Hazardo

El Vikicitaro
Salti al navigilo Salti al serĉilo
Hazardo
Hazardo
Aliaj projektoj
Wikipedia-logo-v2.svg Hazardo en Vikipedio
Wiktionary-logo-eo.png Hazardo en Vikivortaro

Hazardo estas prospera aŭ malprospera okazo, neantaŭvidebla kaj sendependa de nia volo aŭ penado.

Jean Baudrillard[redakti]

Citaĵo
« …la nuntempa analizo jam delonge rivelis mankojn de la determinisma klarigo de la mondo kaj naskis aleatoran mondon danke al objektiva kaŭzeco, do ĝi ĉion traktas de la vidpunkto de hazardeco kaj samtempe ĝi vekis atenton al aliaj tipoj de ligo — ne kaŭzaj kaj pli kaŝitaj (ekzemple psikanalizo kaj ĝia traktado de nekonscio forigis hazardecon de misparolo, eraro, sonĝo, frenezo). »
— Jean Baudrillard, La fatalaj strategioj [1983]
Citaĵo
« …efektive ni anstataŭigis dominadon de intelektaj kaŭzoj per tute ne hazardeco, sed per mekanismo de pli kaŝitaj interligoj. »
— Jean Baudrillard, La fatalaj strategioj [1983]
Citaĵo
« Hazardo donas al ni paŭzon por ripozi: neniu deziris tion — kia malpeziĝo! Do nome Dio en sia nemezurebla kompato donas al ni la hazardon. Pri evento, de kiu oni deziris seniĝi, oni ofte diras tiel: “Tia estis volo de Dio” (do de neniu). »
— Jean Baudrillard, La fatalaj strategioj [1983]
Citaĵo
« Vetludo paradokse ilustras mankon de hazardo, ĝian radikalan neadon en la konscio mem de la ludanto. »
— Jean Baudrillard, La fatalaj strategioj [1983]
Citaĵo
« …ni jam delonge preferas hazardan (ĉar la racia evidentiĝis esti nesufiĉa) version de la mondo ol la fatalan»
— Jean Baudrillard, La fatalaj strategioj [1983]
Citaĵo
« En tio estas la tuta diferenco inter la sorto kaj la hazardo. Ja pura hazardo, eĉ se imagi ke ĝi ekzistas, por ni estas tute neinteresa, en la pura hazardo haveblas nenio, kio povus nin tenti, ĝi estas objektiva kaj ne pli. »
— Jean Baudrillard, La fatalaj strategioj [1983]
Citaĵo
« …de morala vidpunkto ni povas deziri bari nin per diversaj alibioj (inkluzive de hazardo) de la fatala ligiteco de la eventoj, sed de la simbola vidpunkto ni profunde abomenas neŭtralan mondon, kie regas la hazardo, kaj do sekuran kaj senan je senco, same kiel la mondon kie ĉion regas la objektivaj kaŭzoj: kvankam en tiu kaj en alia pli facilas vivi, sed neniu el ili kostas ion kontraŭ kapturniga mondo, kiun regas diadiabla ligiteco de necesaj koincidoj, do de la mondo, kie ni tentas la eventojn, elvokas ilin kaj devigas okazi per ĉionpoveco de la penso — la kruela mondo, kie nenio estas senkulpa, speciale ni, la mondo en kiu dissolviĝas nia subjektiveco (sed ni akceptas tion kun ĝojo), ĉar ĝi dissolviĝas en aŭtomateco de la eventoj, en ilia objektiva disvolviĝo. Ĝi iĝas iusence la mondo. »
— Jean Baudrillard, La fatalaj strategioj [1983]

Diversaj aŭtoroj[redakti]

Citaĵo
« En la krea ago la homo eliras la limojn, destinitajn por li kiel estaĵo, leviĝas super la pasiveco kaj hazardeco de sia ekzistado, eniras reĝlandon de celkonscio kaj libereco»
— Erich Fromm, La sana socio [1955]
Citaĵo
« Homo estas akcidento laŭ la vojo en kosmo malplena kaj malvarma. Li estas naskinto de la hazardo. » « L'homme est un accident de parcours dans un cosmos vide et froid. Il est un enfant du hasard. »
— Hubert Reeves

Vidu ankaŭ[redakti]