Komenco

El Vikicitaro
Komenco
Aliaj projektoj
Komenco en Vikipedio
Komenco en Vikivortaro

Komenco estas unua stadio de io evoluiĝonta aŭ unua parto de io. Ĝi ankaŭ signifas agon de iu, kiu komencas.

Citaĵoj[redakti]

Citaĵo
« Vojaĝo de miloj da mejloj komencas sub via piedo»
— Laozio, Daodeĝingo Ĉapitro LXIV-a, strofo 1
Citaĵo
« La vivo ne havas puran komencon kaj bonordan finon, la vivo ĉiam daŭras. Vi devus komenci en la mezo kaj fini en la mezo, kaj tio devus esti ĉio tie. » « (angle) Life doesn’t have a neat beginning and a tidy end, life is always going on. You should begin in the middle and end in the middle, and it should be all there. »
— V. S. Naipaul
Citaĵo
« Viro ne estas fino sed komenco. Ni estas komence de la dua semajno. Ni estas infanoj de la oka tago» « (angle) Man is not an end but a beginning. We are at the beginning of the second week. We are children of the eighth day. »
— Thornton Wilder
Citaĵo
« Amo estas la emblemo de eterneco; ĝi konfuzas ĉian nocion de tempo; forigas ĉiun memoron pri komenco, ĉian timon pri fino... »
— Madamo de Staël
Citaĵo
« Se ni komencos per certecoj, ni finos per duboj; se ni komencas kun duboj, kaj estas paciencaj, ni finos per certecoj. »
— Marko Aŭrelio
Citaĵo
« Oni povas komenci de la perspektivo de religia naturisto aŭ de la perspektivo de la mondaj religioj kaj alveni al la sama loko: morala imperativo, ke tiu ĉi Tero kaj ĝiaj estaĵoj estu respektataj kaj amataj» « (angle) One can start from the perspective of a religious naturalist or from the perspective of the world religions and arrive at the same place: a moral imperative that this Earth and its creatures be respected and cherished. »
— Ursula Goodenough
Citaĵo
« Mi ne pensas diskursive. Ne tiel multe mi alvenas al vero, sed mi komencas el ĝi. »
— Nikolai Berdyaev
Citaĵo
« Venos tempo, kiam vi kredos, ke ĉio finiĝis; tiu estos la komenco. » « (angle) There will come a time when you believe everything is finished; that will be the beginning. »
— Louis L'Amour
Citaĵo
« Dum la larĝaj principoj de demokratio estas universalaj, restas la fakto, ke ilia apliko konsiderinde varias... Ni estas ĉe la komenco de la vojo, ĉe la komenco mem. Ni ankoraŭ havas longan vojon por iri. »
— Boutros Boutros-Ghali
Citaĵo
« Kien ni iras? Ne demandu! Supreniru, malsupreniru. Tie estas nek komenco nek fino. Nur tiu ĉi nuna momento ekzistas, plena de amareco, plena de dolĉeco kaj mi ĝojas pri ĉio en ĝi. »
— Nikos Kazantzakis
Citaĵo
« Ne estas kiso, kiu ne estas la komenco de adiaŭo, eĉ tiu de alveno. »
— George Bernard Shaw
Citaĵo
« Ĉiam komencante de la unua por atingi la lastan, de la plej alta al la plej profunda, de la plej facila al la plej malfacila ĝis venki la plej malfacilan. De la malgrandaj kaj unuopaj aferoj al la komplikaj kaj de tie al la plej komplikaj. »
— Johano Amoso Komenio
Citaĵo
« Nenio estas perdita, se oni finfine havas kuraĝon proklami, ke ĉio estas perdita kaj ke oni devas rekomenci» « (hispane) Nada está perdido si se tiene por fin el valor de proclamar que todo está perdido y que hay que empezar de nuevo. »
— Julio Cortázar, Rayuela
Citaĵo
« Se vi povas revi pri io, vi povas fari tion. Memoru ĉiam, ke ĉi ĉio komenciĝis per revo kaj muso» « (angle) If you can dream it, you can do it. Always remember that this whole thing was started with a dream and a mouse. »
— Walt Disney
Citaĵo
« Tiu, kiu komencis, duone faris. Aŭdacu esti saĝa; komencu! »
— Horacio
Citaĵo
« Ĉiu momento de la vivo de homo kaj de la kompreno kaj de la volo, estas nova komenco»
— Emanuel Swedenborg
Citaĵo
« Paroli pri la fino de scienco estas same malsaĝe kiel paroli pri la fino de religio. Scienco kaj religio ambaŭ estas ankoraŭ proksimaj al siaj komencoj, sen videblaj finoj. » « (angle) To talk about the end of science is just as foolish as to talk about the end of religion. Science and religion are both still close to their beginnings, with no ends in sight. »
— Freeman Dyson
Citaĵo
« La tujaj faktoj estas al kio ni devas rilati. Mallumo kaj lumo, komenco kaj fino»
— Peter Wessel Zapffe
Citaĵo
« Ĉiu afero en la mondo kreita de iu ajn komencis per ideo» « (angle) Every single thing in the world that was made by anyone started with an idea. »
— David Lynch
Citaĵo
« La plej granda defio de la tago estas: kiel estigi koran revolucion, revolucio, kiu devas komenciĝi kun ĉiu el ni? » « (angle) The greatest challenge of the day is: how to bring about a revolution of the heart, a revolution which has to start with each one of us? »
— Dorothy Day

Proverboj[redakti]

Citaĵo
« Komenco bona, laboro duona. »
— Proverbo
Citaĵo
« Se vi iras malproksimen, vi komencis proksime, kaj kiam vi grimpas alten, vi komencis malalte.[1] » « (Ĉin)行遠必自邇,登高必自卑 »
— Ĉinaj proverboj
Citaĵo
« Ĉiu komenco malfacilas. » « (germane) Aller Anfang ist schwer. »
— Germana Proverbaro

Zamenhofa proverbaro[redakti]

Pliaj citaĵoj ĉe Zamenhofa proverbaro.
Citaĵo
« Komenco bona — laboro duona. »
— Zamenhofa proverbaro

Vidu ankaŭ[redakti]

Referencoj

  1. Ĉinaj proverboj ĉe uea.facila.org