Ovo

El la Zamenhofa proverbaro

« Al feliĉulo eĉ koko donas ovojn. »

« Al kokino la ovo lecionojn ne donu. »

« Al malriĉulo ovo kiel al riĉulo bovo. »

« Doni ovon, por ricevi bovon. »

« Infano ŝtelas ovon, grandaĝulo ŝtelas bovon. »

« Kara estas ovo, kiam venas la Pasko. »

« Kiun favoras la sorto, por tiu eĉ koko estas ovoporta. »

« Ovo kokinon ne instruas. »

« Pli valoras konkorda ovo, ol malkonkorda bovo. »

« Pli valoras tuj ovo, ol poste bovo. »

« Unu ovo malbona tutan manĝon difektas. »