Trevor Steele

El Vikicitaro
Iri al: navigado, serĉi
Wikipedia:eo
Vikipedio havas artikolon pri:
  • Demokratio” signifas obeadon al ordonoj el Vaŝingtono kaj allason, ke usonaj firmaoj ekspluatu la landon.
  • Estus kruda eraro supozi, ke ĉiu ateisto ne interesiĝas pri religiaj demandoj...
    • Ĉe la romano "...sed nur fragmento." Dua eldono. 2012. Eldonejo Fonto. paĝo 106
  • La ĉefa gloro de nia epoko estas la venko de la logika pensado super nevalidaj mensaj sintenoj; mallonge, la triumfo de Scienco super religio. Jen la nepra unua paŝo al vera Progreso. Necesas nur ĵeti lumon sur la ombrojn.
    • Ĉe la romano "...sed nur fragmento." Dua eldono. 2012. Eldonejo Fonto. paĝo 108
  • Ŝajne eŭropanoj eĉ ne povas imagi, kion signifas, ke fremda potenco altrudas sian regadon. Tiel facilanime ili pentras al si la benon ankaŭ por la viktimoj.
    • Ĉe la romano "...sed nur fragmento." Dua eldono. 2012. Eldonejo Fonto, paĝo 139, per la voĉo de la rolulo Maklin, protagonisto de la romano
  • La laboro de tradukanto estas tre temporaba kaj peniga.
    • Ĉe la romano "...sed nur fragmento." Dua eldono. 2012. Eldonejo Fonto, paĝo 171, per la voĉo de la rolulo Layton
  • ... se oni predikas, ke ni troviĝas solaj en senviva mekanisma universo, oni proponas filozofion tiel morne pesimisman, ke nur heroaj pensuloj - aŭ heroaj misiuloj en tropika ĝangalo - tiras el ĝi vivoforton.
    • Ĉe la romano "...sed nur fragmento." Dua eldono. 2012. Eldonejo Fonto, paĝo 200, per la voĉo de la rolulo Layton
  • La historio estas plejparte ogrofabelo. Ĉiu civilizacio, inta, anta aŭ onta, estas konstruita sur monto el kranioj. La bonulo ĉiam devas elekti inter sinmortigo kaj kompromiso kun la mondo.
    • Ĉe la romano "...sed nur fragmento." Dua eldono. 2012. Eldonejo Fonto, paĝo 221, per la voĉo de la rolulo Layton
  • ... oni ne akceptas ideojn pro tio, ke ili venas el bela buŝo, male oni aparte zorge pesas ilin.
    • Ĉe la romano "...sed nur fragmento." Dua eldono. 2012. Eldonejo Fonto, paĝo 255, per la pripensoj de la rolulo Maklin
  • Ĉu ĉiuj pasintaj kulturoj, pri kiuj ni volonte hipotezas, suferis siaspecajn mankojn? Ĉu revoj pri idealaj oraj epokoj aŭ venontaj paradizoj ĉiam estis kaj restos nur tio - revoj, konsolaj fabeloj? Ĉu la tuta universo, almenaŭ la homa sfero, estas ia giganta fiŝerco?
    • Ĉe la romano "...sed nur fragmento." Dua eldono. 2012. Eldonejo Fonto, paĝo 348, per la pripensoj de la rolulo Maklin