Saltu al enhavo

Hazardo

El Vikicitaro
(Alidirektita el Hazardeco)
Hazardo
Hazardo
Hazardo
Aliaj projektoj
Hazardo en Vikipedio
Hazardo en Vikivortaro

Hazardo estas prospera aŭ malprospera okazo, neantaŭvidebla kaj sendependa de nia volo aŭ penado.

Citaĵoj[redakti]

NOTO: Krom en la referencitaj citaĵoj, la tradukoj inkluditaj en tiu ĉi sekcio estas propraj de la vikicitaristo, kiu aldonis ilin.

Citaĵo
« En la krea ago la homo eliras la limojn, destinitajn por li kiel estaĵo, leviĝas super la pasiveco kaj hazardeco de sia ekzistado, eniras reĝlandon de celkonscio kaj libereco»
— Erich Fromm, La sana socio [1955]
Citaĵo
« Homo estas akcidento laŭ la vojo en kosmo malplena kaj malvarma. Li estas naskinto de la hazardo. » « L'homme est un accident de parcours dans un cosmos vide et froid. Il est un enfant du hasard. »
— Hubert Reeves
Citaĵo
« Feliĉo en ĉi tiu mondo, kiam ĝi venas, venas hazarde. Fari ĝin celo de postkuro, kaj ĝi kondukos nin al sovaĝa ansera ĉasado, kaj neniam estos atingita. Sekvu iun alian objekton, kaj tre verŝajne ni eble trovos, ke ni kaptos feliĉon sen revi pri ĝi. » « (angle) Happiness in this world, when it comes, comes incidentally. Make it the object of pursuit, and it leads us a wild-goose chase, and is never attained. Follow some other object, and very possibly we may find that we have caught happiness without dreaming of it. »
— Nathaniel Hawthorne
Citaĵo
« Nenio estas hazarda en la universo - tio estas unu el miaj Leĝoj de Fiziko - krom la tuta universo mem, kiu estas Pura Akcidento, pura dieco. » « (angle) Nothing is accidental in the universe — this is one of my Laws of Physics — except the entire universe itself, which is Pure Accident, pure divinity. »
— Joyce Carol Oates
Citaĵo
« Ĉiu evento havis sian kaŭzon, kaj nenio, ne la plej malgranda vento, kiu blovas, estas hazarda aŭ senkaŭza. » « (angle) Every event has had its cause, and nothing, not the least wind that blows, is accident or causeless. »
— Pearl S. Buck
Citaĵo
« Ne hazarde multaj akuzas min, ke mi faris publikajn aferojn per mia koro anstataŭ per mia kapo. Nu, kaj se mi faros?... Tiuj, kiuj ne scias plori per sia tuta koro, ankaŭ ne scias ridi»
— Golda Meir
Citaĵo
« Destino ne estas hazarda afero; ĝi estas elekto. Ĝi ne estas atendebla afero; ĝi estas atingenda afero. » « (angle) Destiny is not a matter of chance; it is a matter of choice. It is not a thing to be waited for; it is a thing to be achieved. »
— William Jennings Bryan
Citaĵo
« En la kampoj de observado la hazardo favoras nur la preparitan menson. »
— Louis Pasteur

Jean Baudrillard[redakti]

Citaĵo
« …la nuntempa analizo jam delonge rivelis mankojn de la determinisma klarigo de la mondo kaj naskis aleatoran mondon danke al objektiva kaŭzeco, do ĝi ĉion traktas de la vidpunkto de hazardeco kaj samtempe ĝi vekis atenton al aliaj tipoj de ligo — ne kaŭzaj kaj pli kaŝitaj (ekzemple psikanalizo kaj ĝia traktado de nekonscio forigis hazardecon de misparolo, eraro, sonĝo, frenezo). »
— Jean Baudrillard, La fatalaj strategioj [1983]
Citaĵo
« …efektive ni anstataŭigis dominadon de intelektaj kaŭzoj per tute ne hazardeco, sed per mekanismo de pli kaŝitaj interligoj. »
— Jean Baudrillard, La fatalaj strategioj [1983]
Citaĵo
« Hazardo donas al ni paŭzon por ripozi: neniu deziris tion — kia malpeziĝo! Do nome Dio en sia nemezurebla kompato donas al ni la hazardon. Pri evento, de kiu oni deziris seniĝi, oni ofte diras tiel: “Tia estis volo de Dio” (do de neniu). »
— Jean Baudrillard, La fatalaj strategioj [1983]
Citaĵo
« Vetludo paradokse ilustras mankon de hazardo, ĝian radikalan neadon en la konscio mem de la ludanto. »
— Jean Baudrillard, La fatalaj strategioj [1983]
Citaĵo
« …ni jam delonge preferas hazardan (ĉar la racia evidentiĝis esti nesufiĉa) version de la mondo ol la fatalan»
— Jean Baudrillard, La fatalaj strategioj [1983]
Citaĵo
« En tio estas la tuta diferenco inter la sorto kaj la hazardo. Ja pura hazardo, eĉ se imagi ke ĝi ekzistas, por ni estas tute neinteresa, en la pura hazardo haveblas nenio, kio povus nin tenti, ĝi estas objektiva kaj ne pli. »
— Jean Baudrillard, La fatalaj strategioj [1983]
Citaĵo
« …de morala vidpunkto ni povas deziri bari nin per diversaj alibioj (inkluzive de hazardo) de la fatala ligiteco de la eventoj, sed de la simbola vidpunkto ni profunde abomenas neŭtralan mondon, kie regas la hazardo, kaj do sekuran kaj senan je senco, same kiel la mondon kie ĉion regas la objektivaj kaŭzoj: kvankam en tiu kaj en alia pli facilas vivi, sed neniu el ili kostas ion kontraŭ kapturniga mondo, kiun regas diadiabla ligiteco de necesaj koincidoj, do de la mondo, kie ni tentas la eventojn, elvokas ilin kaj devigas okazi per ĉionpoveco de la penso — la kruela mondo, kie nenio estas senkulpa, speciale ni, la mondo en kiu dissolviĝas nia subjektiveco (sed ni akceptas tion kun ĝojo), ĉar ĝi dissolviĝas en aŭtomateco de la eventoj, en ilia objektiva disvolviĝo. Ĝi iĝas iusence la mondo. »
— Jean Baudrillard, La fatalaj strategioj [1983]

Vidu ankaŭ[redakti]