Lingvo

• Kie neniu lingvo povis konstrui ponton inter la homoj, ĉar ĉiu atendis, ke la propran lingvon parolu ankaŭ la alia, sed mem ne volis lerni ties lingvon, tie la najbaroj restis fremduloj.
  • Aŭtoro:Sabine Dittrich Heredantoj de silentado
• Por ke lingvo estu internacia, ne sufiĉas nomi ĝin tia.
  • Aŭtoro: Ludoviko Lazaro Zamenhof
• Kiu eksterlandajn lingvojn ne konas, de la propra nenion scias.
  • Wer fremde Sprachen nicht kennt, weiß nichts von seiner eigenen.
  • Aŭtoro: Johann Wolfgang VON GOETHE
• La lingvo kaj la imperio ĉiam kunis.
  • Siempre la lengua fue compañera del imperio.
  • Antonio de Nebrija La Gramática Castellana, 1492.
• Se mi parolus la lingvojn de homoj kaj anĝeloj, sed ne havus amon, mi fariĝus sonanta kupro aŭ tintanta cimbalo.
  • Aŭtoro: Sankta Paŭlo
  • La unua epistolo al la Korintanoj 13:1 (Londona Biblio)
• La komunikado de popoloj estas tiel granda, ke oni nepre bezonas komunan lingvon
  • Aŭtoro: Kartezio
  • en letero al sia amiko abato Mersenne (20-a de novembro 1629)
• Milito okazas kiam lingvo fiaskas.
  • Margaret Atwood
• Ruza Toronta advokato profunde faris teknikegan argumenton antaŭ la Suprema Kortumo [de Kanado]. Ĝi dependis de tre fajna lego de la leĝa teksto kaj la letero de la leĝo. Subite la ĉefjuĝisto, Beverley McLachlan, klinis sin kaj demandis al la advokato ĉu lia argumento ankaŭ funkcias en la franca. Ĉar la leĝo estas la leĝo en ambaŭ lingvoj egale kaj elirejo el unu emas fermiĝi en la alia. Nur substanca argumento elteneblas. La advokato neniel sciis kion respondi.
  • John Ralston Saul, A Fair Country
• Ĉiu legendo entenas reziduon da vero, kaj la baza funkcio de lingvo estas kontroli la universon per priskribi ĝin.
  • Aŭtoro: James Baldwin
• Mi regas la germanan lingvon, sed ĝi ne ĉiam obeas.
  • Ich beherrsche die deutsche Sprache, aber sie gehorcht nicht immer.
  • Alfred Polgar

(Alfred Polgar) vidu ankaŭ: Esperanto