Laboro

El Vikicitaro

• Kiam vi laboras, vi estas kvazaŭ fluto, tra kies koro la susuro de la horoj fariĝas muziko … Nu, kio estas labori ame ? Teksi tolon per fadenoj tiritaj el via koro kvazaŭ via amato vestus sin per tiu tolo.
  • Gibran Khalil GIBRAN(esperantigis Majstro Eŭgo)
• Multaj manoj faciligas laboron.
  • Angla proverbo: Many hands make light work.

• Sen laboro ne estas manĝaĵo.
  • Pola proverbo: Bez pracy nie ma kołaczy.
• Malĝojon el via koro,forpelu per laboro.
  • Morteza Mirbaghian
• Kiu konstruas fabrikon, konstruas templon. Kiu tie laboras, diservas.
  • Aŭtoro: Calvin COOLIDGE
• Vivu la vivon kiel testudo, unue laboro, kaj poste ludo.
  • Morteza MIRBAGHIAN

[redakti] El Zamenhofa Proverbaro

• Tro rapida laboro, tro malgranda valoro.
• Ju laboro pli publika, des pli granda la kritiko.
• Ju pli da honoro, des pli da laboro.
• Komenco bona -- laboro duona.
• Laboro donas bonstaton, mallaboro malsaton.
• Laboro finita, -- ripozo merita.
• Laboro fortigas, ripozo putrigas.
• Laboro kaj pacienco kondukas al potenco.
• Laboro ne estas leporo, -- ĝi haltos, ne forsaltos.
• Morgaŭ estas la amata tago de mallaboruloj.
• Ni laboru kaj esperu.
• Pli valoras senlaboreco, ol sensenca laboremeco.
• Preĝu kore kaj laboru fervore.