mankas nenio.
  • Al promeso oni ne kredas, -- kredu, kiu posedas.
  • Al protekto kaj forto helpas la sorto.
  • Al sklavo mon' ne estas savo, li ĉiam restas sklavo.
  • Al sklavo mon' ne estas savo -- li ĉiam restas sklavo.
  • Al tiu ĉio cedas, kiu monon posedas.
  • Al venko rajto venas, se ĝin forto subtenas.
  • Al vi ne plaĉis sitelo, laboru per martelo.
  • Al vi oni predikas kaj nin oni pikas.
  • Al vi oni predikas, kaj nin oni pikas.
  • Alia tempo, aliaj moroj.
  • Alia urbo, alia moro.
  • Aliaj domoj, aliaj homoj.
  • Aliaj tempoj, aliaj moroj.
  • Aliajn gvidas kaj mem ne vidas.
  • Alian ne mallaŭdu, vin mem ne aplaŭdu.
  • Aliloka ĉielo estas sama ĉielo.
  • Almozoj ne malriĉigas.
  • Almozpetanto sinĝena restas kun sako malplena.
  • Alpremi iun al muro.
  • Altan arbon batas la fulmo.
  • Amaso da fianĉoj, sed la ĝusta ne venas.
  • Amaso da mono kaj titolo de barono.
  • Ambaŭ floroj de samaj valoroj.
  • Ameno diablon ne forpelas.
  • Amikeco aparte, afero aparte.
  • Amikeco aparte, ofico aparte.
  • Amiko de amiko estas ankaŭ amiko.
  • Amiko en ĝojo kaj malĝojo.
  • Amiko en ĝojo kaj ploro.
  • Amiko estas kara, sed mi mem estas pli kara.
  • Amiko estas kara, sed vero pli kara.
  • Amiko fidela estas trezoro plej bela.
  • Amiko -- intimulo.
  • Amikon karesu, sed kalkuli ne forgesu.
  • Amikon montras malfeliĉo.
  • Amikon ŝatu, malamikon ne batu.
  • Amo estas forta, sed mono pli forta.
  • Amo faras ion, mono ĉion.
  • Amo kaj ĵaluzo estas gefratoj.
  • Amo kaj puno loĝas komune.
  • Amo pli kora, disiĝo pli dolora.
  • Amo supermezura ne estas plezura.
  • Amu Antonon, sed gardu vian monon.
  • Amu domon novan kaj amikon malnovan.
  • Amu edzinon plej kore, sed tenu ŝin bonmore.
  • Animo al paradizo deziras, sed pekoj retiras.
  • Ankaŭ al ni la suno eklumos.
  • Ankaŭ al nia nesto venos iam la festo.
  • Ankaŭ diablo tondron suferos.
  • Ankaŭ la lupon atingos la sorto.
  • Ankaŭ por diablo tondro ekzistas.
  • Ankoraŭ Dio ne dormas.
  • Ankoraŭ la ezoko ne estas sur la hoko.
  • Ankoraŭ la gajno ne estas en la mano.
  • Ankoraŭ multe vi kuros, ĝis vi alkuros.
  • Ankoraŭ neniu evitis la sorton.
  • Ankoraŭ neniu plaĉis al ĉiu.
  • Antaŭ ĉio zorgu oficon, -- plezuro atendos sian vicon.
  • Antaŭ la lango laboru la cerbo.
  • Antaŭ mortigo de urso ne vendu ĝian felon.
  • Antaŭ okuloj ne staras, doloron ne faras.
  • Antaŭ tima okulo potenciĝas eĉ kulo.
  • Antaŭ vespero ne estu fiera.
  • Antaŭe intencu kaj poste komencu.
  • Antaŭe kion vi devas, poste kion vi volas.
  • Antaŭparolo liberigas de postparolo.
  • Aperas prudento, kiam pasis la momento.
  • Aprila vetero -- trompa aero.
  • Apud plena manĝotablo ĉiu estas tre afabla.
  • Apud propra domo ŝtelisto ne ŝtelas.
  • Aranĝite, ordigite.
  • Arbaro aŭdas, kampo vidas.
  • Arbo krakanta venton ne timas.
  • Atakis lin horo malsaĝa.
  • Atakis teruro, ektremis la kruro.
  • Atendi bonan veteron kaj laman kurieron.
  • Atendi sur tero, ĝis sekiĝos la rivero.
  • Atendis, atendis, ĝis lin ĉerko etendis.
  • Atendis, meditis, ĝis en tombon englitis.
  • Atendu min antaŭ la domo de mia pranepo.
  • Atentu!}}
  • Atesto de matureco.
  • Atingi la vesperon de sia vivo.
  • Aŭ ĉio, aŭ nenio.
  • Aŭ festene, aŭ malplene.
  • Aŭ festo, aŭ fasto.
  • Aŭ kuseno sub ripo, aŭ bato per vipo.
  • Aŭ ministran postenon, aŭ pundoman katenon.
  • Aŭ plej riĉa stato, aŭ plena malsato.
  • Aŭskultas prudente, kiu aŭskultas atente.
  • Aŭskulti kiel ĥinan predikon.
  • Avarulo avaras, heredantoj malŝparas.
  • Avarulo pagas duoble.
  • Azen' al azeno riproĉas malsaĝon.
  • Azenon komunan oni batas plej multe.

B[redakti]

  • Babilas, muelas, kion lango elpelas.
  • Balaaĵon el korto eksteren ne elportu.
  • Barakti kiel fiŝo ekster la akvo.
  • Barbo elkreskis, sed saĝon ne naskis.
  • Barbo potenca, sed kapo sensenca.
  • Barelo malplena sonas plej laŭte.
  • Bastono batas, bastono resaltas.
  • Batadi kiel fiŝo kontraŭ glacio.
  • Batadi la venton.
  • Bataladi kontraŭ la sorto.
  • Batanto povas argumenti, batato devas silenti.
  • Batita komprenas aludon.
  • Bato de frato estas sen kompato.
  • Bato de patrino ne longe doloras.
  • Batu malbonulon, li vin flatos, -- kisu, li vin batos.
  • Bedaŭrinde!}}
  • Bedaŭro kaj ĉagreno ŝuldon ne kovras.
  • Bela birdo!}}
  • Bela celo por fabelo.
  • Bela paro por altaro.
  • Bela per vizaĝo, sed ne bela per saĝo.
  • Bela vizaĝo estas duono da doto.
  • Bela vizaĝo, sed ne bela la saĝo.
  • Belaj rakontoj el trans la montoj.
  • Beleco hodiaŭ estas, morgaŭ ne restas.
  • Beleco logas, virto apogas.
  • Belecon taksas ne okulo sed koro.
  • Bezono estas plej forta ordono.
  • Birdo kantas laŭ sia beko.
  • Birdo petolas, kiom ĝi volas.
  • Blindulo kartojn ludi ne devas.
  • Bojas hundido, ĉar tiel faras la hundo.
  • Bojas hundido, kiel ĝi aŭdas de hundoj.
  • Bojas hundo sen puno eĉ kontraŭ la suno.
  • Bona estas domo nova kaj amiko malnova.
  • Bona estas fremdlando, sed aliaj tie loĝu.
  • Bona estas Romo, sed tro malproksima de nia domo.
  • Bona famo sin trenas testude, malbona kuras rapide.
  • Bona gloro pli valoras ol oro.
  • Bona ideo venas post la pereo.
  • Bona kaporalo revas esti generalo.
  • Bona puno por malbona peno.
  • Bona stato saĝigas, malbona malsaĝigas.
  • Bona vino al la fino.
  • Bonaj infanoj gepatrojn feliĉigas, malbonaj ilin entombigas.
  • Bonaj kalkuloj, bonaj kunuloj.
  • Bone kreskas la herbo, sed ĉevalo jam mortis.
  • Bone sukcesu, sed ankaŭ nin ne forgesu.
  • Bone tiu sidas, al kiu la sorto ridas.
  • Bonfaron oni facile forgesas.
  • Bongusta peco longe ne atendas.
  • Bono farita ne estas perdita.
  • Bono posedata ne estas ŝatata.
  • Bovidon mi atendis, infanon Dio sendis.
  • Bovidon mi atendis, -- infanon Dio sendis.
  • Blovo prenita, koko donita kaj -- kvita.
  • Brava batalanto kontraŭ plado bolanta.
  • Brava homo en sia domo.
  • Bravulo kontraŭ muŝo, sed muŝo kontraŭ bravulo.
  • Brogita eĉ sur akvon blovas.
  • Bruligi al si la lipharojn.
  • Bruo potenca, nula esenco.
  • Buĉas la lupo, oni ankaŭ ĝin buĉos.
  • Butonumi iun malvaste.

C[redakti]

Ĉ[redakti]

  • Ĉasaĵo ĉasanton ne atendas.
  • Ĉe botisto la ŝuo estas ĉiam kun truo.
  • Ĉe l' freŝa faro.
  • Ĉe la tagiĝo.
  • Ĉe mastro ŝtelisto la servantoj ne ŝtelas.
  • Ĉe plej granda fido memoru pri perfido.
  • Ĉe stomako malsata ne kapricas palato.
  • Ĉe tablo malplena babilo ne fluas.
  • Ĉe tro ĝentila ekstero mankas sincero.
  • Ĉe vesto velura suferas stomako.
  • Ĉe vulpoj ĉiam naskiĝas nur vulpoj.
  • Ĉerpi akvon per kribrilo.
  • Ĉesis esti vino, sed vinagro ne fariĝis.
  • Ĉia dono estas bono.
  • Ĉie estas varme, sed hejme plej ĉarme.
  • Ĉio dependas de "se" kaj "kiam".
  • Ĉio estas por li kiel polvero sur la tero.
  • Ĉio havas finon.
  • Ĉio havas sian "sed" kaj "se."}}
  • Ĉio sia estas plej ĉarma.
  • Ĉio supermezura estas terura.
  • Ĉio taŭgas, kio venas.
  • Ĉio transmara estas ĉarma kaj kara.
  • Ĉion novan oni ŝatas, malnovan oni forbatas.
  • Ĉion rigardi tra sia persona vitro.
  • Ĉirkaŭ sanktuloj diabloj vagas.
  • Ĉirkaŭflatadi kaj ĉirkaŭflirtadi iun.
  • Ĉiu "li" havas sian "ŝi".
  • Ĉiu "tial" havas sian "kial."}}
  • Ĉiu abomenaĵo trovas sian adoranton.
  • Ĉiu angulo kun sia sanktulo.
  • Ĉiu barono havas sian kapricon.
  • Ĉiu besto zorgas pri sia nesto.
  • Ĉiu eraro estas kulpo.
  • Ĉiu estis junulo, ĉiu estis pekulo.
  • Ĉiu familio havas sian kriplulon.
  • Ĉiu havas sian guston.
  • Ĉiu havas sian kaŝitan mizeron.
  • Ĉiu havas sian propran guston.
  • Ĉiu havas sian ŝarĝon.
  • Ĉiu havas sian vermon.
  • Ĉiu iras, kiel saĝ' al li diras.
  • Ĉiu klopodu nur en sia metio, tiam al la urbo mankos nenio.
  • Ĉiu komenco estas malfacila.
  • Ĉiu kreas sian forton, ĉiu forĝas sian sorton.
  • Ĉiu manĝas, kiel li aranĝas.
  • Ĉiu mano al si altiras.
  • Ĉiu medalo du flankojn posedas.
  • Ĉiu mezuras aliajn laŭ sia mezurilo.
  • Ĉiu morgaŭ havas sian zorgon.
  • Ĉiu persono kun sia bezono.
  • Ĉiu por si mem estas la plej kara.
  • Ĉiu por si, por ĉiuj Di'.
  • Ĉiu por si -- por ĉiuj Di'.
  • Ĉiu propran saĝon posedas.
  • Ĉiu provas, kion li povas.
  • Ĉiu sezono kun sia bono.
  • Ĉiu sin direktas, kiel la kap' al li diktas.
  • Ĉiu sin gvidas, kiel li vidas.
  • Ĉiu tajloro havas sian tranĉmanieron.
  • Ĉiu vivas laŭ sia prudento kaj sento.
  • Ĉiu vulpo sian voston laŭdas.
  • Ĉiuj enterigitoj estas plenaj de meritoj.
  • Ĉiuj milionoj konsistas el milonoj.
  • Ĉiun demandu, sed mem al vi komandu.

D[redakti]

  • Danci antaŭ iu sur piedoj kaj manoj.
  • Danci kiel kato ĉirkaŭ poto.
  • Danci laŭ ies fajfilo.
  • Dancu diabloj, sed ne en mia arbaro.
  • Dando el reĝa hundejo.
  • Danĝera estas bovo antaŭe, ĉevalo malantaŭe, kaj malsaĝulo de ĉiuj flankoj.
  • Danĝero sieĝas, al Dio ni preĝas -- danĝero ĉesas, ni Dion forgesas.
  • Danĝero sieĝas, al Dio ni preĝas; danĝero ĉesas, ni Dion forgesas.
  • De atendo kaj espero pereis multaj sur la tero.
  • De bona vorto lango ne doloras.
  • De edziĝo tro malfrua orfoj naskiĝas.
  • De elekto tro multa plej malbona rezulto.
  • De fremda dento ni doloron ne sentas.
  • De fremda groŝo ŝiriĝas la poŝo.
  • De guto post guto disfalas granito.
  • De kantado senpaga doloras la gorĝo.
  • De kiu la kulpo, por tiu la puno.
  • De l' koro spegulo estas la okulo.
  • De la buŝo ĝis la manoj estas granda interspaco.
  • De la manoj ĝis lipoj la sup' elverŝiĝis.
  • De la volo la ordono pli efikas ol bastono.
  • De legado sen atento ne riĉiĝas la prudento.
  • De lia vivo aranĝo estas trinko kaj manĝo.
  • De majesta ĝis ridinda estas nur unu paŝo.
  • De malbona ŝafo estas bona eĉ tufo.
  • De malgranda kandelo forbrulis granda kastelo.
  • De malriĉula manĝo ni guston ne scias.
  • De manĝo malriĉula ni guston ne scias.
  • De nehavanto eĉ reĝo nenion ricevos.
  • De parolo ĝis faro estas tre malproksime.
  • De peko kaj mizero estas plena la tero.
  • De plendo kaj ploro ne foriĝas doloro.
  • De pli da suko ne malboniĝas la kuko.
  • De rigardo tro alta malsaniĝas okulo.
  • De sama koloro, de sama valoro.
  • De semo putra venas frukto ne nutra.
  • De senpripensa rekomendo venas ploro kaj plendo.
  • De superfluo malboniĝas la ĝuo.
  • De ŝafo senlana eĉ lanero taŭgas.
  • De tro da pano venas malsano.
  • De tro multa scio krevas la kranio.
  • De unu bovo oni du felojn ne deŝiras.
  • De unu bovo oni du felojn ne ŝiras.
  • De vorto ĝentila ne doloras la lango.
  • De zorgoj, ne de jaroj, blankiĝas la haroj.
  • Dek fojojn mezuru, unu fojon detranĉu.
  • Deko da pekoj, unu la puno.
  • Deko da pekoj -- unu la puno.
  • Demando ne kostas, demando ne devigas.
  • Demeti de si la antikvan Adamon.
  • Dentoj mordas la langon, tamen ambaŭ sin amas.
  • Depost tempo nememorebla.
  • Detruita ĝis la fundo de l' fundamento.
  • Deziri al iu amason da mono kaj titolon de barono.
  • Deziri al iu ĉion bonan.
  • Deziro kaj inklino ordonon ne obeas.
  • Deziro tre granda, sed mankas la forto.
  • Deziru sincere, vi atingos libere.
  • Deziru, ne deziru -- ordon' estas, iru!}}
  • Diablo ne ĉiam unu pordon sieĝas.
  • Diablo ŝercon ne komprenas, vokite li venas.
  • Difekton de naturo ne kovros veluro.
  • Dio al vi donis, por ke vi povu doni.
  • Dio batas, Dio kompatas.
  • Dio donis buŝon, Dio donos manĝon.
  • Dio donis infanon, Dio donos por ĝi panon.
  • Dio donis kaj benis, sed diablo forprenis.
  • Dio donis oficon, Dio donas kapablon.
  • Dio donis oficon, Dio donas prudenton.
  • Dio donis tagon, Dio donos manĝon.
  • Dio donis, Dio prenis.
  • Dio ĝuste faras, neniam eraras.
  • Dio kompatu!}}
  • Dio longe paciencas, sed severe rekompencas.
  • Dio manĝon donacis, sed la dentoj agacas.
  • Dio ne perfidas, se homo lin fidas.
  • Dio ne ricevis, diablo forlevis.
  • Dio orfojn ne forgesas.
  • Dio punas laŭ la fortoj.
  • Dio puni deziras, li la saĝon fortiras.
  • Dio scias bone pri niaj bezonoj.
  • Dion fidu, sed senfare ne sidu.
  • Dion kolerigis, homojn ridigis.
  • Dion laŭdu kaj diablon aplaŭdu.
  • Diri al iu nudan veron.
  • Diri la puran veron.
  • Diris kaj foriris.
  • Dirite, farite.
  • Diron oni neas, skribo ne pereas.
  • Disputo kredigas, sed ne certigas.
  • Disputoj kondukas al malpaco.
  • Disputu komence -- vi ne malpacos en fino.
  • Disputu pri ĉio, sed sen garantio.
  • Dolĉe ŝmiri al iu la lipojn.
  • Donacetoj subtenas amikecon.
  • Donaco nesincera estas donaco infera.
  • Donacon reprenu kaj mian vivon ne venenu.
  • Donado de almozoj neniam malriĉigas.
  • Doni al iu la baton de morto.
  • Doni la finofaran baton.
  • Doni la tonon.
  • Doni lecionon de moroj.
  • Doni ovon, por ricevi bovon.
  • Donu al krudulo plezuron, li ne scios mezuron.
  • Donu fingron al avidulo, li tutan manon postulas.
  • Dorloti serpenton sur sia brusto.
  • Dormus leporo, se ĝi ĉason ne timus.
  • Doto koron ne varmigas.
  • Draŝi fojnon.
  • Drinku tutajn tagojn, sed kontrolu viajn agojn.
  • Dronanto domon proponas, savito eĉ brikon ne donas.
  • Dronanto eĉ herbeton kaptas avide.
  • Droni en detaloj.
  • Du botoj faras paron.
  • Du kontraŭ unu prezentas armeon.
  • Du manoj faras ĉion, sed unu nenion.
  • Du militas -- tria profitas.
  • Du mortojn vi ne havos, de unu vi vin ne savos.
  • Du sinjoroj en unu bieno, du mastrinoj ĉe unu kameno -- neniam vivas sen reciproka malbeno.
  • Dubo gardas kontraŭ risko.
  • Dum la manĝado venas apetito.

E[redakti]

  • Ebrieco pasas post dormo, malsaĝeco neniam.
  • Ebriulon kaj malsaĝulon oni ne juĝas.
  • Eĉ bagatelo povas servi al celo.
  • Eĉ blinda kokino povas trovi grajnon.
  • Eĉ ĉe kokino troviĝas propra inklino.
  • Eĉ el sub la tero aperas la vero.
  • Eĉ en Parizo herbo ne fariĝas cerbo.
  • guto malgranda, konstante frapante, traboras la monton granitan.
  • Eĉ inter piuloj ne mankas pekuloj.
  • Eĉ kaprino plaĉas, se la doto sufiĉas.
  • Eĉ kiu plej bone pafas, tamen iam maltrafas.
  • Eĉ kontraŭ pastra prediko troviĝas kritiko.
  • kvar piedoj de ĉevalo ĝin ne savas de falo.
  • Eĉ malgranda muŝo ne estas sen buŝo.
  • Eĉ malsaĝulon sperto instruos.
  • Eĉ monstron admiras, kiu ame deliras.
  • Eĉ muŝo sentas, kiam vi ĝin turmentas.
  • Eĉ najtingalo ne estas sen galo.
  • Eĉ per dolĉa kuko vi min ne allogos.
  • Eĉ pinglo povas koron trapiki.
  • Eĉ plej bonan ŝipon malbonigas la ventoj.
  • Eĉ plej granda malbono al bono kondukas.
  • Eĉ plej nigra bovino donas lakton nur blankan.
  • Eĉ plej ruza vulpo en kaptilon falas.
  • Eĉ por plej terura tago venas vespero.
  • Eĉ por pomo putranta troviĝas amanto.
  • Eĉ signo ne restis, kie urbo estis.
  • Eĉ sur la suno troviĝas makuloj.
  • Eĉ ŝtipo estos bela, se vi ĝin ornamos.
  • ŝtono verdiĝas, se ĝi longe ne moviĝas.
  • vulpo plej ruza fine estas kaptata.
  • Edzigu filon, kiam vi volas, -- edzinigu filinon, kiam vi povas.
  • Edziĝo laŭ koro, laŭ la kvanto da oro.
  • Edziĝo najbara garantias de eraro.
  • Edziĝo pro amo flamanta al la sako sonanta.
  • Edziĝo tro momenta estas longapenta.
  • Edzin' admirata -- edzo malsata.
  • Edzino pli elverŝas per funelo, ol edzo enverŝas per sitelo.
  • Edzo edzinon laŭdas, edzino edzon aplaŭdas.
  • Edzo kaj edzino estas nur unu.
  • Edzo kaj edzino -- ĉiela difino.
  • Eksalte senhalte.
  • Eksplodema kiel pulvo.
  • Eksplodis kiel pulvo.
  • Ekster via ofico estas ekster via vico.
  • Ekstere honoro, interne doloro.
  • Ekzameni ne devigas preni.
  • Ekzemplo proponas, sed ne ordonas.
  • Ekzistas ezoko, ke fiŝetoj ne dormu.
  • Ekzistas ezoko, por ke fiŝetoj ne dormu.
  • El aero al tero.
  • El du malbonoj pli malgrandan elektu.
  • El flamo sin eltiris, en fajron eniris.
  • El fremda ledo oni tranĉas larĝe.
  • El fremda poŝo oni pagas facile.
  • El kanto oni vortojn ne elĵetas.
  • El klara ĉielo tondro ekbatis.
  • El la buŝ' multaj vortoj eliras, sed ne ĉiuj ion diras.
  • El la faraĉo fariĝis kaĉo.
  • El la mizero oni devas fari virton.
  • El la neceseco oni devas fari virton.
  • El la poŝo al la buŝo.
  • El la sama buŝo li blovas varmon kaj malvarmon.
  • El lia mano ĉiu monero elglitas.
  • El malgrandaj akveroj fariĝas grandaj riveroj.
  • El malplena telero vane ĉerpas kulero.
  • El multaj milonoj fariĝas milionoj.
  • El post la arbo li estas bravulo.
  • El sama tero devenas, saman sukon entenas.
  • Elbatadi ies sojlon.
  • Elektadis sen fino, edziĝis kun porkino.
  • Elektu edzinon laŭ deveno kaj ne laŭ mieno.
  • Eliri sen frakaso el granda embaraso.
  • Elmeti la okulon kaj vidi nulon.
  • Elmetu mielon, muŝoj alflugos.
  • Elpeli iun el la mondo de la vivuloj.
  • Eltrinki per unu tiro.
  • Elverŝi sur iun sian koleron.
  • Eminenta ŝuldanto, malbona paganto.
  • Eminenta ŝuldanto -- malbona paganto.
  • En abelujon ne blovu.
  • En akvo malklara oni fiŝkaptas facile.
  • En amaso eĉ morto estas pli gaja.
  • En arbaro sidas kaj arbojn ne vidas.
  • En arbaro sidis kaj arbojn ne vidis.
  • En bona horo!}}
  • En bona ordo tra la pordo!}}
  • En buŝo Biblio, en koro malpio.
  • En ĉeesto amata, en forest' insultata.
  • En ĉiu aĝo devas kreski la saĝo.
  • En ĉiu angulo alia postulo.
  • En ĉiu brusto estas sia gusto.
  • En ĉiu kranio estas sia opinio.
  • En ĉiu kranio regas aparta opinio.
  • En ĉiu malbono estas iom da bono.
  • En ĉiu objekto troviĝas difekto.
  • En ĉiu transloĝiĝo estas parto de ruiniĝo.
  • En dom' de pendigito pri ŝnuro ne parolu.
  • En feliĉo ne fieru, en malfeliĉo esperu.
  • En fremda okulo ni vidas ligneron, en nia ni trabon ne vidas.
  • En fremda tegmento li flikas truon kaj en propra ne vidas la fluon.
  • En fremdan vazon ne ŝovu la nazon.
  • En infano vidiĝas, kia homo fariĝos.
  • En infero loĝante, kun diabloj ne disputu.
  • En juneco logas, en maljuneco tedas.
  • En juneco ni petas, en maljuneco forĵetas.
  • En kompanio eĉ morto faciliĝas.
  • En la bona malnova tempo.
  • En la propra sia domo ĉiu estas granda homo.
  • En la tago de la sankta Neniamo.
  • En la triĵaŭda semajno.
  • En landoj transmaraj estas oraj arbaroj.
  • En luma tago.
  • En malfacila horo eĉ groŝ' estas valoro.
  • En malsata familio mankas harmonio.
  • En mizero eĉ saĝulo estas malsaĝa.
  • En nomo de l' ĉielo, sed pro bono de l' felo.
  • En plej alta mizero al Dio esperu.
  • En propra angulo ĉiu estas fortulo.
  • En puton ne kraĉu, ĉar vi trinki bezonos.
  • En sia afero ĉiu juĝu libere.
  • En sia angulo li estas bravulo.
  • En sia dometo li estas atleto.
  • En sia korto ĉiu kok' estas forta.
  • En ŝerco kaj ludo ofte sidas aludo.
  • En trankvila vetero ĉiu remas sen danĝero.
  • En unu sako du katoj, ĉiam mordoj kaj gratoj.
  • En via malica regalo vin atendas ankaŭ pokalo.
  • Enbati al si en la kapon.
  • Enbatiĝi.
  • Enpakiĝu kaj foriĝu.
  • Enpremi en la teron.
  • Enpremi iun en funelon.
  • Enskribu en vian memoron.
  • Enspezo postulas elspezon.
  • Envia moko sukceson ne detruas.
  • Esperis flaton, -- ricevis baton.
  • Espero kaj pacienco kondukas al potenco.
  • Espero logas, espero mensogas.
  • Espero panon ne donas.
  • Espero postulas oferon.
  • Estas ŝafoj, estos lano.
  • Estas tubero en la afero.
  • Esti anĝelo inter homoj, sed satano en la domo.
  • Esti bone enskribita ĉe iu.
  • Esti en granda embaraso.
  • Esti en Romo kaj ne vidi la Papon.
  • Esti en sia elemento.
  • Esti en situacio sen eliro.
  • Esti inter martelo kaj amboso.
  • Esti sub la ŝuo (de sia edzino).
  • Estinta amiko estas plej danĝera malamiko.
  • Estintaj amikoj plej kruele malpacas.
  • Estis la tempo, ni ne komprenis, -- pasis la tempo, la saĝ' al ni venis.
  • Estro ne malsatas.
  • Estu ĉapo laŭ la kapo.
  • Estu saĝa homo en via propra domo.
  • Estu sinjoro de via vorto.

F[redakti]

  • Fabeloj por infanoj.
  • Facile estas danci, se la feliĉo kantas.
  • Fadeno iras, kien kudrilo ĝin tiras.
  • Fajro provas la oron, mizero la koron.
  • Fajron estingas akvo, pekon pardono.
  • Falinton ĉiu atakas.
  • Falis el mano, prenu satano.
  • Falis el mano -- prenu satano.
  • Famo kredon allogas, sed tre ofte mensogas.
  • Famo laŭte krias, ĉiuj ekscias.
  • Famo ne flugas, se kaŭzo ne estas.
  • Faras rabon kaj ŝtelon, por oferi al Dio kandelon.
  • Fari al iu bonan lavon.
  • Fari al iu predikon pri moroj.
  • Fari al iu ursan kareson.
  • Fari aplaŭdon sur la vangon.
  • Fari el iu arkon.
  • Fari el muŝo elefanton.
  • Farita ne refariĝos.
  • Farita via faro, nun adiaŭ, mia kara!}}
  • Farita -- elstrekita.
  • Faro farinton rekomendas.
  • Faru hodiaŭ, kion vi povas, -- morgaŭ vi eble okazon ne trovos.
  • Faru vian aferon, Dio zorgos ceteron.
  • Fasto kaj preĝo riĉecon ne donas.
  • Feliĉo fierigas, malfeliĉo saĝigas.
  • Feliĉo hodiaŭ karesas, morgaŭ forgesas.
  • Feliĉo kaj riĉo envion elvokas.
  • Feliĉo leĝon ne konas.
  • Feliĉo leĝon ne obeas, subite naskiĝas, subite pereas.
  • Feliĉo venas gute, malfeliĉo venas flue.
  • Feliĉo vezike sin levas, sed baldaŭ falas kaj krevas.
  • Feliĉon oni ne heredas nek cedas.
  • Fendita ligno facile ekbrulas.
  • Festeno kaj ĉaso kaj da ŝuldoj amaso.
  • Festotaga laboro estas sen valoro.
  • Fianĉiĝis -- por ĉiam ligiĝis.
  • Fianĉiĝo ne estas edziĝo.
  • Fianĉon de l' sorto difinitan forpelos nenia malhelpo.
  • Fidanta al vorto atendas ĝis morto.
  • Fiera mieno -- kapo malplena.
  • Fiereco venas antaŭ la falo.
  • Filo konfesis, patro forgesis.
  • Filo konfesis -- patro forgesis.
  • Finita kaj glatigita.
  • Fino bona, ĉio bona.
  • Fiŝo granda naĝas profunde.
  • Fiŝo ne iras, sed hoko ĝin tiras.
  • Fiŝo pli granda malgrandan englutas.
  • Fiŝo scias pri naĝo ankaŭ sen via saĝo.
  • Fiŝo sen vino estas veneno.
  • Fiŝo serĉas dronon, homo serĉas bonon.
  • Fiŝo serĉas profundon, homo serĉas abundon.
  • Fiŝo volas naĝi.
  • Flamiĝema kiel ligno rezina.
  • Fleksu arbon dum ĝia juneco.
  • Flugema kiel vento.
  • Fluidaĵo sen difino, nek vinagro nek vino.
  • Fluis sur lipoj, sed en buŝon ne trafis.
  • For de l' okuloj, for de la koro.
  • For el la manoj -- for el kalkulo.
  • For konscienco, venos potenco.
  • For!}}
  • Fordoni anseron, por ricevi paseron.
  • Fordormi la okazon.
  • Foresto de ofendo estas plej bona defendo.
  • Forfluu infano kune kun la bano.
  • Forĝu feron dum ĝi estas varmega.
  • Forigu lin!}}
  • Foriris bovido, revenis bovo.
  • Formanĝis en merkredo, ne serĉu en vendredo.
  • Formeti en arĥivon.
  • Formeti ĝis la grekaj kalendoj.
  • Formeti la aferon en la keston de forgeso.
  • Forportu vian pakaĵon kaj havaĵon!}}
  • Forsavis sian korpon kaj animon.
  • Forte sidas, kiu Dion fidas.
  • Fortoj leporaj, kaj kapricoj sinjoraj.
  • Forveturis azenido kaj revenis azeno.
  • Forveturis malsaĝa, revenis nur pli aĝa.
  • France saĝa, angle sovaĝa.
  • Fremda animo estas abismo sen limo.
  • Fremda doloro ne kondukas al ploro.
  • Fremda korpo ne doloras.
  • Fremda malfeliĉo instruas.
  • Fremda manĝo havas bonan guston.
  • Fremda medito estas kaŝita.
  • Fremda mizero ne estas sufero.
  • Fremda mizero -- ridinda afero.
  • Fremda spesmilo estas sen utilo.
  • Fremdan dorson bastoni -- ankaŭ sian doni.
  • Fremdan vundon kaŝas vesto.
  • Fremdlando objekton por speso donas, sed por ĝin venigi, oni spesmilon bezonas.
  • Frosto lin atakis.
  • Frue leviĝu kaj frue edziĝu.
  • Frukto malpermesita estas plej bongusta.
  • Fungon englutis!}}

G[redakti]

  • Gardatan ŝafon eĉ lupo timas.
  • Gardu kandelon por la nokto.
  • Gardu min Dio kontraŭ amikoj, kontraŭ malamikoj mi gardos min mem.
  • Gardu min Dio kontraŭ amikoj, -- kontraŭ malamikoj mi gardos min mem.
  • Gardu vin du baroj: lipoj kaj dentaroj.
  • Gast' en tempo malĝusta estas ŝtono sur brusto.
  • Gasto havas akrajn okulojn.
  • Gasto kiel fiŝo baldaŭ fariĝas malfreŝa.
  • Gasto sen avizo estas agrabla surprizo.
  • Gasto tro petata foriras malsata.
  • Geamantoj sin pikas.
  • Geedzoj en paco vivas en reĝa palaco.
  • Granda doto kaj oro, sed mankas la koro.
  • Granda estas la mondo, sed rifuĝon ne donas.
  • Granda frakaso en malgranda glaso.
  • Granda kranio, sed interne nenio.
  • Granda nubo, eta pluvo.
  • Granda nubo, malgranda pluvo.
  • Granda ofico -- grandaj zorgoj.
  • Granda parolisto estas duba faristo.
  • Granda parolisto, malgranda faristo.
  • Granda parolo, sed malgranda volo.
  • Granda ŝipo bezonas profundon.
  • Granda telero, malplena kulero.
  • Grandaj malbonoj -- grandaj rimedoj.
  • Griza barbo saĝon ne atestas.
  • Groŝo ŝparita neniam perdiĝas.
  • Groŝon ŝtelis -- ho, ŝtelisto! milojn ŝtelis -- financisto.
  • Guto malgranda, sed ŝtonon ĝi boras.

Ĝ[redakti]

  • Ĝemu kaj ploru, sed ĝis fino laboru.
  • Ĝentila kaj trankvila, kun koro el oro.
  • Ĝi eĉ ne tuŝas lian orelon.
  • Ĝi estas akvo al lia muelilo.
  • Ĝi estas al li tre bonvena.
  • Ĝi estas ankoraŭ birdo sur la tegmento.
  • Ĝi estas ankoraŭ malproksime en la kampo.
  • Ĝi estas ankoraŭ pasero en aero.
  • Ĝi estas ankoraŭ vortoj de orakolo.
  • Ĝi estas kiel mustardo post la manĝo.
  • Ĝi estas malpaco pri la reĝa palaco.
  • Ĝi estas mustardo post la manĝo.
  • Ĝi estas nek lakto, nek selakto.
  • Ĝi estas nek viando nek fiŝo.
  • Ĝi estas nek viando, nek fiŝo.
  • Ĝi estas por mi ĥina scienco.
  • Ĝi estas por mi makulo en la okulo.
  • Ĝi estas por mi volapukaĵo.
  • Ĝi estu por vi al sano!}}
  • Ĝi fariĝis por mi osto en la gorĝo.
  • Ĝi glitas de li kiel pizo de muro.
  • Ĝi havas ankoraŭ signon de demando.
  • Ĝi helpos kiel hirud' al mortinto.
  • Ĝi iris al li preter la buŝon.
  • Ĝi jam staras al mi en la gorĝo.
  • Ĝi ne eliris ankoraŭ el malproksima nebulo.
  • Ĝi ne estas tiel facila, kiel laboro argila.
  • Ĝi staras ankoraŭ malproksime en la kampo.
  • Ĝi tuŝas lin, kiel akvo anseron.
  • Ĝibulo ĝis morto restos ĝibulo.
  • Ĝis la edziĝo ĝi resaniĝos.
  • Ĝis la edziĝo venos resaniĝo.
  • Ĝoju kaj festenu, sed malriĉulojn subtenu.
  • Ĝustatempa vorto estas granda forto.

H[redakti]

  • Hakado de ligno donas lignerojn.
  • Hakilo estas tranĉa, sed ne cedas la branĉo.
  • Hako post hako estas la plej efika atako.
  • Havi ĉe iu krediton kaj meriton.
  • Havi iom da vaporo en la kapo.
  • Havi la ĉefan voĉon.
  • Havi la orelojn sur ĝusta loko.
  • Havi larĝan konsciencon.
  • Havi malprofiton.
  • Havi orelojn sur ĝusta loko.
  • Havi varman lokon.
  • Havi vinagron en la mieno.
  • Havu poton malgrandan, sed mem estu granda.
  • Hazardo estas malbona gardo.
  • Hejma dometo estas kiel patrineto.
  • Helpas krako kontraŭ atako.
  • Ho ve!}}
  • Hodiaŭ al mi, morgaŭ al vi.
  • Hodiaŭ festene, morgaŭ malplene.
  • Hodiaŭ forto, morgaŭ morto.
  • Hodiaŭ pagi vi devas, morgaŭ kredite ricevos.
  • Hodiaŭ supre, morgaŭ malsupre.
  • Hoko elsaltis, afero haltis.
  • Hom' malesperas, Dio aperas.
  • Homo bagatelema.
  • Homo esperas, morto aperas.
  • Homo esperas, -- morto aperas.
  • Homo fidas, feliĉo decidas.
  • Homo lernas la tutan vivon.
  • Homo pafas, Dio trafas.
  • Homo proponas, Dio disponas.
  • Homo senpeka neniam ekzistis.
  • Honoro ne donas, kion stomako bezonas.
  • Horo matena estas horo bena.
  • Hunda vivo.
  • Hundo bojas la vojon, vento portas la bojon.
  • Hundo bojas, homo vojas.
  • Hundo bojas, pasanto vojas.
  • Hundo bonrasa estas bona por ĉaso.
  • Hundo povas boji eĉ kontraŭ la reĝo.

I[redakti]

  • Iafoje oni devas okulon fermeti.
  • Iele, iome, duone malbone.
  • Ili estas en akordo, kiel peto kaj mordo.
  • Ili vivas per unu animo en du korpoj.
  • Ilo el oro taŭgas por ĉiu laboro.
  • Imiti grandsinjoron, perdi baldaŭ la oron.
  • Imiti grandsinjoron -- perdi baldaŭ la oron.
  • Infana inklino restas ĝis la fino.
  • Infano ne krias, patrino ne scias.
  • Infano ŝtelas ovon, grandaĝulo ŝtelas bovon.
  • Infanoj kaj fiŝoj voĉon ne havas.
  • Infanon malbonigas ne petolado, sed malbona kamarado.
  • Instruas mizero manĝi panon sen butero.
  • Insulto ne algluiĝas.
  • Inter faro kaj rakonto staras meze granda monto.
  • Inter fremdaj ŝi estas edzino-anĝelo, kun la edzo ŝi estas demono kruela.
  • Inter generaloj parolu pri bataloj.
  • Inter kornikoj ne konvenas predikoj.
  • Inter la blinduloj reĝas la strabuloj.
  • Inter la mano ĝis la buŝo ofte disverŝiĝas la supo.
  • Inter lupoj kriu lupe.
  • Inter miaj muroj estu miaj plezuroj.
  • Inter pokalo kaj lipoj povas multe okazi.
  • Interkonsento estas pli bona ol mono.
  • Iom da malvero ne estas danĝero.
  • Iras ĉiu kruro laŭ sia plezuro.
  • Iri for en bona hor'.

J[redakti]

  • Jen havu!}}
  • Jen kiaj ni estas!}}
  • Jen staras la bovoj antaŭ la monto!}}
  • Ju cerbo pli prudenta, des lango pli silenta.
  • Ju disputo pli forta, des pli multaj la vortoj.
  • Ju homo pli fiera, des puno pli severa.
  • Ju laboro pli publika, des pli granda la kritiko.
  • Ju pli da aĉetantoj, des pli alta la prezo.
  • Ju pli da babilado, des pli da pekado.
  • Ju pli da bruo, des malpli da ĝuo.
  • Ju pli da donoj, des pli da amikoj.
  • Ju pli da havo, des pli da pravo.
  • Ju pli da honoro, des pli da laboro.
  • Ju pli da ĵuroj, des pli da suspekto.
  • Ju pli frue, des pli certe, -- ju pli volonte, des pli lerte.
  • Ju pli granda bezono, des pli granda la prezo.
  • Ju pli granda la deziro, des pli kara la akiro.
  • Ju pli la infanoj bezonas, des pli Dio al vi donas.
  • Ju pli malproksimen la vojo, des pli da larmoj.
  • Ju pli oni babilas, des pli oni al si malutilas.
  • Ju pli oni posedas, des pli oni avidas.
  • Ju pli precizaj la kalkuloj, des pli fortika la amikeco.
  • Jugo propravola ne estas malmola.
  • Juĝanto decidas, kiel li vidas.
  • Juĝanto devas havi du orelojn.
  • Juĝo komencita paciĝon ne malhelpas.
  • Juku la haŭto, sed ne sur mia korpo.
  • Juneco ne scias, maljuneco ne povas.
  • Juneco petolis, maljuneco malsatos.

Ĵ[redakti]

  • Ĵeti bastonon en la radon.
  • Ĵeti perlojn antaŭ la porkojn.
  • Ĵeti polvon en la okulojn.
  • Ĵuri kaj reĵuri.
  • Ĵuri per la barbo de l' profeto.

K[redakti]

  • Kaldrono ridas pri poto kaj mem estas kota.
  • Kalkuli muŝojn.
  • Kalumniante konstante, oni eĉ anĝelon nigrigas.
  • Kapo estas por tio, ke ĝi zorgu pri ĉio.
  • Kapo kun herbo, sen guto da cerbo.
  • Kapo majesta, sed cerbo modesta.
  • Kapo malsaĝa ne griziĝas nek kalviĝas.
  • Kapo pekas, piedoj suferas.
  • Kapoj diferencas, kranioj egalas.
  • Kaprica fianĉino restos eterne fraŭlino.
  • Kapricoj de grandsinjoroj kaj multego da kreditoroj.
  • Kaptu lin kiel forflugintan venton.
  • Kapuĉo monaĥon ne faras.
  • Kara estas dono en minuto de bezono.
  • Kara estas ovo, kiam venas la Pasko.
  • Karaktero olea.
  • Karakteron al kanto donas la tono.
  • Karesi al iu la barbon.
  • Karesi kontraŭ la haroj.
  • Kastel' en aero -- malsato sur tero.
  • Kaŝu kiom vi povos, mensogo sin elŝovos.
  • Kaŝu malbenon kaj faru bonan mienon.
  • Ke la lup' estu sata, kaj la ŝaf' ne tuŝata.
  • Kelktempa ĉeso ne estas forgeso.
  • Kia ago, tia pago.
  • Kia demando, tia respondo.
  • Kia domaĝo!}}
  • Kia drapo, tia vesto.
  • Kia estas la homo, tia estas lia nomo.
  • Kia estas via laboro, tia estas via valoro.
  • Kia fripono, tia bastono.
  • Kia greno, tia pano.
  • Kia la birdo, tia la kaĝo.
  • Kia la homo, tia lia nomo.
  • Kia la kapo, tia la ĉapo.
  • Kia la poto, tia la kovrilo.
  • Kia la semo, tia la rikolto.
  • Kia naskiĝis, tia grandiĝis.
  • Kia naskinto, tiaj naskitoj.
  • Kia oni vin vidas, tia oni vin taksas.
  • Kia pago, tia ago.
  • Kia paroĥestro, tia paroĥo.
  • Kia patrino, tia filino.
  • Kia regalato, tia regalado.
  • Kia reganto, tia servanto.
  • Kia sono, tia resono.
  • Kia sufloro, tia aktoro.
  • Kia vivo, tia morto.
  • Kiaj kolegoj, tiaj kutimoj.
  • Kiam filino edziniĝis, multaj fianĉoj troviĝas.
  • Kiam filino edziniĝis, multaj fianĉoj troviĝis.
  • Kiam forto ordonas, leĝo pardonas.
  • Kiam fratoj batalas, fremdulo ne eniĝu.
  • Kiam havo malaperis, saĝo aperis.
  • Kiam kato jam formanĝis, forpelado ne helpos.
  • Kiam kato promenas, la musoj festenas.
  • Kiam kreskas honoro, kreskas humoro.
  • Kiam nokto vualas, ĉiuj koloroj egalas.
  • Kiam pasanto jam trinkis, li la puton insultas.
  • Kiam pasis la aĝo, aperas la saĝo.
  • Kiam sako mizeras, amo malaperas.
  • Kiam vorto eliris, vi ĝin jam ne retiros.
  • Kie ajn rano iras, ĝi ĉiam marĉon sopiras.
  • Kie dento doloras, tien iras la lango.
  • Kie diablo ne povas, tien virinon li ŝovas.
  • Kie estas harmonio, estas beno de Dio.
  • Kie estas mielo, tie muŝoj ne mankas.
  • Kie estas pano, ne mankas panpecetoj.
  • Kie estas sufero, estas ankaŭ espero.
  • Kie fumo leviĝas, tie fajro troviĝas.
  • Kie jukas, tie ni gratas.
  • Kie ĵuron vi aŭdas, malbonon suspektu.
  • Kie lumo ekzistas, ankaŭ ombro troviĝas.
  • Kie maldike, tie rompiĝas.
  • Kie mi disponas, tie mi ordonas.
  • Kie minaco, tie malpaco.
  • Kie ne estas konsileble, tie ne estas helpeble.
  • Kie pano estas, tie musoj ne mankas.
  • Kie regas konkordo, regas ordo.
  • Kie regas la forto, tie rajto silentas.
  • Kie regas virino, malbona estas la fino.
  • Kie sklav' regadon havas, tie mastro baldaŭ sklavas.
  • Kie timo, tie honto.
  • Kiel akirite, tiel perdite.
  • Kiel li meritis, tiel li profitis.
  • Kiel oni sternas, tiel oni dormas.
  • Kiel oni vin taksas, tiel oni vin regalas.
  • Kiel oni vin vidas, tiel oni vin taksas.
  • Kiel oni, tiel ĉe ni.
  • Kien ajn mi pafas, ĉio maltrafas.
  • Kien kudrilo iras, tien fadenon ĝi tiras.
  • Kien vi vin turnos, ĉie malbone.
  • Kies gasto mi estas, ties feston mi festas.
  • Kio akorde ne sonas, tio rimon ne donas.
  • Kio al mi sonis, tion mi resonas.
  • Kio al unu donas forton, al alia donas morton.
  • Kio aliloke promenos, al ni ankaŭ ĝi venos.
  • Kio bone aspektas, tion ĉiu elektas.
  • Kio doloras, pri tio ni ploras.
  • Kio el la dentoj elsaltas, en la lipoj ne haltas.
  • Kio en koro sidas, la vizaĝo perfidas.
  • Kio en la kapo, tio sur la lango.
  • Kio estas bona por vi, estas bona por mi.
  • Kio estas farita, estas sankciita.
  • Kio estas lernita, ne estas perdita.
  • Kio estis kaj pasis, tion tempo frakasis.
  • Kio fariĝis, jam ne refariĝos.
  • Kio iras el koro, venas al koro.
  • Kio komenciĝis, tio ankaŭ finiĝos.
  • Kio konvenas al sciuro, ne konvenas al vulturo.
  • Kio kostas malmulte, kostas plej kare.
  • Kio mem ne venas, li per la dentoj ĝin prenas.
  • Kio mia, tio bona.
  • Kio min ne tuŝas, kuŝu kiel kuŝas.
  • Kio multe kostas, multe valoras.
  • Kio pasis, ne revenos.
  • Kio pasis, nin forlasis.
  • Kio post la montoj kuŝas, tio nin neniom tuŝas.
  • Kio servas por ĉio, taŭgas por nenio.
  • Kio taŭgas por somero, ne taŭgas por vintro.
  • Kio tra l' dentoj travenis, tion la lipoj ne retenos.
  • Kio vendiĝas kaŝite, vendiĝas plej profite.
  • Kiom ajn oni penas, per forto plaĉo ne venas.
  • Kiom ajn vi penos, nenio elvenos.
  • Kiom da homoj, tiom da gustoj.
  • Kiom da juĝantoj, tiom da juĝoj.
  • Kiom da kapoj, tiom da opinioj.
  • Kiom da koroj, tiom da voloj.
  • Kiom la koro deziras.
  • Kion Dio ne donis, perforte ne postulu.
  • Kion Dio ne donis, tion perforte ne serĉu.
  • Kion fari!}}
  • Kion jaroj ne donis, ofte minuto alportas.
  • Kion koro portas, vizaĝo raportas.
  • Kion koro sentas, lango prezentas.
  • Kion leĝo malpermesas, tio plaĉi ne ĉesas.
  • Kion mem mi faras, tion ĉie mi flaras.
  • Kion mi ne scias, tion mi ne envias.
  • Kion mi ne sentas, pri tio mi silentas.
  • Kion mi povas, tion mi elŝovas.
  • Kion ni havas, por ni ne valoras, -- kiam ni ĝin perdis, ni ploras.
  • Kion ni vere bezonas, Dio ĝin donas.
  • Kion oni volas, tion oni povas.
  • Kion Parizo aplaŭdas, Berlino mallaŭdas.
  • Kion rajtas leono, ne rajtas azeno.
  • Kion saĝulo ne komprenas, ofte malsaĝa divenas.
  • Kion sobreco deziras, ebrieco ĝin diras.
  • Kion vi ne perdis, tion ne serĉu.
  • Kion vi pripenas, tio al vi venas.
  • Kion vi semas, tion vi rikoltos.
  • Kiso antaŭ amaso estas kiso de Judaso.
  • Kiso malsincera estas danĝera.
  • Kiso publika estas kiso malamika.
  • Kiu agas afable, vivas agrable.
  • Kiu akceptas donacon, perdas la pacon.
  • Kiu akvon evitas, droni ne timas.
  • Kiu amas ĝuon, amu ankaŭ enuon.
  • Kiu amas honoron, amu laboron.
  • Kiu amas la liton, ne akiros profiton.
  • Kiu amas okulaĉi, ne havas kion maĉi.
  • Kiu aŭdis unuan, ankaŭ aŭdu la duan.
  • Kiu aŭskultas, kie li ne devas, tiu aŭdas, kion li ne revas.
  • Kiu avidas pli bonan, perdas plej bezonan.
  • Kiu batas edzinon, tiu vundas sin mem.
  • Kiu bati deziras, trovas bastonon.
  • Kiu bojas, ne mordas.
  • Kiu bone agas, timi ne bezonas.
  • Kiu bone sidas, tiu lokon ne ŝanĝu.
  • Kiu bone ŝmiras, bone veturas.
  • Kiu cedas al sia infano, ĝin pereigas per propra mano.
  • Kiu ĉasas du leporojn, kaptas neniun.
  • Kiu ĉe l' vojo konstruas, tiun ĉiu instruas.
  • Kiu ĉion formanĝis en tago, malsatos vespere.
  • Kiu ĉion senpripense parolas, aŭdos tion, kion li ne volas.
  • Kiu demandas, tiu ne eraras.
  • Kiu devas, tiu elekti ne povas.
  • Kiu devas, tiu povas.
  • Kiu diras la veron, havas suferon.
  • Kiu domaĝas groŝon, perdas la tutan poŝon.
  • Kiu donacon prenas, tiu sin katenas.
  • Kiu donas rapide, donas duoble.
  • Kiu donis garantion, tiu pagu la ŝuldon.
  • Kiu dormas longe, vivas mallonge.
  • Kiu edziĝas, tiu ŝanĝiĝas.
  • Kiu elektas tro multe, ricevas nenion.
  • Kiu entreprenis, tiu sin tenu.
  • Kiu flatas al ĉiu, plaĉas al neniu.
  • Kiu forton ne havas, ĉiam malpravas.
  • Kiu fosas sub alia, falos mem en la foson.
  • Kiu frapas, al tiu oni malfermas.
  • Kiu fremdan avidas, propran forperdas.
  • Kiu frue leviĝas, facile riĉiĝas.
  • Kiu garantias, trankvilon ne scias.
  • Kiu glutis tro multe, tiu agas tro stulte.
  • Kiu groŝon ne honoras, eĉ duongroŝon ne valoras.
  • Kiu groŝon ne respektas, riĉecon ne kolektas.
  • Kiu havas abelojn, havas mielon.
  • Kiu havas bonan najbaron, havas bonan tagon.
  • Kiu havas forton, havas rajton.
  • Kiu havas la forton, havas la rajton.
  • Kiu havas malican celon, ofte perdas sian propran felon.
  • Kiu havas nenion, estas nenio.
  • Kiu havas oron, havas honoron.
  • Kiu hontas nenion, ne timas Dion.
  • Kiu hundon mian batas, min mem ne tre ŝatas.
  • Kiu iras sperte, iras certe.
  • Kiu iras trankvile, iras facile.
  • Kiu jam havas, tiu pravas.
  • Kiu kaĉon aranĝas, tiu ĝin manĝas.
  • Kiu kaĉon kuiris, tiu ĝin manĝu.
  • Kiu kapon posedas, kombilon jam trovos.
  • Kiu kaptas tro vaste, konservas malmulte.
  • Kiu koleras, tiu ne prosperas.
  • Kiu koleras, tiu perdas.
  • Kiu komencas juĝon, iras sub jugon.
  • Kiu komencas tro frue, finas malfrue.
  • Kiu komencis kuiri, ne forkuru de l' fajro.
  • Kiu konsilas kaj rezonas, tiu helpon ne donas.
  • Kiu konstante lokon ŝanĝas, neniam sin aranĝas.
  • Kiu kritikas kuraĝe, mem agas malsaĝe.
  • Kiu kuraĝe aliras, facile akiras.
  • Kiu kutimis ĉion juĝi, nenie povas rifuĝi.
  • Kiu laboras kaj deziras, tiu akiras, -- kiu mem ne penas, nenio al li venas.
  • Kiu laboron evitas, bonon ne vidas.
  • Kiu langon ne tenas, mem sin malbenas.
  • Kiu leviĝis fiere, baldaŭ falos al tero.
  • Kiu levis la piedon, devas ekpaŝi.
  • Kiu lin tuŝas, tiu lin sentas.
  • Kiu ludas kun koto, malpurigas la manojn.
  • Kiu lupo naskiĝis, vulpo ne fariĝos.
  • Kiu malmulte deziras, feliĉon akiras.
  • Kiu malmulton ne ŝatas, multon ne meritas.
  • Kiu manĝon al mi donas, tiu al mi ordonas.
  • Kiu mem sin adoras, nenion valoras.
  • Kiu mem sin gloras, malbone odoras.
  • Kiu mem sin laŭdas, tiun neniu aplaŭdas.
  • Kiu mensogas kutime, mensogas sentime.
  • Kiu mensogis per unu vorto, ne trovos kredon ĝis la morto.
  • Kiu metion disponas, mizeron ne konas.
  • Kiu minacas, tiu avertas.
  • Kiu mizeron ne havis, mizeron ne konas.
  • Kiu mordi ne povas, kisi ekprovas.
  • Kiu multe babilas, al si mem malutilas.
  • Kiu multe babilas, pensas malmulte.
  • Kiu multe minacas, ne estas danĝera.
  • Kiu multe parolas, malamikon konsolas.
  • Kiu multe parolas, ne multe faras.
  • Kiu multe profitas, ankaŭ perdon ne evitas.
  • Kiu multon deziras, nenion akiras.
  • Kiu naskiĝis sciuro, ne fariĝos vulturo.
  • Kiu ne akiras, kiam li povas, tiu poste deziras, sed jam ne retrovas.
  • Kiu ne atentas la "se", tiu sentas la "ve".
  • Kiu ne estis kaporalo, ne estos generalo.
  • Kiu ne konfidas, tiu ne bedaŭras.
  • Kiu ne krimas, tiu ne timas.
  • Kiu ne mensogas, tiu ne vendas.
  • Kiu ne pekis, kiu ne eraris?}}
  • Kiu ne petas, tiu ne ricevas.
  • Kiu ne riskas, tiu ne gajnas.
  • Kiu ne riskas, tiu ne havas.
  • Kiu nenion valoras, plej multe sin gloras.
  • Kiu neniun savis, malamikojn ne havas.
  • Kiu neniun savis, malamikon ne havas.
  • Kiu okazon forŝovas, ĝin jam ne retrovas.
  • Kiu panon donas, malsaton ne konas.
  • Kiu pekis, tiu pagas.
  • Kiu perdis la kapon, ne bezonas jam ĉapon.
  • Kiu pli frue venas, pli bonan lokon prenas.
  • Kiu pli frue venas, pli frue muelas.
  • Kiu por ĉiuj laboras, pri si mem ne memoras.
  • Kiu povas antaŭvidi!}}
  • Kiu pri ŝtelo silentas, tiu ŝtelon konsentas.
  • Kiu promesojn faras, tiu ne avaras.
  • Kiu prudenton ne havas, tiun saĝo ne savas.
  • Kiu rabi eliras, ofte nuda revenas.
  • Kiu regalas per ŝtonoj, tiun oni dankas per bastonoj.
  • Kiu resonis, tiu sin donis.
  • Kiu riĉiĝas, tiu fieriĝas.
  • Kiu rigardas ĉielon, maltrafas sian celon.
  • Kiu ripetas abunde, lernas plej funde.
  • Kiu rompis la glason, ordigu la kason.
  • Kiu rompis, tiu pagu.
  • Kiu saĝon ne havas, Dio lin savas.
  • Kiu semas venton, rikoltos fulmotondron.
  • Kiu sentas -- ploras, kiu vidas -- nur ridas.
  • Kiu serĉas marcipanon, perdas sian panon.
  • Kiu servas al ĉiu, al si mem malutilas.
  • Kiu sian langon katenas, Dio lin benas.
  • Kiu sin enjungis, devas tiri.
  • Kiu sin gardas, tiu sin savas.
  • Kiu speson ne tenas, tiu al spesmilo ne venas.
  • Kiu supren kraĉon ĵetas, sian barbon al ĝi submetas.
  • Kiu ŝteliston regalas, mem ŝteliston egalas.
  • Kiu ŝuldojn estingas, riĉecon atingas.
  • Kiu ŝvitas, tiu profitas.
  • Kiu timas bestaron, ne iru arbaron.
  • Kiu trans muro aŭskultas, tiun la muro insultas.
  • Kiu tro alte svingas, nenion atingas.
  • Kiu tro alten rigardon direktas, tiu tre baldaŭ okulojn difektas.
  • Kiu tro bezonas, tiu leĝon ne konas.
  • Kiu tro forte la manon svingas, nenion atingas.
  • Kiu tro multe deziras, nenion akiras.
  • Kiu tro pelas, nur malakcelas.
  • Kiu tro rapide saltas, tiu baldaŭ haltas.
  • Kiu tro ripozas, baldaŭ almozas.
  • Kiu tro sin pravigas, tiu mem sin kulpigas.
  • Kiu venas plej frue, sidas plej ĝue.
  • Kiu venis post la manĝo, restas sen manĝo.
  • Kiu venis unue, muelas pli frue.
  • Kiu vivas sen kalkulo, baldaŭ estos almozulo.
  • Kiu vivas trankvile, vivas facile.
  • Kiu vivos, tiu vidos.
  • Kiu volas komerci, tiu saĝon bezonas.
  • Kiu volas mensogi, devas bone memori.
  • Kiu volas panon, ne dorlotu la manon.
  • Kiun favoras la sorto, por tiu eĉ koko estas ovoporta.
  • Kiun feliĉo subtenas, al tiu mem ĉio venas.
  • Kiun la sorto karesas, al tiu ĉio sukcesas.
  • Kiun la sorto karesos, tiu sukcesos.
  • Kiun malĝojo ne turmentis, tiu ĝojon ne sentas.
  • Kiun reĝo protektas, tiun ministro elektas.
  • Kiun vesto ornamas, tiun homoj ekamas.
  • Klopodi pri ĉies favoro estas pleje malsaĝa laboro.
  • Klopodi sen limo per korpo kaj animo.
  • Klopodo estas kun mono, sed sen ĝi pli malbone.
  • Knaba gusto kun forto daŭras ĝis la morto.
  • Knabon senfortan ĉiuj batoj atingas.
  • Koko krias fiere, sed ne danĝere.
  • Kolera kiel cento da diabloj.
  • Kolera kiel rabia hundo.
  • Kolero montras malsaĝulon.
  • Kolero pravecon ne donas.
  • Komenca inklino daŭras ĝis la fino.
  • Komenci de Adamo.
  • Komenci per Dio kaj fini per diablo.
  • Komenci per flato kaj fini per bato.
  • Komenciĝis mizero, ĝi venas per pordo kaj fenestroj.
  • Komenciĝis proceso, mono fluas sen ĉeso.
  • Komenco Aprila -- trompo facila.
  • Komenco bona -- laboro duona.
  • Komercisto estas ĉasisto, li rigardas, kiu sin ne gardas.
  • Komparo ne estas pruvo.
  • Komplezema malsaĝulo estas pli danĝera ol malamiko.
  • Konateco ne estas hereda.
  • Konduki la dancojn.
  • Konfido naskas konfidon.
  • Konfidu, sed vidu.
  • Koniĝas birdo laŭ flugo kaj homo laŭ ago.
  • Koniĝas majstro laŭ sia verko.
  • Konkordo malgrandaĵon kreskigas, malkonkordo grandaĵon ruinigas.
  • Konscienco senmakula estas kuseno plej mola.
  • Konscienco trankvila estas bona dormilo.
  • Konsento konstruas, malpaco detruas.
  • Konservas eĉ karbo la strukturon de l' arbo.
  • Konsilojn ĉiu donas, sed ne kiam oni bezonas.
  • Konsilu kiu povas.
  • Konsoliĝas mizerulo, se li estas ne sola.
  • Konstrui kastelojn en aero.
  • Konstrui kastelon sur glacio.
  • Konsumi sian antaŭan grason.
  • Konsumi sian grenon antaŭ ĝia maturiĝo.
  • Kontenteco estas pli bona ol riĉeco.
  • Kontentigi ĉiujn eĉ anĝelo ne povas.
  • Kontentigi la katon kaj kune la raton.
  • Kontentulo estas pli feliĉa, ol homo plej riĉa.
  • Kontraŭ bato senatenda ekzistas nenia defendo.
  • Kontraŭ ĉiu malfacilo ekzistas konsilo.
  • Kontraŭ ĉiu rimedo ekzistas rimedo.
  • Kontraŭ ĉiu tedo ekzistas rimedo.
  • Kontraŭ doloro helpas bona humoro.
  • Kontraŭ faro farita ne helpas medito.
  • Kontraŭ forta mano la leĝo estas vana.
  • Kontraŭ homo fiera Dio estas severa.
  • Kontraŭ kalumnio helpas nenio.
  • Kontraŭ kalumnio ne povas batali eĉ Dio.
  • Kontraŭ lupo ne helpas kalkulo.
  • Kontraŭ malfeliĉo ne defendas eĉ riĉo.
  • Kontraŭ malfeliĉoj baro ne ekzistas.
  • Kontraŭ muŝoj bravulo, kontraŭ homoj timulo.
  • Kontraŭ neesto ne helpas protesto.
  • Kontraŭ nehavo eĉ juĝo silentas.
  • Kontraŭ peko batalu, sed pekanton ne tuŝu.
  • Kontraŭ peko prediku, sed pekinton pardonu.
  • Kontraŭ tuta kohorto eĉ Herkulo estas malforta.
  • Kontraŭ vesto malbona konspiras ĉiu ŝtono.
  • Kontraŭ volo de Dio helpos nenio.
  • Kontraŭstari per ĉiuj fortoj.
  • Konu nin, ŝatu nin!}}
  • Korniko vundita propran voston timas.
  • Koro pleniĝas -- lango moviĝas.
  • Koro tro plena -- buŝo parolas.
  • Korvo al korvo okulon ne pikas.
  • Kovri la buŝon de sia konscienco.
  • Kresko mamuta, sed saĝo liliputa.
  • Krevis la vazo antaŭ la nazo.
  • Krii el la tuta gorĝo.
  • Kritiki estas facile, fari malfacile.
  • Kriu eĉ raŭke, sed kanti ne ĉesu.
  • Kudri per fluganta kudrilo.
  • Kuiriston vaporo satigas.
  • Kulo nenion valoras, sed ĝia piko doloras.
  • Kun Dio vi iros ĉien, sen Dio nenien.
  • Kun edzo plej malmola estas pli bone ol sola.
  • Kun kiu vi festas, tia vi estas.
  • Kun kiu vi kuniĝas, tia vi fariĝas.
  • Kun konfido neniam rapidu.
  • Kun la peko en mano.
  • Kun sia tuta domo kaj havo.
  • Kun sia tuta posedo kaj heredo.
  • Kun urso promenu, sed pafilon prete tenu.
  • Kun vero severa komercaĵo forvelkos.
  • Kune kaptite, kune punite.
  • Kuradi kiel venenita muso.
  • Kuraĝa homo en sia domo.
  • Kuraĝa mieno antaŭ propra kameno.
  • Kuraĝe li staras, kiam muro lin baras.
  • Kuraĝo ĉion atingas.
  • Kurba estas la ligno, sed rekte ĝi brulas.
  • Kurbiĝadi kiel diablo en akvo benita.
  • Kurbiĝu hoko laŭ postuloj de l' loko.
  • Kuri de sia propra korpo.
  • Kutimo estas dua naturo.
  • Kvalito bona ne bezonas admonon.
  • Kvina rado ĉe veturado.
  • Kvitiĝas servo per reservo.

L[redakti]

  • La "por" kaj la "kontraŭ".
  • La "tuj" de sinjoroj estas multe da horoj.
  • La afero estas plenumita.
  • La afero havas tempon.
  • La afero malsukcesis.
  • La afero ne brulas.
  • La afero ne iras glate.
  • La afero ne staras sur pinto de ponto.
  • La afero ne urĝas.
  • La dorm' estas bona, se mankas la mono.
  • La enigmo simple solviĝas.
  • La felo tanadon ne valoras.
  • La fino kronas la verkon.
  • La forestanto ĉiam estas malprava.
  • La haroj disstariĝas.
  • La haroj streĉiĝas.
  • La ĵeto estas farita.
  • La konscienco lin ne turmentas.
  • La lango de virino estas ŝia glavo.
  • La lastan el amaso atakas la hundo.
  • La lipoj ne montru, kion manĝis la buŝo.
  • La loto estas tirita.
  • La ludo kandelon ne valoras.
  • La lumo por vero ofte estas danĝero.
  • La luno ne aŭskultas, kiam hundo ĝin insultas.
  • La manĝota fiŝo estas ankoraŭ en la rivero.
  • La mano lin jukas.
  • La morto ne distingas, ĉiujn egale atingas.
  • La morto ŝercon ne komprenas: oni ĝin vokas, ĝi venas.
  • La muro havas orelojn.
  • La parto plej vasta venos la lasta.
  • La plej danĝera homo -- malbona in' en domo.
  • La sama afero, sed kun la kapo al tero.
  • La sigelo ankoraŭ ne estas metita.
  • La tempo ĉiam malkaŝas la veron.
  • La tempo venos, ni ĉion komprenos.
  • La tuta ludo ne valoras kandelon.
  • La unua trovita.
  • La vivo staras sur la karto.
  • Laboro donas bonstaton, mallaboro malsaton.
  • Laboro finita, -- ripozo merita.
  • Laboro fortigas, ripozo putrigas.
  • Laboro homon nutras, sen laboro li putras.
  • Laboro kaj pacienco kondukas al potenco.
  • Laboro kondukas al honoro kaj oro.
  • Laboro lacigas, sed akiro ĝojigas.
  • Laboro ne estas leporo, -- ĝi haltos, ne forsaltos.
  • Lang' estas mola kaj laŭvole petola.
  • Langa vundo plej profunda.
  • Lango miela, sed koro kruela.
  • Lango nenion atingas, se ĝin saĝo ne svingas.
  • Larmo virina baldaŭ sekiĝas.
  • Larmoj pravecon ne pruvas.
  • Larmoj ŝuldon ne pagas.
  • Lasi fali la manojn.
  • Laŭ ĉiuj leĝoj de la arto.
  • Laŭ la agoj de l' homo estas lia nomo.
  • Laŭ la frukto oni arbon ekkonas.
  • Laŭdu belecon de l' maro, sed ĉe rando de arbaro.
  • Laŭdu la maron, sed restu sur tero.
  • Laŭdu tagon nur vespere.
  • Lavu tutan jaron, negro ne blankiĝos.
  • Lecionoj al profesoro estas vana laboro.
  • Leĝe kaj rajte.
  • Leĝo estas bona, se advokato ĝin helpas.
  • Leĝo estas cedema: kien vi deziras, ĝi iras.
  • Leĝo malaperas, moro daŭras.
  • Leĝo mallertulon ligas, lertulon fortigas.
  • Leĝo pasintaĵon ne tuŝas.
  • Leĝo valoras por poste, sed ne por antaŭe.
  • Lernado havas maldolĉan radikon, sed bonan efikon.
  • Lernado sen fruktoj ne restas.
  • Lerneja sekreto ne iru al gazeto.
  • Lernu juna, por esti saĝa maljuna.
  • Lernu juna -- vi scios maljuna.
  • Lerteco sorĉon ne bezonas.
  • Leviĝu kun la suno, edziĝu dum juna.
  • Li atendas kaj plendas kaj denove atendas.
  • Li atendas, ke la okazo venu al lia nazo.
  • Li bruligis al si la lipharojn.
  • Li dentojn prunti ne bezonas.
  • Li diris adiaŭ al la mondo surtera.
  • Li donas peceton da pano kaj bategon per mano.
  • Li eĉ el sablo vipojn tordas.
  • Li ekscitiĝas kiel bolanta lakto.
  • Li esploris iom la fundon de la glaso.
  • Li estas bravulo en sia angulo.
  • Li estas en acida humoro.
  • Li estas en klopodoj de l' kapo ĝis piedoj.
  • Li estas flamiĝema kiel rezina ligno.
  • Li estas frotita kaj polurita.
  • Li estas homo sperta kaj lerta.
  • Li estas kompetenta, kiel besto pri arĝento.
  • Li estas la portreto de sia patro.
  • Li estas portreto de sia patro.
  • Li estas preskaŭ mia frato: nepo de kuzo de onklo de konato.
  • Li estas sia propra mastrino.
  • Li estas vera hidrargo.
  • Li faras princan promeson, sed ne havas eĉ speson.
  • Li faris sian lastan translokiĝon.
  • Li foriris kun longa nazo.
  • Li forpelis siajn piedojn.
  • Li havas ankoraŭ la lakton sur la lipoj.
  • Li havas ankoraŭ printempon en kapo.
  • Li havas cerbon ne tro potencan.
  • Li havas ĉiun horon alian moron.
  • Li havas dentojn ne por parado.
  • Li havas en la cerbo tro multe da herbo.
  • Li havas la kapon fortike sur la kolo.
  • Li havas la kapon sur ĝusta loko.
  • Li havas la kapon sur la ĝusta loko.
  • Li havas muŝon en la kapo.
  • Li havas nek ĉelon, nek kelon.
  • Li havas pli da mono ol da bezono.
  • Li havas pli da mono, ol li povas kalkuli.
  • Li havas pli da ŝuldoj en la urbo, ol da haroj en la barbo.
  • Li havas siajn kapricojn.
  • Li havas truon en la manplato.
  • Li havis viandon, mi havis nur oston -- li havis la ĝuon, mi pagis la koston.
  • Li jam estas trans montoj kaj maro.
  • Li jam faras la lastan spiron.
  • Li ĵus elrampis el la ova ŝelo.
  • Li komprenas predikon, kiel bovo muzikon.
  • Li kuraĝon kolekti ne bezonas.
  • Li loĝas tie, kien eĉ birdo ne flugas.
  • Li mem estas patrono por sia persono.
  • Li mensogas maŝine.
  • Li mensogas tiel, ke la muroj krakas.
  • Li minacas per fingro en la poŝo.
  • Li ne elpensis la filozofian ŝtonon.
  • Li ne elrampis ankoraŭ el la vindoj.
  • Li ne enlasas puŝon en sian buŝon.
  • Li ne estas el la grandaj saĝuloj.
  • Li ne estas el la regimento de timuloj.
  • Li ne frapis al si ankoraŭ la kornojn.
  • Li ne havas kapon de ministro.
  • Li ne toleras eĉ muŝon sur la muro.
  • Li neniam venkis la alfabeton.
  • Li pafis sin for.
  • Li parolas sen senco kaj sen interligo.
  • Li pasis akvon kaj fajron kaj marĉojn kaj marojn.
  • Li prenos kaj benos.
  • Li pulvon ne elpensis.
  • Li ripozu trankvile!}}
  • Li saltas gracie, kiel urso ebria.
  • Li salutas profunde kaj mordas hunde.
  • Li scias, kie la kankroj pasigas la vintron.
  • Li serĉas la venton sur la kampo.
  • Li sidas en ŝuldoj ĝis super la ŝultroj.
  • Li ŝtelas de najbaro, por doni al altaro.
  • Li ŝvitas ankoraŭ super la alfabeto.
  • Li taŭgas nek por studo, nek por ludo.
  • Li tenas la nazon supren.
  • Li trafis el sub pluvo en riveron.
  • Li tremas kiel aŭtuna folio.
  • Li tremas, kiel aŭtuna folio.
  • Li vidas nur ĝis la pinto de sia nazo.
  • Li vivas en ĝuo kaj bruo.
  • Li vivas sur la tero kiel en infero.
  • Li vorton en la poŝo ne serĉas.
  • Li zorgas pri ĝi kiel pri neĝo pasintjara.
  • Lia animo forkuris en la pinton de la piedo.
  • Lia cerbo iris promeni.
  • Liaj dentoj povas festi sabaton.
  • Liaj dentoj povas forgesi sian metion.
  • Liaj flugiloj paraliziĝis.
  • Liberulo iras, kien li deziras.
  • Ligno fendita facile flamiĝas.
  • Lin tuŝas nek admono, nek ordono.
  • Lipharo de grandsinjoro, sed koro de leporo.
  • Liveru nur panon, manĝontoj sin trovos.
  • Loĝi en la fino de la mondo.
  • Longa dormado ŝuldojn kreskigas.
  • Longa konsidero savas de sufero.
  • Longe ĉerpas la kruĉo, ĝis ĝi fine rompiĝas.
  • Longe ŝtelas ŝtelisto, tamen fine li pendos.
  • Ludi kun iu ludon de pugnoj.
  • Ludi ventobatadon.
  • Ludo aparte, kaj afero aparte.
  • Luksa la vesto, sed malplena la poŝo.
  • Lumo fariĝos, kulpulo troviĝos.
  • Lupo dormanta ŝafon ne kaptas.
  • Lupo kaptas, sed li ankaŭ enfalas.
  • Lupo lupon ne manĝas.
  • Lupo sopiras, al arbaro sin tiras.
  • Lupo ŝanĝas la harojn, sed ne la farojn.

M[redakti]

  • Maĉi kaj remaĉi.
  • Magia rondo.
  • Malamanto de faro estas amanto de kalendaro.
  • Malantaŭ barilo kuraĝo estas facila.
  • Malantaŭe mizero, antaŭe malespero.
  • Malaperis kiel ŝtono en maron.
  • Malaperis kiel vaporo.
  • Malaperis, kiel vaporo.
  • Malavarulo kaj porko estas bonaj post la morto.
  • Malbona herbo froston ne timas.
  • Malbona virino diablon superas.
  • Malbone kaŝita ŝteliston incitas.
  • Malbonon oni memori ne ĉesas, bonon oni baldaŭ forgesas.
  • Malbonulon diablo ne prenas.
  • Maldolĉa por la lango, sed saniga por la sango.
  • Malfeliĉo inviton ne atendas.
  • Malfeliĉo kaj peko leviĝas sen veko.
  • Malfeliĉo komuna estas malpli premanta.
  • Malfeliĉo malofte venas sole.
  • Malfeliĉo sin ne ĝenas, faru geston -- ĝi tuj venas.
  • Malfeliĉo venas rajde, foriras piede.
  • Malfeliĉo venas sen alvoko.
  • Malfeliĉo venas, malfeliĉon kuntrenas.
  • Malfeliĉoj kaj batoj venas ĉiam kun fratoj.
  • Malfermita kelo tentas al ŝtelo.
  • Malgranda aspekte, sed granda intelekte.
  • Malgranda birdeto, sed akra ungeto.
  • Malgranda estas la flamo, tamen ne mankas la fumo.
  • Malgranda pezo, sed granda prezo.
  • Malgrandaj infanoj kaŭzas laboron, grandaj -- doloron.
  • Malhumileco estas kara plezuro.
  • Maljunaj jaroj, sed ne saĝaj faroj.
  • Malkovri antaŭ iu sian koron.
  • Malnova afero en nova livero.
  • Malpaco pro limo fariĝas kutimo, malpaco pro kredo fariĝas heredo.
  • Malpaculo.
  • Malpaculon ĉiu batas.
  • Malplaĉas nenio, se taksas pasio.
  • Malplena sako puŝas al peko.
  • Malplena sako tentas al peko.
  • Malpli da havo, malpli da zorgoj.
  • Malpli da posedo, malpli da tedo.
  • Malpli esperu, pli konsideru.
  • Malproksime vidas, antaŭ la nazo ne vidas.
  • Malpurulo.
  • Malriĉa kiel muso preĝeja.
  • Malriĉeco ne estas krimo, tamen kondukas al malestimo.
  • Malriĉeco ne estas malvirto.
  • Malriĉigas ne nehavado, sed trogranda dezirado.
  • Malriĉulo parencojn ne havas.
  • Malriĉulo rabiston ne timas.
  • Malsaĝa kiel ŝtipo.
  • Malsaĝo estas najbaro de mizero.
  • Malsaĝulo ĉie sian nomon skribas.
  • Malsaĝulo de ĉiuj flankoj.
  • Malsaĝulo diris vorteron, saĝulo komprenas la tutan aferon.
  • Malsaĝulo en foiro estas bona akiro.
  • Malsaĝulo kaj infano parolas la veron.
  • Malsaĝulo kiel tamburo, -- kiu pasas, lin batas.
  • Malsaĝulo malpacigis kaj dek saĝuloj repacigi ne povas.
  • Malsaĝulo ne griziĝas nek senhariĝas.
  • Malsaĝulo ofte estas profeto.
  • Malsaĝulo ŝtonon ĵetis, dek saĝuloj ĝin ne atingos.
  • Malsaĝulo venas, komercisto festenas.
  • Malsaĝuloj kreskas mem, sen plugo kaj sem'.
  • Malsaĝulon favoras feliĉo.
  • Malsaĝulon oni batas eĉ en la preĝejo.
  • Malsanan demandu, al sana donu.
  • Malsano venas rapide, foriras rigide.
  • Malsata stomako orelon ne havas.
  • Malsato donas spriton.
  • Malsato malfortigas, ŝuldo suferigas.
  • Malsato ne estas frato.
  • Malsato plej bone gustigas la manĝon.
  • Malsatulon la fabloj ne nutros.
  • Malŝparulo ĝuas nelonge, avarulo neniam.
  • Mankas klapo en lia kapo.
  • Mankis al Petro klopodoj, li aĉetis al si domon.
  • Manko de oro ne estas malhonoro.
  • Mano dekstra ne sciu, kion faras la maldekstra.
  • Mano manon lavas.
  • Mano pekis, dorso pagas.
  • Manon malkvietan ĉiu muro atakas.
  • Marĉandado aĉeti ne devigas.
  • Marĉando aĉeti ne devigas.
  • Maro ĉiujn riverojn ricevas kaj tamen ne krevas.
  • Maro da mizeroj.
  • Mastro elbabilis, gastoj ne silentos.
  • Mastro en vojo -- servantoj en ĝojo.
  • Matena horo estas plena de oro.
  • Matenas, vesperas -- kaj tago malaperas.
  • Matura aĝo.
  • Melki kaproviron.
  • Melku bovon senfine, li lakton ne donos.
  • Memori pri mezuro en laboro kaj plezuro.
  • Mensoganto devas havi bonan memoron.
  • Mensogas kiel kalendaro; kiel gazeto; kiel funebra parolo.
  • Mensogo kaj ŝtelo estas du fratoj.
  • Mensogo malproksimen ne kondukas.
  • Mensogu kiom vi volas, sed memoru kion vi parolas.
  • Meti trabojn sur la vojon.
  • Metio lacigas, metio vivigas.
  • Metio manĝon ne bezonas kaj manĝon tamen donas.
  • Mezuri laŭ sia metro.
  • Mi ankaŭ lokon sur la tero okupas.
  • Mi blinde pafos, eble trafos.
  • Mi flanke sidis, mi ne aŭdis nek vidis.
  • Mi havas pri tio nek scion nek supozon.
  • Mi hejme sidis, nenion vidis.
  • Mi konas miajn homojn.
  • Mi lavas al mi la manojn.
  • Mi lin liberigis, li min saĝigis.
  • Mi ne povas kapti en ĝi la sencon.
  • Mi ne volas baton, mi ne volas kompaton.
  • Mi ne volas tion ĉi scii.
  • Mi panon ne esperis, subite kuko aperis.
  • Mia lango -- mia malamiko.
  • Mia loĝejo estas mia reĝejo.
  • Mia loĝejo -- mia reĝejo.
  • Mielo sur lango, kaj glacio en koro.
  • Mieno fiera al ludo mizera.
  • Miljaroj ne povis, -- minuto elŝovis.
  • Min ne tuŝas la afero, mi staras ekstere.
  • Minacas dento al la vento.
  • Minaci per pugno en la poŝo.
  • Minacoj ne mortigas.
  • Miraklo inter mirakloj.
  • Mizero faras lerta, mizero faras sperta.
  • Mizero faras viziton, ne atendante inviton.
  • Mizero havas talentan kapon.
  • Mizero instruas.
  • Mizero piedojn sanigas, kolon elastigas.
  • Mizero plej ekstreme, Dio plej proksime.
  • Mizero saltas, mizero haltas.
  • Mizero sur mizero.
  • Mola kiel vakso.
  • Mono amas kalkulon.
  • Mono estas reĝo, mono estas leĝo.
  • Mono fluas al riĉulo, batoj al malriĉulo.
  • Mono kuras al mono.
  • Mono mondon regas.
  • Mono monon naskas.
  • Mono odoron ne havas, sian devenon ne diras.
  • Mono perdita, nenio perdita, -- honoro perdita, ĉio perdita.
  • Mono perdita, nenio perdita; honoro perdita, ĉio perdita.
  • Mono plenumas ĉiujn oficojn.
  • Mono publika estu fortika.
  • Monto gravediĝis, muso naskiĝis.
  • Montradi al si reciproke la dentojn.
  • Montras parolo, kion cerbo valoras.
  • Montroj kaj konsiloj estas facilaj.
  • Montru moneron, ĉio fariĝos.
  • Mordantaj hundoj kuras ĉiam kun vundoj.
  • Morgaŭ estas la amata tago de mallaboruloj.
  • Morgaŭ frue venos plue.
  • Mortinta serĉu ĉielon, vivanta ian celon.
  • Muele sencele.
  • Muelilo haltas, muelisto eksaltas.
  • Multaj kompatantoj, sed neniu helpanto.
  • Multaj svatiĝas, feliĉulo edziĝas.
  • Multaj vokitoj, sed ne multaj elektitoj.
  • Multe da fianĉoj, sed la ĝusta ne venas.
  • Multe da peno, neniom da pano.
  • Multe da sprito, sed neniom da profito.
  • Multe en kapo, sed nenio en poŝo.
  • Multe entreprenis, sed ne multe eltenis.
  • Multe komencite, malmulte plenumite.
  • Murmuregas la urso, sed danci ĝi devas.
  • Murmuri tra la dentoj.
  • Muso la katon ĉiam ofendis.
  • Muso satiĝis, faruno malboniĝis.

N[redakti]

  • Naivuloj jam ne ekzistas.
  • Najbaro ne ĝemas, kiam boto nin premas.
  • Naskiĝas fianĉino por sia fianĉo.
  • Naskiĝu, edziĝu kaj mortu -- ĉiam monon alportu.
  • Nazo supren, vento antaŭen.
  • Ne atendis, ne esperis -- malfeliĉo aperis.
  • Ne atendita, ne esperita ofte venas subite.
  • Ne atingos krio ĝis la trono de Dio.
  • Ne aŭskultinte, ne kondamnu.
  • Ne batalu pot' el tero kontraŭ kaldrono el fero.
  • Ne batas bastono sen persono.
  • Ne bedaŭru hieraŭan, ne atendu morgaŭan, ne forlasu hodiaŭan.
  • Ne bela estas amata, sed amata estas bela.
  • Ne bela estas kara, sed kara estas bela.
  • Ne beligas loko homon, sed homo la lokon.
  • Ne bezonas la kapo konsilon de kruroj.
  • Ne ĉiam daŭras malbona vetero, ne ĉiam daŭras homa sufero.
  • Ne ĉiam estas festo, venos ankaŭ fasto.
  • Ne ĉiam estas sankta Johano.
  • Ne ĉiam per aĝo mezuriĝas la saĝo.
  • Ne ĉio batas, kio tondras.
  • Ne ĉio brilanta estas diamanto.
  • Ne ĉio griza estas lupo.
  • Ne ĉio utilas, kio brilas.
  • Ne ĉion oni devas severe ekzameni.
  • Ne ĉiu aspiranto devas esti prenanto.
  • Ne ĉiu bojato estas ŝtelisto.
  • Ne ĉiu fianĉiĝas, kiu svatiĝas.
  • Ne ĉiu ĝibulo estas sanktulo.
  • Ne ĉiu havas egalan feliĉon.
  • Ne ĉiu hundo bojanta estas hundo mordanta.
  • Ne ĉiu papereto estas banka bileto.
  • Ne ĉiu raporto estas vera vorto.
  • Ne ĉiuj havas egalan feliĉon.
  • Ne defendas oro kontraŭ doloro.
  • Ne demandu scienculon, demandu spertulon.
  • Ne diru "hop" antaŭ la salto.
  • Ne doloras frapo sur fremda kapo.
  • Ne donu kaj ne boju.
  • Ne ekpepi!}}
  • Ne ekzistas en komerco amikeco nek ŝerco.
  • Ne ekzistas forto kontraŭ la morto.
  • Ne ekzistas fumo sen brulo.
  • Ne ekzistas fumo sen fajro.
  • Ne ekzistas honoro sen laboro.
  • Ne ekzistas juneco sen kapricoj, nek maljuneco sen malicoj.
  • Ne ekzistas kareso sen intereso.
  • Ne ekzistas mono, ne ekzistas dono.
  • Ne ekzistas naiva vulpo, ne ekzistas homo sen kulpo.
  • Ne ekzistas ofico sen benefico.
  • Ne ekzistas regulo sen escepto.
  • Ne ekzistas savo kontraŭ malbona virino.
  • Ne ekzistas terno sen nazo nek fakto sen bazo.
  • Ne el ĉiu ligno oni faras violonon.
  • Ne el unu forno li manĝis jam panon.
  • Ne elverŝu la malpuran, antaŭ ol vi havas la puran.
  • Ne elvoku lupon el la arbaro.
  • Ne en ĉiu afero estu severa.
  • Ne en unu tago elkreskis Kartago.
  • Ne esperite, ne sonĝite.
  • Ne estas piediranto kolego al rajdanto.
  • Ne estingu la fajron, kiu vin ne bruligas.
  • Ne falas frukto malproksime de l' arbo.
  • Ne fanfaronu irante, fanfaronu revenante.
  • Ne faru kalkulon sen la mastro.
  • Ne fidu amikon, kiu havas jam flikon.
  • Ne fidu fidelulon, fidu propran okulon.
  • Ne fidu heredon, fidu posedon.
  • Ne gutas mielo el la ĉielo.
  • Ne havante, oni petas; ricevinte, forĵetas.
  • Ne helpas glorkrono al malplena kaldrono.
  • Ne helpas plendo nek ploro kontraŭ kreditoro.
  • Ne helpas ploro al doloro.
  • Ne helpas spegulo al malbelulo.
  • Ne hontu penti pri faro, hontu persisti en eraro.
  • Ne insultu mizeran, ne moku malliberan.
  • Ne iras hakilo al kolo humila.
  • Ne iru al fremda anaro kun via regularo.
  • Ne iru fadeno antaŭ kudrilo.
  • Ne iru okuloj super la frunton.
  • Ne juĝo kondamnas, sed juĝanto.
  • Ne juĝu pri afero laŭ ĝia ekstero.
  • Ne kaptita -- ne punita.
  • Ne karesu per mano, sed karesu per pano.
  • Ne kaŝiĝas lia lango malantaŭ la vango.
  • Ne konante la profundecon, ne iru en la riveron.
  • Ne kondamnu alian, oni vin ne kondamnos.
  • Ne kotas besto en sia nesto.
  • Ne kraĉu en puton, ĉar vi trinki bezonos.
  • Ne kredas ŝtelisto, ke honestaj ekzistas.
  • Ne kredu al orelo, kredu al okulo.
  • Ne kredu al parolo sen propra kontrolo.
  • Ne kvanto, sed kvalito decidas pri merito.
  • Ne laciĝos mano, ne fariĝos pano.
  • Ne laciĝu viaj manoj pri fremdaj infanoj.
  • Ne laŭdu la tagon antaŭ vespero.
  • Ne longe sinjora daŭras favoro.
  • Ne mankas tombo por mortinto nek pano por vivanto.
  • Ne maro dronigas ŝipon, sed la ventoj.
  • Ne mia estas la ĉevalo, min ne tuŝas ĝia falo.
  • Ne moku mizeron de alia, ĉar baldaŭ venos via.
  • Ne moku riveron, ne atinginte la teron.
  • Ne movi la buŝon!}}
  • Ne naskas porko leonidon, nek korniko aglidon.
  • Ne naskiĝu riĉa, naskiĝu feliĉa.
  • Ne pekas drinkulo, pekas ebriulo.
  • Ne pelu tiun, kiu mem forkuras.
  • Ne pentru diablon sur la muro.
  • Ne por lupo estas supo.
  • Ne povas ĉiu homo esti pap' en Romo.
  • Ne prediku knabino al via patrino.
  • Ne prenis pastro la donon -- rekaŝu sako la monon.
  • Ne prokrastu ĝis morgaŭ, kion vi povas fari hodiaŭ.
  • Ne punu edzinon antaŭ infanaj okuloj, ne punu infanojn antaŭ fremduloj.
  • Ne puŝu vian regularon en fremdan anaron.
  • Ne rapidu insulti, volu aŭskulti.
  • Ne rapidu kun fido antaŭ longa kunesido.
  • Ne rapidu kun vortoj, rapidu kun faroj.
  • Ne rapidu, trankvile decidu.
  • Ne rezonu pri tio, kio estas ekster via metio.
  • Ne sama la vento blovas konstante.
  • Ne sanktuloj potojn faras.
  • Ne serĉu bonan arbaron, serĉu bonan najbaron.
  • Ne servas larmo anstataŭ armo.
  • Ne spiciĝas manĝo de mastrina beleco.
  • Ne sufiĉas ploro al kreditoro.
  • Ne ŝovu la nazon en fremdan vazon.
  • Ne ŝovu nazon en fremdan vazon.
  • Ne ŝpari monon nek penon.
  • Ne ŝtelus ŝtelistoj, se ne ekzistus kaŝistoj.
  • Ne taŭgas du ursoj por unu nesto.
  • Ne taŭgas la vero por komerca afero.
  • Ne timu hundon bojantan, timu hundon silentan.
  • Ne timu tranĉilon, timu babilon.
  • Ne trovante bovinon, oni ŝtelas kokinon.
  • Ne unu fajron li pasis, ne unu hundo lin ĉasis.
  • Ne unu hundo lin mordis, ne unu vento lin tordis.
  • Ne valoranto plaĉas, sed plaĉanto valoras.
  • Ne valoras bofilo, kiam mortis filino.
  • Ne valoras la akiro eĉ la penon de l' deziro.
  • Ne valoras la faro la koston de l' preparo.
  • Ne veku malfeliĉon, kiam ĝi dormas.
  • Ne venas honoro sen laboro.
  • Ne venas mont' al monto, sed homo homon renkontas.
  • Ne venas rato mem al kato.
  • Ne venos rato mem al kato.
  • Ne venos rato mem al la kato.
  • Ne vivu kiel vi volas, vivu kiel vi povas.
  • Ne voku diablon, ĉar li povas aperi.
  • Ne volas kokin' al festeno, sed oni ĝin trenas perforte.
  • Ne volis rajdi sur ĉevalo, ekrajdis sur azeno.
  • Ne zorgu pri tio, kio estas ekster via scio.
  • Nebuligi al iu la okulojn.
  • Nebuligi la okulojn.
  • Neceseco kontraŭvola estas leĝo malmola.
  • Neceso ne estas kareso.
  • Neevitebla malbono.
  • Negocaj aferoj estas severaj.
  • Neĝo kaŝas nur ĝis printempo.
  • Nek al teksto, nek al preteksto.
  • Nek al temo, nek al celo.
  • Nek eniro, nek eliro.
  • Nek ĝojo, nek malĝojo daŭras eterne.
  • Nek helpeble, nek konsileble.
  • Nek io, nek alio.
  • Nek pikite, nek hakite.
  • Nek pio por Dio, nek kapablo por diablo.
  • Nek por baki, nek por haki.
  • Nek transnaĝeble, nek transireble.
  • Neleĝe akirita ne estas profita.
  • Nenia ago fariĝas sen pago.
  • Nenia konstruo povas esti sen bruo.
  • Nenia peketo restas longe sekreto.
  • Nenia peno nek provo donos lakton de bovo.
  • Neniam atendita ofte venas subite.
  • Nenie semata, ĉie trovata.
  • Nenio pli grandan mizeron prezentas, ol se sano mankas kaj ŝuldoj turmentas.
  • Neniom da oro, sed bona gloro.
  • Neniu estas profeto en sia urbeto.
  • Neniu sanktulo estas sen makulo.
  • Neniu scias, kio morgaŭ lin trafos.
  • Neniu vidas, kio lin insidas.
  • Nesciado de leĝo neniun pravigas.
  • Nevo de papo facile fariĝas kardinalo.
  • Ni amu nin frate, sed ni kalkulu akurate.
  • Ni facile forgesas, kio nin ne interesas.
  • Ni forgesas averton, ni memoras la sperton.
  • Ni laboru kaj esperu.
  • Ni reciproke nin konas, klarigon ne bezonas.
  • Ni vidas, kiu ridas, -- kiu ploras, ni ne vidas.
  • Nigran kornikon sapo ne blankigos.
  • Nigro sur blanko pruvas sen manko.
  • Nin ĉiam ravas, kion ni ne havas.
  • Nin instruas eraro, kiun faras najbaro.
  • Nobelo promesojn disdonas, kampulo promesojn plenumas.
  • Nokte eĉ monstro estas belulo.
  • Nomo egala, sed esenco mala.
  • Notu en la kamentubo.
  • Nova balailo bone balaas.
  • Nova stato, -- nova vivo.
  • Novaj sinjoroj, -- novaj moroj.
  • Nuda kaj kruda, sen groŝo en poŝo.
  • Nuksoj venis, kiam dentoj elfalis.
  • Nun finiĝas mia klereco.
  • Nur pano kun fromaĝo, sed afabla vizaĝo.
  • Nur suferinto ŝatas feliĉon.
  • Nur tiu ne eraras, kiu neniam ion faras.
  • Nutri per promesoj.
  • Nutru lupon plej sate, li ĉiam serĉas arbaron.

O[redakti]

  • Obstina kiel kapro.
  • Ofta festo, malplena kesto.
  • Ofta festo -- malplena kesto.
  • Ofte ĉapo de kampulo kovras kapon de saĝulo.
  • Ofte de kaŭzo senenhava venas efiko plej grava.
  • Ofte kantas la buŝo, kiam ploras la koro.
  • Ofte ligis malsaĝulo kaj dek saĝuloj malligi ne povas.
  • Ofte ligis malsaĝulo kaj saĝuloj malligi ne povas.
  • Ofte mano forgesas, kion buŝo promesas.
  • Ofte saĝulo vivas malriĉe kaj malsaĝulo feliĉe.
  • Okaza komplimento ne iras al testamento.
  • Okazo faras ŝteliston.
  • Okazo kreas ŝteliston.
  • Okazon kaptu ĉe l' kapo, ĉar la vosto estas glita.
  • Okulo avidas ĉion kion vidas.
  • Okulo de mastro pli ol beno de pastro.
  • Okulo ne atentas, dorso eksentas.
  • Okulo ne atentas, -- dorso eksentas.
  • Okulo ne vidis -- pagu la sako.
  • Okuloj estas pli grandaj ol la ventro.
  • Okupi sen celo lokon sub ĉielo.
  • Oni akceptas laŭ vizaĝo, oni forlasas laŭ saĝo.
  • Oni batas la oron, por provi ĝian valoron.
  • Oni batas ne la aĝon, sed la vizaĝon.
  • Oni batas per vipo, por ke sentu la ripo.
  • Oni batas, malkaresas, kaj eĉ plori ne permesas.
  • Oni bonon forgesos, malbonon memoras.
  • Oni donacas por speso kaj laborigas por spesmilo.
  • Oni ekkonas bovon per la vido kaj malsaĝulon per lia rido.
  • Oni elbatas kojnon per kojno.
  • Oni estas riĉa neniam sufiĉe.
  • Oni faris, oni ĉesis, kaj ni ĉion forgesis.
  • Oni invitas -- venu, oni donacas -- prenu.
  • Oni komencas per ŝteletoj kaj finas per ŝtelegoj.
  • Oni konsilas kaj konsolas, sed helpi ne volas.
  • Oni lekas la manon, sed celas la panon.
  • Oni lin konas, kiel blankan lupon; kiel makulharan hundon; kiel malbonan moneron.
  • Oni maron admiras, se oni maron ne iras.
  • Oni metis makulon en mian kalkulon.
  • Oni ne pagas per gloro al sia tajloro.
  • Oni ne povas sin movi laŭ ĉiu vento aparte.
  • Oni perfidon prenas, sed perfidulon abomenas.
  • Oni prenas avide, oni redonas malrapide.
  • Oni prenas per manoj, redonas per piedoj.
  • Oni priŝtelas ne riĉulon, sed sengardulon.
  • Oni tondas ŝafinojn, tremas la ŝafoj.
  • Oni tondas ŝafinojn, -- tremas la ŝafoj.
  • Oni vivas ne kun mono, sed kun persono.
  • Oni vokas la bovon ne festeni, sed treni.
  • Ora ŝlosilo ĉion malfermas.
  • Ora ŝlosilo ĉiun pordon malfermas.
  • Ordigi al iu la kapon.
  • Ordo estas beno por ĉiu entrepreno.
  • Ordonita kiso havas guston maldolĉan.
  • Oro estas pli peza ol fero, pli malpeza ol aero.
  • Oro nur fingron eksvingas kaj ĉion atingas.
  • Ovo kokinon ne instruas.

P[redakti]

  • Paca silento, ke ne blovas eĉ vento.
  • Paco al lia cindro!}}
  • Pafi -- maltrafi.
  • Pagas maljunaj jaroj por junaj eraroj.
  • Pagas ne riĉulo, pagas kulpulo.
  • Pagi por fremda festeno.
  • Pagi sen partopreno por fremda festeno.
  • Pago de ŝuldanto estas bona en ĉiu kvanto.
  • Pagos lupo por la ŝafo.
  • Palpi al iu la pulson.
  • Pano buŝon ne serĉas.
  • Pano estas alportita, korbo estu forĵetita.
  • Pardonemeco superas justecon.
  • Parenc' al parenco ne malhelpas intence.
  • Parenco per Adamo.
  • Parolanto semas, aŭdanto rikoltas.
  • Paroli dolĉe en la orelon.
  • Paroli per vortoj kovritaj.
  • Paroli sensencaĵon.
  • Parolo anĝela, sed penso pri ŝtelo.
  • Parolo estas arĝento, oron similas silento.
  • Paroloj kaj faroj estas malsamaj aferoj.
  • Pasero sperta estas lerta.
  • Pasero sperta ne bezonas averton.
  • Pasinta doloro for el memoro.
  • Pastro ŝafon ne prenas, ĝi hejmen revenas.
  • Pastro vivas de preĝoj, advokato de leĝoj.
  • Pastron nutras preĝejo.
  • Patroj avaras, infanoj malŝparas.
  • Pecon detranĉitan al la pano ne regluu.
  • Pekas junuloj kaj pekas maljunuloj.
  • Peke akirita ne estas profita.
  • Pekinto pentas, kolero silentas.
  • Pekinto pentas, -- kolero silentas.
  • Peko kaj eraro estas ecoj de l' homaro.
  • Peko malnova perdas pekecon.
  • Pekon serĉi oni ne bezonas.
  • Peli tagojn sen afero de mateno al vespero.
  • Pelis pavon, falis kavon.
  • Pelu mizeron tra l' pordo, ĝi revenos tra l' fenestro.
  • Pendonto ne dronos.
  • Pensoj iras trans limo sen pago kaj timo.
  • Per bezono venas mono.
  • Per eraro ne praviĝas la faro.
  • Per insulto kaj kolero ne klariĝas afero.
  • Per kio la veto?}}
  • Per la kapo malsupren.
  • Per lango flatas, per mano batas.
  • Per lerta admono alfluas la mono.
  • Per mezuro kaj peso akiriĝas sukceso.
  • Per mono eĉ silento fariĝas elokvento.
  • Per mono, ne per mano punu vilaĝanon.
  • Per oreloj, ne per okuloj, edzinon elektu.
  • Per pacienco kaj fervoro sukcesas ĉiu laboro.
  • Per pacienco venas scienco.
  • Per paroloj li bruas, tutan urbon detruas.
  • Per promesoj estas pavimita la infero.
  • Per tro multa varto malboniĝas la farto.
  • Per unu ŝtono oni du ĵetojn ne faras.
  • Per vorto ĝentila ĉio estas facila.
  • Perdi la kandelon el la kapo.
  • Perdi la kuraĝon.
  • Perdi la saĝon.
  • Perdiĝas per pruntedono amiko kaj mono.
  • Perdinta la kapon pri haroj ne ploras.
  • Pereis ŝafino, pereu ankaŭ la ŝafido.
  • Perforta amo estas plej forta malamo.
  • Peto de barono estas ordono.
  • Peto kaj demando kondukas tra l' tuta lando.
  • Petolado sen mezuro ne kondukas al plezuro.
  • Petolu, diboĉu, sed poste sorton ne riproĉu.
  • Petro kornojn tenas, Paŭlo lakton prenas.
  • Petro parolas sen direkto, sed Paŭlo konjektu.
  • Petro rifuzas, Paŭlo ekuzas.
  • Petron kruro doloras, Karolo ne lamas.
  • Piaj deziroj.
  • Piedo ne atentis, kapo eksentis.
  • Piki al iu la vundan lokon.
  • Plej bona gvidilo estas la lango.
  • Plej bona kuracisto estas la tempo.
  • Plej bona sprito estas silento.
  • Plej bone ridas, kiu laste ridas.
  • Plej certa laboro -- laboro per oro.
  • Plej danĝera malsano estas manko de saĝo.
  • Plej facile promeso rimiĝas kun forgeso.
  • Plej granda potenco kuŝas en la komenco.
  • Plej juna katido musojn jam pelas.
  • Plej kruela estas redono por farita bono.
  • Plej kuirita kampulo ĉiam restos krudulo.
  • Plej saĝa maljunulo ne estas tro saĝa.
  • Plena estas la infero de promesitaj aferoj.
  • Plena glaso da vino, sed kun guto da veneno.
  • Plena kaso ŝteliston altiras.
  • Plena sako ĉiun mastron al vi klinos.
  • Plena stomako laŭdas la faston.
  • Plenblovi la lipojn.
  • Plendoj stomakon ne plenigas.
  • Plenumiĝis la tasko per granda fiasko.
  • Plenumita via ofico, nun pasis via vico!}}
  • Pli allogas kulero da mielo, ol da vinagro barelo.
  • Pli bona amiko intima, ol parenco malproksima.
  • Pli bona apude najbaro, ol frato post arbaro.
  • Pli bona branĉo sennuksa, ol kaĝo plej luksa.
  • Pli bona ĉifona vesto, ol riĉeco en malhonesto.
  • Pli bona estas gajno malgranda, ol granda malgajno.
  • Pli bona estas io, ol nenio.
  • Pli bona estas malgranda "jen prenu" ol granda "morgaŭ venu".
  • Pli bona estas paco feliĉa, ol havo plej riĉa.
  • Pli bona estas saĝa malamiko, ol malsaĝa amiko.
  • Pli bona estas virto sen oro, ol oro sen honoro.
  • Pli bona estas vorto afabla, ol kuko agrabla.
  • Pli bona homo sen mono, ol mono sen homo.
  • Pli bona io ol nenio.
  • Pli bona io, ol nenio.
  • Pli bona pano sen butero, ol dolĉa kuko sen libero.
  • Pli bona pano sen butero, ol kuko sen libero.
  • Pli bona pura konscienco, ol malpura potenco.
  • Pli bona virto sen oro, ol oro sen honoro.
  • Pli bona -- estas malamiko de bona.
  • Pli bone estas enviigi, ol kompatigi.
  • Pli bone estas havon fordoni, ol kun homoj malpaci.
  • Pli bone estas reiri, ol perdi la vojon.
  • Pli bone estas sensale, ol tro sale.
  • Pli bone estas ŝviti ol tremi.
  • Pli bone estas ŝviti, ol tremi.
  • Pli bone fleksiĝi, ol rompiĝi.
  • Pli bone malfrue, ol neniam.
  • Pli bone malmulte gajni, ol multe perdi.
  • Pli bone ne fari, ol erari.
  • Pli bone ne sali, ol sali tro multe.
  • Pli da bruo, ol da faro.
  • Pli da havo, pli da klopodoj.
  • Pli da infanoj, pli da beno.
  • Pli da infanoj, pli da manoj.
  • Pli da mono, pli da zorgo.
  • Pli da okuloj, pli da certeco.
  • Pli efike ol bato pelas malsato.
  • Pli facile estas eviti ol spiti.
  • Pli facile estas malbonon eviti, ol korekti.
  • Pli facile estas multe elspezi, ol malmulte enspezi.
  • Pli facile estas multon elspezi, ol malmulton enspezi.
  • Pli facile estas ne iri, ol tro malfrue reiri.
  • Pli facile estas perdi vilaĝon, ol akiri domon.
  • Pli facile estas regi ol agi.
  • Pli facile estas vilaĝon perdi, ol domon akiri.
  • Pli feliĉa estas donanto ol prenanto.
  • Pli feliĉa estas martelo insultata, ol amboso kompatata.
  • Pli feliĉa sinjoro sen havo, ol riĉulo sed sklavo.
  • Pli helpas guto da feliĉo, ol barelo da saĝo.
  • Pli kara estas kap' al ĉapo.
  • Pli kara estas kapo ol ĉapo.
  • Pli kara kapo ol ĉapo.
  • Pli kostas la sako, ol la tuta pako.
  • Pli tiras virina haro, ol ĉevala paro.
  • Pli valoras faro nenia, ol faro malbona.
  • Pli valoras interkonsento, ol juĝa dokumento.
  • Pli valoras konkorda ovo, ol malkonkorda bovo.
  • Pli valoras kontenta spirito, ol granda profito.
  • Pli valoras malgranda reganto, ol granda servanto.
  • Pli valoras paco malbona, ol malpaco plej bona.
  • Pli valoras propra ĉemizo ol fremda plena valizo.
  • Pli valoras propra ĉemizo, ol fremda plena valizo.
  • Pli valoras senlaboreco, ol sensenca laboremeco.
  • Pli valoras tuj ovo, ol poste bovo.
  • Pli valoras vinagro donacita, ol vino aĉetita.
  • Pli zorgas unu patrino pri dek infanoj, ol dek infanoj pri unu patrino.
  • Plibono estas malamiko de bono.
  • Ploranton ni evitas, ridanton ni imitas.
  • Plumo ne sentas, papero silentas.
  • Pluvo en Aprilo -- por la tero utilo.
  • Popola kutimo havas valoron de leĝo.
  • Popolo diras, Dio diras.
  • Por amiko intima ne ekzistas vojo malproksima.
  • Por amiko komplezo neniam estas tro peza.
  • Por ĉiu ago venas la tempo de pago.
  • Por ĉiu ago venos tempo de pago.
  • Por ĉiu faro estas horo.
  • Por ĉiu plezuro devas esti mezuro.
  • Por ebriulo ne ekzistas danĝero.
  • Por fremda koro ne ekzistas esploro.
  • Por gasto ne petita mankas kulero.
  • Por glate mensogi, oni spriton bezonas.
  • Por honoro ni dankas, se manĝ' al ni mankas.
  • Por hundon dronigi, oni nomas ĝin rabia.
  • Por kapti ezokon, bongustigu la hokon.
  • Por la mono pastra preĝo, por la mono romp' de leĝo.
  • Por li eĉ la muso ne estas sen felo.
  • Por longa malsano kurac' estas vana.
  • Por malfrua gasto restas nur osto.
  • Por malsaĝulo bastono -- por saĝulo leciono.
  • Por malsanulo forto, por kokido la morto.
  • Por mia mono mi ankaŭ estas barono.
  • Por muŝon mortigi, oni pafilegon ne uzas.
  • Por nenio oni faras nenion.
  • Por paro amanta ĉiu loketo sufiĉas.
  • Por parolo delira ne ekzistas rediro.
  • Por patrino ne ekzistas infano malbela.
  • Por Paŭlo sperto, -- por Petro averto.
  • Por Paŭlo sperto -- por Petro averto.
  • Por peko senkonscia puno nenia.
  • Por pendigi ŝteliston, antaŭe lin kaptu.
  • Por pot' argila poto fera estas najbaro danĝera.
  • Por regna speso ne ekzistas forgeso.
  • Por riĉulo fasto -- por malriĉulo festo.
  • Por saĝulo sufiĉas aludo.
  • Por sia oro ĉiu estas sinjoro.
  • Por sperto kaj lerno ne sufiĉas eterno.
  • Por ŝafo tondita Dio venton moderigas.
  • Por ŝafon formanĝi, lupo trovos pretekston.
  • Por unu -- festeno, por alia -- ĉagreno.
  • Por vendisto mensogo estas necesa apogo.
  • Por via bono vin regalas bastono.
  • Por virta orelo ne danĝeras vorto malbela.
  • Post alkutimiĝo doloras disiĝo.
  • Post brua vento subita silento.
  • Post dolĉa vino restas acida vinagro.
  • Post domaĝo venas saĝo.
  • Post dorma trankvilo venas bona konsilo.
  • Post kolero venas favoro.
  • Post konfeso venas forgeso.
  • Post la batalo preĝo ne helpas.
  • Post la falo oni fariĝas singarda.
  • Post la fasto venas festo.
  • Post la fino de l' batalo estas multe da kuraĝuloj.
  • Post mia malapero renversiĝu la tero.
  • Post morto kuracilo jam estas sen utilo.
  • Post nokta ripozo helpas la muzo.
  • Post sufero venas prospero.
  • Post vetero malbela lumas suno plej hela.
  • Postulo ne pretendas, rifuzo ne ofendas.
  • Poton taksu laŭ sono, sinjoron laŭ tono.
  • Prave li ricevas.
  • Prave punite laŭmerite.
  • Prediki al surduloj.
  • Preĝejo proksima, sed Dio malproksima.
  • Preĝon faru, sed farunon preparu.
  • Preĝu al la Eternulo, ne al Lia sanktulo.
  • Preĝu kore kaj laboru fervore.
  • Preni iun sur la dentojn.
  • Prenu kiel vi volas, la poto ĉiam bolas.
  • Pri dolĉa vorto ne fieru, maldolĉan ne koleru.
  • Pri gustoj oni disputi ne devas.
  • Pri havo najbara oni estas malavara.
  • Pri kio amikoj sekretas, ili vian juĝon ne petas.
  • Pri kio estas la afero?}}
  • Pri la lupo rakonto, kaj la lupo renkonte.
  • Pri la ŝtrumpa truo scias nur la ŝuo.
  • Pri laboroj maldiligenta, pri festoj plej kompetenta.
  • Pri lando malproksima estas bone mensogi.
  • Pri nenio oni povas ĵuri.
  • Pri propra afero neniu juĝas libere.
  • Pri tio jam ĉiuj paseroj babilas.
  • Printempo semas, aŭtuno rikoltas.
  • Pripensu malrapide kaj agu decide.
  • Pro amo al la kandelo kato lekas la kandelingon.
  • Pro eraro ne praviĝas la faro.
  • Pro homo fiera ĝojas infero.
  • Pro kapo malsaĝa suferas la kruroj.
  • Pro karta preno perdiĝis bieno.
  • Pro limoj kaj baroj malpacas najbaroj.
  • Pro multo da arboj li arbaron ne vidas.
  • Pro najleto bagatela pereis ĉevalo plej bela.
  • Pro vorta ludo li eĉ patron ne domaĝas.
  • Pro vorta piko ofte perdiĝas amiko.
  • Profiton celu, sed aliajn ne pelu.
  • Prokrastita ne estas perdita.
  • Proksima kubuto, sed ne por la buŝo.
  • Promesi orajn montojn.
  • Promesita trezoro estas sen valoro.
  • Promeso estas larĝa, plenumo estas ŝarĝa.
  • Promeso ne satigas.
  • Pronomoj "mia" "min" kaj "mi" en mondo reĝas ĉiam tri.
  • Propeka kapro.
  • Propra opinio ne estas leĝo por alia.
  • Propra sufero -- plej granda sur tero.
  • Propra supo brogas, fremda allogas.
  • Propra volo ordonon superas.
  • Propran ĝibon neniu vidas.
  • Propran vangon neniu batas.
  • Proverbo estas sperto, proverbo estas averto.
  • Prunto amikon forpelas.
  • Puno pekon svingas, favorkoreco ĝin estingas.
  • Pura ĉielo fulmon ne timas.
  • Pura konscienco estas plej granda potenco.
  • Putrado de fiŝo komenciĝas de l' kapo.

R[redakti]

  • Rado malbona knaras plej multe.
  • Rajdi sur ĉevalo oni ne lernas sen falo.
  • Rakonti ĉion faritan kaj kaŝitan.
  • Rangeto rangon respektu, modestan lokon elektu.
  • Rano eĉ en palaco sopiras pri marĉo.
  • Rapide iras la vortoj, sed ne rapide la faroj.
  • Rapide -- senvide.
  • Rapidu malrapide.
  • Raporti pri ĉiuj cirkonstancoj kaj nuancoj.
  • Razisto raziston razas.
  • Regna kaso -- bona ĉaso.
  • Reĝo donacis, sed polico minacas.
  • Rekomendo kondukas al plendo.
  • Renkontiĝis la kato kun sentima rato.
  • Respektu Dion kaj reĝon kaj obeu la leĝon.
  • Restas nek konsilo, nek konsolo.
  • Resti maljuna knabino.
  • Restis nenio absolute, nek por mordi, nek por gluti.
  • Restu tajloro ĉe via laboro.
  • Rezonado kaj filozofado panon ne donas.
  • Ricevi grizan haron, ne vidinte altaron.
  • Ricevi muŝon en la cerbon.
  • Ricevis bandito laŭ sia merito.
  • Ricevos vulpo por sia kulpo.
  • Riĉa estas tiu, kiu ŝuldas al neniu.
  • Riĉa preparo, sed povo avara.
  • Riĉa zorgas pri ĉampano, malriĉa pri pano.
  • Riĉeco estas frato de fiereco.
  • Riĉeco sen gvido kiel ĉevalo sen brido.
  • Riĉigas ne enspezo, sed prudenta elspezo.
  • Riĉulo havas grandan parencaron.
  • Riĉulo havas kornojn, malriĉulo dornojn.
  • Riĉulo kiel fajro proksime bruligas, malproksime ne varmigas.
  • Riĉulo veturas, malriĉulo kuras.
  • Ridas blindulo pri lamulo.
  • Rido matene -- ploro vespere.
  • Rigardaĉi kiel bovido.
  • Rigardi kaj aspiri ne devigas akiri.
  • Rigardi malafable.
  • Rigardi per ambaŭ okuloj.
  • Rigardu per ambaŭ okuloj!}}
  • Ripetado estas plej bona lernado.
  • Ripetata parolo pri la sama titolo.
  • Riveretoj fluas al riveroj.
  • Rol' de virino -- bona mastrino.
  • Romo estas tie, kie estas la papo.
  • Rostita kolombeto ne flugas al buŝeto.
  • Rusto manĝas feron, ĉagreno la koron.
  • Rusto manĝas la feron, kaj zorgo la homon.

S[redakti]

  • Saĝa estas la frato post ricevo de l' bato.
  • Saĝa estas la hundo post ricevo de l' vundo.
  • Saĝa hundo post la vundo.
  • Saĝa kapo duonvorton komprenas.
  • Saĝa scias, kion li diras, -- malsaĝa diras, kion li scias.
  • Saĝa tenas aferon, malsaĝa esperon.
  • Saĝo abunda, sed ne profunda.
  • Saĝo barbon ne atendas.
  • Saĝulo scias ion, sed neniu scias ĉion.
  • Sako alenon ne tenas, ĝi baldaŭ elvenas.
  • Sako malplena sin rekte ne tenas.
  • Sako ne sonas, -- amiko ne konas.
  • Sako ne sonas -- amiko ne konas.
  • Sakon kun truo vi neniam plenigos.
  • Saltadi ĉirkaŭ afero, kiel blovata neĝero.
  • Saltadi el unua al deka.
  • Sama buŝo blovas varmon kaj malvarmon.
  • Sama gento, sama sento.
  • Samaj kondiĉoj, samaj superstiĉoj.
  • Sango bolas, juneco petolas.
  • Sango komuna reciproke sin altiras.
  • Sango ne silentas, sian sangon ĝi sentas.
  • Sanigaĵo malbongusta, sed efiko plej ĝusta.
  • Sanktfigurojn ornamas kaj homojn malamas.
  • Sapo blankecon ne havas, tamen blanke ĝi lavas.
  • Sapumi la okulojn.
  • Sata malsatan ne povas kompreni.
  • Sata stomako ne lernas volonte.
  • Scias la kato, kies lardon ĝi manĝis.
  • Scienco havas semon enuan, sed frukton bonĝuan.
  • Sciencon oni ne mendas, klerecon oni ne vendas.
  • Scion akiru, sed ne ĉion eldiru.
  • Sciu elokventi, sciu ankaŭ silenti.
  • Sciu funde, sed tenu profunde.
  • Se al hundo mankas nenio, ĝin atakas rabio.
  • Se amas Dio, prosperas ĉio.
  • Se amiko petas, li neniam ripetas.
  • Se birdo tro bekas, la katon ĝi vekas.
  • Se brulas nenio, fumo ne iras.
  • Se ĉiu balaos antaŭ sia pordo, tiam en la tuta urbo estos ordo.
  • Se ĉiu speson donos, malriĉulo malsaton ne konos.
  • Se decidos la sorto, helpos nenia forto.
  • Se devigas neceso, faru kun kareso.
  • Se Dio ne aranĝos, lupo vin ne manĝos.
  • Se Dio ne volas, sanktulo ne helpos.
  • Se Dio ordonos, eĉ ŝton' lakton donos.
  • Se edzino ordonas, domo ordon ne konas.
  • Se elsaltas la okazo, ĝi rompiĝas kiel vazo.
  • Se en kor' io sidas, vizaĝo perfidas.
  • Se ezoko piiĝis, gobio ne dormu.
  • Se forestas la suno, sufiĉas la luno.
  • Se geedzoj sin batas, fremdulo restu flanke.
  • Se gut' al guto aliĝas, maro fariĝas.
  • Se haroj ne mankus, oni kalvon ne havus.
  • Se homoj mankas, infano ankaŭ estas homo.
  • Se io venas al buŝo, buŝon ne fermu.
  • Se juneco estus sperta, se maljuneco estus lerta!}}
  • Se junulo ne lernis, maljunulo ne scias.
  • Se kalumnio eĉ pasas, ĝi ĉiam ion lasas.
  • Se kalumnio ne brulas, ĝi almenaŭ makulas.
  • Se la arbo falis, ĉiu branĉon derompas.
  • Se la ĉielo falus al tero, birdokaptado estus facila afero.
  • Se la gasto estas amata, eĉ lia servanto ne restas malsata.
  • Se la gasto meritas, eĉ lia hundo profitas.
  • Se la kaliko tro pleniĝas, la vino elverŝiĝas.
  • Se la sorto vin batas, mokantoj ne mankas.
  • Se la tempo forblovis, ni jam helpi ne povas; kio post ni aperos, ni de ĝi ne suferos.
  • Se lipo dikiĝas, ventro maldikiĝas.
  • Se lupo ekpentis, ŝafo atentu.
  • Se malriĉulo sukcesas, li ĉiujn forgesas.
  • Se malsato turmentas, lupo timon ne sentas.
  • Se mi faru riverencon, mi elektas potencon.
  • Se mi scius, kie mi falos, mi tien metus tapiŝon.
  • Se mi scius, kion mi ne scias, ĉiuj saĝuloj min envius.
  • Se muso nur unu truon disponas, ĝi baldaŭ la vivon fordonas.
  • Se ne estus "se" kaj "tamen", mi al ĉio dirus amen.
  • Se ne la "se" malfeliĉa, mi estus nun homo plej riĉa.
  • Se ne plaĉas la najbaro, ne plaĉas lia faro.
  • Se ne venas per bona vorto, oni prenas per forto.
  • Se neĝas sur la monto, estas malvarme en la valo.
  • Se neniu plendas, neniu defendas.
  • Se okulo ne atentas, dorso eksentas.
  • Se okulo ne vidas, koro ne avidas.
  • Se okulo ne vidis, pagas la poŝo.
  • Se oni amas la gaston, oni zorgas la paston.
  • Se Peĉjo ne semos, Petro ne rikoltos.
  • Se peko trafas, eĉ bastono ekpafas.
  • Se sako tro pleniĝas, ĝi baldaŭ disŝiriĝas.
  • Se silentas draŝejo, malpacas loĝejo.
  • Se stomako doloras, kapo laboras.
  • Se unu ne venis, dek ne atendas.
  • Se vendisto ne mensogas, li aĉetanton ne allogas.
  • Se vi donas mielon, donu ankaŭ kuleron.
  • Se vi faros vin ŝafo, la lupoj vin manĝos.
  • Se vi krudulon iom karesos, li al si ĉion permesos.
  • Se vi krudulon salutos, li vin tutan englutos.
  • Se vi povas, profitu, sed aliajn ne incitu.
  • Se vi prenis la violonon, prenu ankaŭ la arĉon.
  • Se vi pri ĉio informiĝos, vi baldaŭ maljuniĝos.
  • Se vi sendis malsaĝulon, sendu kontrolon.
  • Se vi senfine parolos, de ĝi la poto ne bolos.
  • Se vi sidos en branoj, vin manĝos la porkoj.
  • Se vi ŝafo fariĝos, lupoj ne mankos.
  • Se vi volas filinon, flatu la patrinon.
  • Se vulpo pentofaras, gardu la kokidojn.
  • Seka panpeco, sed en libereco.
  • Selante ĉevalon, oni ĝin karesas.
  • Sen atendo, sen espero venis mizero.
  • Sen fajro ne brulas eĉ pajlo.
  • Sen gutoj malgrandaj maro ne ekzistus.
  • Sen laboro ne venas oro.
  • Sen mensoga rekomendo ne iros la vendo.
  • Sen mono en urbon ne iru.
  • Sen mono oni estas nulo, kun mono -- saĝulo.
  • Sen ordo en afero ne ekzistas prospero.
  • Sen povo kolero estas ridinda afero.
  • Sen regalo ne estas balo.
  • Sen rigardo, sen gardo.
  • Sen speso unua ne ekzistas la dua.
  • Senĉesa gutoŝtonon traboras.
  • Sendemanda ekprotesto estas ofte kulpatesto.
  • Sendito nur portas; kion oni ordonis, li raportas.
  • Senditon oni aŭskultas aŭ ne aŭskultas, sed ne punas nek insultas.
  • Senfara plendo ne estas defendo.
  • Senfortuloj longe vivas.
  • Senkonscie vi agis, konscie vi pagos.
  • Senkonscie vi agis, -- konscie vi pagos.
  • Senlaboreco dormon alportas.
  • Senlaboreco estas patrino de ĉiuj malvirtoj.
  • Senlanigu, sed ne senfeligu.
  • Senlanigu, sed ne senhaŭtigu.
  • Senpaga estas nur la morto, sed ĝi kostas la vivon.
  • Senplumigi kokinon, ne vekante mastrinon.
  • Serĉi la tagon pasintan.
  • Serpenton oni povas eviti, sed kalumnion neniam.
  • Servo al Dio vana ne restas.
  • Servo ne petita ne estas merita.
  • Servo postulas reservon.
  • Sia estas kara pli ol la najbara.
  • Sia estas kara pli ol najbara.
  • Sian sorton neniu evitos.
  • Sidas gasto minuton, sed vidas la tuton.
  • Sidi en amaso da embaraso.
  • Sidi en laboroj ĝis super la oreloj.
  • Sidi kiel muso sub balailo.
  • Sidi kiel sur pingloj.
  • Sidi sur pingloj.
  • Sidu lango malantaŭ la vango.
  • Sieĝi ies pordon.
  • Silente!}}
  • Silento estas konsento.
  • Silentu donante, parolu ricevante.
  • Simio al simio plaĉas pli ol ĉio.
  • Sin turni al la poŝo.
  • Singardeman Dio gardas.
  • Sinjorino kaj sinjoro, unu alian valoras.
  • Sinjoro karesas, sed baldaŭ ĉesas.
  • Sinjoro petas, kvazaŭ dekretas.
  • Sinjoroj sin batas, servantoj vundojn ricevas.
  • Situacio sen eliro.
  • Sklavo kun forta mano estas plej granda tirano.
  • Sola vojo libera al la fundo rivera.
  • Sonĝo teruras, sonĝo forkuras.
  • Sonorado al li venas, sed de kie -- li ne komprenas.
  • Sonorilo vokas al preĝejo kaj mem neniam eniras.
  • Sorto donas favoron, sorto donas doloron.
  • Sorto ofte alsendas, kion oni ne atendas.
  • Sperta mano ne restas sen pano.
  • Sperto saĝon akrigas.
  • Spesmilo superflua poŝon ne ŝiras.
  • Spesmilo vojon trabatas.
  • Spiko malplena plej alte sin tenas.
  • Sprit' en tempo ne ĝusta estas tre malbongusta.
  • Sprita vorto tentas, nenion atentas.
  • Staras la morto jam en la korto.
  • Stari per unu piedo en la tombo.
  • Stari por iu kiel muro kaj turo.
  • Stariĝi obstine.
  • Staris, ekfaris.
  • Stomako malsata nur pri pano meditas.
  • Stomako ne estas spegulo: kion ĝi manĝis, ne vidas okulo.
  • Streĉi la orelojn.
  • Streĉiĝi el la haŭto.
  • Streĉu la okulojn!}}
  • Sub seruro promesojn tenu, sed doninte ne reprenu.
  • Sub tero sklavo kaj sinjoro ne diferencas per valoro.
  • Suferinto pli valoras, ol lerninto.
  • Suferoj sufokas kaj homoj mokas.
  • Sukcesa venkanto de pordoj malfermitaj.
  • Superpinte -- nur tuŝinte.
  • Sur arbon kliniĝintan saltas la kaproj.
  • Sur ĉeval' de najbaro la ŝarĝo ne pezas.
  • Sur ĉiu flanko nur manko kaj manko.
  • Sur la ŝtelisto brulas la ĉapo.
  • Sur la ventro veluro, en la ventro murmuro.
  • Sur leĝa bazo.
  • Sur lia nuko sidas pli ol peruko.
  • Surmeto rompas, komparo trompas.
  • Suspekto pruvon ne egalas.

Ŝ[redakti]

T[redakti]

  • Tablo festena, sed telero malplena.
  • Tablo kovrita faras amikojn.
  • Tablon frapas tajloro, tuj tondilo eksonas.
  • Tablon ornamas ne tuko, sed kuko.
  • Tago aranĝas, tago ŝanĝas.
  • Tago festa -- for aferoj.
  • Tago tagon sekvas, sed ne similas.
  • Tajloro krimis, botisto pendas.
  • Taksi la sanon ni lernas en malsano.
  • Tani al iu la haŭton.
  • Tapiŝon ne deziris, maton akiris.
  • Temp' estas mono.
  • Temp' estas valoro simile al oro.
  • Tempo flatas, tempo batas.
  • Tempo kaj cirkonstancoj saĝon alportas.
  • Tempo prenas, tempo pagas.
  • Tempo toleras, sed vero aperas.
  • Tempo venos, zorgon prenos.
  • Teni iun per fera mano.
  • Teni la okulojn en streĉo.
  • Teni sian langon en la buŝo.
  • Tie ĉi malbone, tie nebone.
  • Tie iras fumo per densaj nuboj.
  • Tie vi petos, vi tiros, vi nenion akiros.
  • Tiel estas, tiel restas.
  • Tien okuloj iras, kion la koro deziras.
  • Timi sian propran ombron.
  • Timo havas grandajn okulojn.
  • Timu lupon edukitan kaj malamikon repacigitan.
  • Tio ĉi estas laŭ lia gusto.
  • Tio estas lia amata ĉevaleto.
  • Titolo sen mono -- sensignifa sono.
  • Tolaĵon malpuran lavu en la domo.
  • Tondro kampulon memorigas pri Dio.
  • Tordi ŝnurojn el sablo.
  • Tra unu orelo eniras, tra la dua eliras.
  • Tra vitro de teruro pligrandiĝas la mezuro.
  • Trafe aŭ maltrafe.
  • Trafi de Scilo al Ĥaribdo.
  • Trafi du celojn per unu ŝtono.
  • Trafi per la parolo rekte en la vizaĝon.
  • Trafi per la vizaĝo en koton.
  • Trafis falĉilo sur ŝtonon.
  • Trafis hakilo al ligno malmola.
  • Trafis pugno pugnon.
  • Traflugis anĝelo preter orelo.
  • Trafos hakilo al ligno malmola.
  • Tralavi la gorĝon.
  • Tranĉi rekte en la karnon.
  • Transsalte-senhalte.
  • Trapafadi la aeron.
  • Tremo atakas.
  • Treni sian vivon de mizero al mizero.
  • Trinki pro ies sano.
  • Trio plaĉas al Dio.
  • Tro akra fajro estas sen daŭro.
  • Tro alta postulo aĉetanton ne ŝarĝas.
  • Tro da bono ne turmentas.
  • Tro da enspezo ne estas tro da pezo.
  • Tro da konfido kondukas al perfido.
  • Tro da kuiristoj kaĉon difektas.
  • Tro da libero kondukas al mizero.
  • Tro da metioj, -- profitoj neniaj.
  • Tro elektema ricevas nenion.
  • Tro forta ĵuro -- la afero ne pura.
  • Tro grandaj kalkuloj kondukas al nuloj.
  • Tro kara aranĝo por malkara tagmanĝo.
  • Tro longa atendo ĝis fino de l' vendo.
  • Tro longa sufero -- malgranda espero.
  • Tro multe da salo malbonigas la manĝon.
  • Tro nutrata kapro fariĝas kiel apro.
  • Tro rapida akcelo ne kondukas al celo.
  • Tro rapida edziĝo -- porĉiama kateniĝo.
  • Tro rapida faro estas nur baro.
  • Tro rapida laboro, tro malgranda valoro.
  • Tro rapida riĉiĝo diablon ĝojigas.
  • Tro saltas la rato -- ĝin kaptas la kato.
  • Tro sata, tro bata.
  • Troa festeno estas veneno.
  • Troa petolo danĝera al kolo.
  • Troa petolo estas danĝera por la kolo.
  • Troviĝas bonaj homoj en la mondo.
  • Trovis malbonulo malbonulon pli grandan.
  • Truon de l' honoro flikos neniu tajloro.
  • Turniĝadi kiel serpento.
  • Tuso kaj amo ne estas kaŝeblaj.
  • Tuta jam sata, sed okulo malsatas.
  • Tute ĝuste laŭ lia gusto.
  • Tute libera, kiel birdo aera.

U[redakti]

  • Unu amiko malnova pli valoras ol du novaj.
  • Unu fava ŝafo tutan ŝafaron infektas.
  • Unu floras, alia ploras.
  • Unu floro ne estas krono, unu monero ne estas mono.
  • Unu fojon oni donas kaj tutan vivon fanfaronas.
  • Unu fojon ŝtelis pomon kaj perdis por ĉiam honestan nomon.
  • Unu guto plenigas la glason.
  • Unu hako kverkon ne faligas.
  • Unu hirundo printempon ne alportas.
  • Unu kapo facile trovas apogon.
  • Unu malamiko pli difektas, ol cent amikoj protektas.
  • Unu orienten, alia okcidenten.
  • Unu ovo malbona tutan manĝon difektas.
  • Unu pasero alian valoras.
  • Unu saĝo estas bona, du estas pli bonaj.
  • Unu similas nulon, ne prezentas kalkulon.
  • Unu sola guto la glason plenigas.
  • Unu soldato militon ne faras.
  • Unu vido taŭgas pli ol dek aŭdoj.
  • Unu vundo alian kuracas.
  • Unu, du, tri, kvar, kaj finita la far'.
  • Unua atesto estas la vesto.
  • Unua paŝo iron direktas.
  • Unua venis, unua prenis.
  • Unueco donas fortecon.
  • Unufoje ŝtelinta restas ĉiam ŝtelisto.
  • Urson al mielo oni ne tiras per orelo.
  • Urson evitu, duonpatrinon ne incitu.
  • Urtikon frosto ne difektas.
  • Uzi monon kaj admonon kaj flaton kaj baton.
  • Uzu tempon estantan, antaŭvidu estontan, memoru estintan.

V[redakti]

Z[redakti]

  • Zorgu pri vi, kaj nenion pli.
  • Zorgu vian metion kaj ne miksu vin en alian.
  • Zorgu vivon vian kaj lasu vivi alian.