Aŭtoro

Aŭtoro
Aliaj projektoj
Aŭtoro en Vikipedio
Aŭtoro en Komuneja kategorio

Aŭtoro estas la kreinto de verko plej ofte de artverko, homo pro kiu io ekzistas.

Citaĵoj

^{NOTO: Krom en la referencitaj citaĵoj, la tradukoj inkluditaj en tiu ĉi sekcioj estas propraj de la vikicitaristo, kiu aldonis ilin.}

	« Verŝajne ne estas infero por aŭtoroj en la sekva mondo - ili suferas tiom multe flanke de kritikistoj kaj eldonistoj en ĉi tiu. » — Christian Nestell Bovee

	« Aŭtoro en sia libro devas esti kiel Dio en la universo, ĉie ĉeesta kaj nenie videbla. » — Gustave Flaubert, leteroj al Louise Colet (9-an de decembro 1852)

	« Vera facileco verki venas el arto, ne el hazardo. Ĉar moviĝas plej facile tiuj, kiuj lernis danci. » — Alexander Pope

	« En ĉiu aŭtoro ni distingu la homon disde siaj verkoj. » — Voltaire

	« Certe ne plaĉas al natura justeco, ke fremdulo rikoltu la utilan monan produkton de la laboro de alia homo. » — Willes, J, Millar v Taylor (1769)

	« Verkistoj, precipe kiam ili agas korpe kaj laŭ unu direkto, havas grandan influon sur la publika menso. » — Edmund Burke

	« La plumo estas la lango de la animo. »   « La pluma es lengua del alma. » — Miguel de Cervantes, Kiĥoto

	« Kaj elektu aŭtoron kiel vi elektas amikon. » — Wentworth Dillon

	« Ĉio, kion aŭtoro metas inter la du kovrilojn de sia libro, estas publika posedaĵo. » — Gail Hamilton

	« Se vi iam komprenas la rolon de aŭtoro, la kompreno de liaj verkoj fariĝas facila. » — Henry Wadsworth Longfellow, Hyperion (1839)

	« Vi ne publikigas viajn proprajn versojn, Laelius; vi kritikas la mian. Preĝu, ĉesu kritiki la mian aŭ alie publikigu la vian. » — Marcialo, Epigramoj (ĉ. 80-104 p.K.)

	« La inko de la klerulo estas pli sankta ol la sango de la martiro. » — Mohamedo

	« Ĉi tiu letero donas al mi langon; kaj se mi ne rajtus skribi, mi estus muta. »   « Prsebet mihi littera linguam: Et, si non liceat scribere, mutus ero. » — Ovidio

	« Kvazaŭ mi vivis por verki kaj verkis por vivi. » — Samuel Rogers

	« La grandaj kaj bonaj ne mortas eĉ en ĉi tiu mondo. Enbalzamigitaj en libroj, iliaj spiritoj promenas eksterlanden. La libro estas viva voĉo. Ĝi estas intelekto, kiun oni ankoraŭ aŭskultas. » — Samuel Smiles

	« Por verki malbonan libron necesas tiom da laboro kiel por bona; ĝi eliras kun la sama sincereco el la animo de la aŭtoro. » — Aldous Huxley

	« La noto estas verkita ne por informi la leganton sed por defendi la aŭtoron. » — Dean Acheson

	« La silento de la enviemaj estas la plej bona komplimento al kiu aŭtoro povas aspiri. » — Santiago Ramón y Cajal

	« La talento de multaj aŭtoroj ne estas proporcia al ilia egoo. » — Bill Adler

	« La originaleco de aŭtoro dependas malpli de lia stilo ol de lia pensmaniero. » — Anton Ĉeĥov

	« Nenio donas al aŭtoro tiom da plezuro, kiel vidi siajn verkojn cititaj kun respekto de aliaj kleraj aŭtoroj. » — Benjamin Franklin

	« Ĉiu aŭtoro, kiu sin prezentas sub pseŭdonimo, zorgas lasi siajn identigajn signojn. » — Manuel Fraga Iribarne

	« Bona romano diras al ni la veron pri sia ĉefrolulo; malbona romano diras al ni la veron pri sia aŭtoro » — Gilbert Keith Chesterton

	« Filmo povas esti bona, mezbona aŭ terura sed ĝi neniam devas esti farita kontraŭ la konscienco, pensoj kaj ideologio de la aŭtoro. » — Luis Buñuel

Benjamin Disraeli

	« Kiam mi volas legi libron, mi verkas unu. » — Atribuita al Benjamin Disraeli

	« La aŭtoro, kiu parolas pri siaj propraj libroj, estas preskaŭ same malbona kiel patrino, kiu parolas pri siaj propraj infanoj. » — Benjamin Disraeli, parolado (19-an de novembro 1870)

Horacio

	« Vi, kiuj verkas, elektu temon taŭgan por viaj kapabloj. »   « Sumite materiam vestris, qui scribitis, sequam Viribus. » — Horacio, Ars Poetica (18 a.K.)

	« Scio estas la fundamento kaj fonto de bona verkado. »   « Scribendi recte sapere est et principium et fons. » — Horacio, Ars Poetica (18 a.K.)

Samuel Johnson

	« Homo povas skribi iam ajn, se li obstine sin dediĉas al tio. » — Samuel Johnson

	« La ĉefa gloro de ĉiu popolo ekestiĝas de ĝiaj aŭtoroj. » — Samuel Johnson