Ŝtono

Ŝtono
Aliaj projektoj
Ŝtono en Vikipedio
Ŝtono en Komuneja kategorio
Ŝtono en Vikivortaro

Ŝtono estas natura, malmola petra aŭ minerala maso, ĝenerale negranda kaj movebla.

	« Salto de la ŝtono al la metalo estis decida rilate kreskon de glateco. Kiom ajn estu ŝlifata la ŝtono, tamen la glavo — unue bronza, poste fera — estas eĉ pli glata. » — Elias Canetti, Amaso kaj potenco [1960]

	« Eĉ ŝtono verdiĝas, se ĝi longe ne moviĝas. » — Zamenhofa proverbaro

	« Gast' en tempo malĝusta estas ŝtono sur brusto. » — Zamenhofa proverbaro

	« Guto malgranda, sed ŝtonon ĝi boras. » — Zamenhofa proverbaro

	« Kiu regalas per ŝtonoj, tiun oni dankas per bastonoj. » — Zamenhofa proverbaro

	« Kontraŭ vesto malbona konspiras ĉiu ŝtono. » — Zamenhofa proverbaro

	« Li ne elpensis la filozofian ŝtonon. » — Zamenhofa proverbaro

	« Malaperis kiel ŝtono en maron. » — Zamenhofa proverbaro

	« Malsaĝulo ŝtonon ĵetis, dek saĝuloj ĝin ne atingos. » — Zamenhofa proverbaro

	« Per unu ŝtono oni du ĵetojn ne faras. » — Zamenhofa proverbaro

	« Senĉesa guto eĉ ŝtonon traboras. » — Zamenhofa proverbaro

	« Ŝtono de falpuŝiĝo. » — Zamenhofa proverbaro

	« Trafi du celojn per unu ŝtono. » — Zamenhofa proverbaro

	« Trafis falĉilo sur ŝtonon. » — Zamenhofa proverbaro

Vidu ankaŭ

• Ŝtonumado