Modernigo

Modernigo
Modernigo
Aliaj projektoj
Modernigo en Vikipedio
Modernigo en Vikivortaro

Modernigo estas procezo de transiro de malpli evoluinta socio al pli evoluinta, progresigo de tekniko, ekonomio.

Citaĵoj

Samuel P. Huntington

« …dum fruaj etapoj de la ŝanĝoj okcidentigo subtenas modernigon. En pli postaj etapoj la modernigo stimulas renaskiĝon de loka kulturo. Tio okazas je du niveloj. En la socia nivelo modernigo akcelas ekonomian, militan kaj politikan povon de la socio ĝenerale kaj instigas homojn de tiu ĉi socio ekkredi je sia kulturo kaj eksenti sian kulturan fortecon. En individua nivelo modernigo kreas senton de fremdiĝo kaj disfalo, ĉar rompiĝas tradiciaj ligoj kaj sociaj rilatoj, kio kaŭzas krizon de identeco, kaj la solvon de tiuj ĉi problemoj donas religio. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

	« Modernigo ne postulas iun konkretan politikan ideologion aŭ instituciojn: balotoj, naciaj limoj, civilaj organizoj kaj aliaj atributoj de la okcidenta vivo ne necesas por ekonomia kresko. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

	« Modernigo inverse forigas tiujn ĉi kulturojn kaj reduktas relativan influon de la Okcidento. En la fundamenta nivelo la mondo iĝas pli moderna kaj malpli okcidenta. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

« Petro la 1-a komencis kaj montris proksiman ligon, kiu en Rusio formiĝis inter modernigo kaj okcidentigo, unuflanke, kaj de despotismo aliflanke. Sekvante tiun ĉi Petro-modelon, Lenino, Stalino kaj malpli grandskale Katerino la 2-a kaj Aleksandro la 2-a ankaŭ provis diversajn rimedojn por modernigi kaj okcidentigi Rusion kaj por fortigi ĝian aŭtoritatan potencon. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

	« Sed se neokcidentaj socioj devos moderniĝi, ili devos sekvi propran vojon, ne tiun okcidentan, kaj imitante Japanion uzi ĉion kaj kalkuli pri siaj propraj tradicioj, institucioj kaj valoroj. » — Samuel P. Huntington, La kontraŭstaro inter civilizacioj kaj la rearanĝo de mondordo [1996]

Aliaj aŭtoroj

	« Verŝajne ĝuste estus diri, ke sukcesa modernigo de postrestinta popolo eblas nur en severa kadro de unuecaj kolektivaj klopodoj. La ŝoka modernigo de Japanio estis farita en la arda atmosfero de unuecaj klopodoj kaj de la grupa solidareco. » — Eric Hoffer, La vera kredanto [1951]

	« Teorio de modernigo de sociaj institucioj instigis supozi ke fine de la 1980-aj kreskanta meza klaso en Ĉinio postulos demokratiigon, sed post murdoj sur placo Tian An Men tio ne okazis. » — Mark Kramer, Atendante grandan fiaskon // Zbig: La strategio kaj politiko de Zbigniew Brzeziński [2013]

Vidu ankaŭ

• Okcidentiĝo