Vidi fonton por Karl Marx

{{Aŭtoro
| nomo         = Karl Marx
| dosiero      = 
| vikipedio    = Karl Marx
| komunejo     = Karl Marx
| komunejokat  = Karl Marx
| vikifontaro  = 
| vikinovaĵoj = 
}}
'''[[w:Karl Marx|Karl MARX]]''' (Esperantigite '''Karlo MARKSO'''; germane: ''Karl Heinrich Marx'' [''karl HAJNriĥ marks''] (naskiĝis la 5-an de majo 1818, mortis la 14-an de marto 1883) estis filozofo el Germanio. Li fondis la skolon de [[marksismo]] per sia [[hegel]]a analizo kaj kritiko de [[kapitalismo]].

== Citaĵoj ==
[[Dosiero:Marx_color2.jpg|eta|dekstra|La filozofoj nur diversmaniere interpretis la mondon. La afero tamen estas ŝanĝi ĝin. ]]

=== Ekonomiaj kaj filozofiaj manuskriptoj je 1844 ===

{{Citaĵo
|teksto = La [[komunismo]] mem ne estas la [[celo]] de homa evoluo.
|aŭtoro=  [[Karolo Markso]]
|verko= [[Ekonomiaj kaj filozofiaj manuskriptoj je 1844]]
|origina teksto = 
}}

{{Citaĵo
|teksto = Perforta altigo de [[salajro]] (jam sen paroli pri ĉiuj aliaj malfacilaĵoj, jam sen diri ke tian altigon kiel nenormalaĵon oni povus konservi ankaŭ nur perforte) estus, kiel tio sekvas el la supre dirita, ne pli ol pli bona pagado de [[sklavo]] kaj nek donus al [[laboristo]], nek al [[laboro]] iliajn homajn [[destino]]n kaj [[digno]]n.
|aŭtoro=  [[Karolo Markso]]
|verko= [[Ekonomiaj kaj filozofiaj manuskriptoj je 1844]]
|origina teksto = 
}}

{{Citaĵo
|teksto = Ĉia [[privata posedo]] sentas — almenaŭ rilate pli grandan privatan posedon — [[envio]]n kaj sopiron de egaligo, tiel ke la du lastaj konsistigas esencon de la [[konkurenco]]. Kruda [[komunismo]] estas nur pinto de tiu ĉi envio kaj de tiu ĉi egaligo, devenanta de imago pri iu baza minimumo. 
|aŭtoro=  [[Karolo Markso]]
|verko= [[Ekonomiaj kaj filozofiaj manuskriptoj je 1844]]
|origina teksto = 
}}

{{Citaĵo
|teksto = La [[homo]] ne traktas sin kiel sendependan, se li ne estas mastro de si mem, kaj la mastro de si mem li estas kiam lia [[ekzistado]] apartenas al li. La homo kiu vivas laŭ favoro de alia, traktas sin kiel dependulon.
|aŭtoro=  [[Karolo Markso]]
|verko= [[Ekonomiaj kaj filozofiaj manuskriptoj je 1844]]
|origina teksto = 
}}

{{Citaĵo
|teksto = [...] la tuta tiel nomata tutmonda [[historio]] estas nenio alia ol kreado de la [[homo]] per la homa [[laboro]], estiĝado de [[naturo]] por la homo, do li havas klaran, nerefuteblan pruvon de sia kreado fare de si mem, de procezo de sia estiĝo.
|aŭtoro=  [[Karolo Markso]]
|verko= [[Ekonomiaj kaj filozofiaj manuskriptoj je 1844]]
|origina teksto = 
}}

=== Der 18. Brumaire des Louis Bonaparte ===
{{Citaĵo|teksto =La homoj faras sian propran historion, sed ili faras ĝin ne propravole, ne sub memelektitaj, sed sub rekte renkontitaj, donitaj kaj hereditaj cirkonstancoj.|aŭtoro = |verko =Der 18. Brumaire des Louis Bonaparte, MEW 8, 115|origina teksto = }}

{{Citaĵo|teksto =Hegelo ie rimarkigas, ke ĉiuj grandaj mondhistoriaj faktoj kaj personoj okazas iel dufoje. Li forgesis aldoni: la unuan fojon kiel tragedio, la alan fojon kiel farso.|aŭtoro = |verko =Der 18. Brumaire des Louis Bonaparte, MEW 8, 115|origina teksto = }}

{{Citaĵo|teksto =Kiam la maldekstro volis venki en la parlamento, ĝi ne rajtis preni la armilojn. Kiam en la parlamento ĝi alvokis al la armiloj, ĝi ne rajtis sur la strato konduti parlamente.|aŭtoro = |verko =Der 18. Brumaire des Louis Bonaparte, MEW 8, 144|origina teksto = }}

{{Citaĵo|teksto =Kaj al tio apartenis tiu stranga malsano, kiu disvastiĝis ekde 1848 sur la tuta kontinento, la parlamenta idiotismo, kiu fiksis la kontaĝitojn en imagitan mondon kaj forrabis de ili ĉian senson, ĉian memoron, ĉian komprenon de la kruda ekstera mondo.|aŭtoro = |verko =Der 18. Brumaire des Louis Bonaparte, MEW 8, 173|origina teksto = }}

{{Citaĵo|teksto =La unua antaŭkondiĉo de ĉia homhistorio estas kompreneble la ekzisto de vivantaj homaj individuoj. La unua konstatenda fakto estas do la korpa organizo de tiuj individuoj kaj ilia per tio donita rilato al la cetera naturo.|origina teksto = }}

=== Die deutsche Ideologie ===
{{Citaĵo|teksto =[La perceptebla mondo kiu ĉirkaŭas la homon estas] ne ekde la eterno rekte donita ĉiam sama aĵo [...], sed la produkto de la industrio kaj de la socia stato, nome en tiu senco ke ĝi estas historia produkto, la rezulto de la agado de tuta vico da generacioj.|aŭtoro = |verko =Die deutsche Ideologie etc., MEW 3|origina teksto = }}

{{Citaĵo|teksto ='''Ni komunistoj konas nur unu sciencon, la sciencon de la historio. La historio rigardeblas el du flankoj, ĝi divideblas en la historion de la naturo kaj la historion de la homoj.

Tamen la du flankoj ne estas disigeblaj; tiom longe kiom ekzistas homoj, la naturhistorio kaj la homhistorio kompletigas sin reciproke.'''|aŭtoro = |verko =Die deutsche Ideologie etc., MEW 3, 18|origina teksto = }}

{{Citaĵo|teksto =La komunismo estas por ni ne starigenda stato, sed idealo, laŭ kiu la realo devos orientiĝi. Ni nomas komunismo la realan movadon, kiu nuligas la nunan staton. La kondiĉoj de tiu movado rezultas el la nun ekzistanta antaŭkondiĉo.|aŭtoro = |verko =Die deutsche Ideologie etc., MEW 3, 35|origina teksto = }}

{{Citaĵo|teksto =La senpera realeco de la penso estas la lingvo.|aŭtoro = |verko =Die deutsche Ideologie, MEW 19, 432|origina teksto = }}

{{Citaĵo|teksto =La konscio estas […] jam komence socia produkto kaj restas tia, tiom longe kiom entute ekzistas homoj.|aŭtoro = |verko =Die deutsche Ideologie, MEW 3|origina teksto = }}

{{Citaĵo|teksto =Tiu postulo ŝanĝi la konscion kondukas al la postulo alie interpreti la ekzistanton, do agnoski ĝin per alia interpreto.|aŭtoro = |verko =Die deutsche Ideologie, MEW 3|origina teksto = }}

{{Citaĵo|teksto =La homoj faris al si ĝis nun ĉiam malĝustajn ideojn pri si mem, pri tio kio ili estas aŭ estu. Laŭ siaj imagoj pri dio, pri la normalaj homoj ktp ili instalis siajn kondiĉojn. La elkovaĵoj de iliaj kapoj kreskis al ili super la kapon. Ili, la kreintoj, klinis sin antaŭ siaj kreitaĵoj. Ni liberigu ilin el la fantaziaĵoj, la ideoj, la dogmoj, la imagatajn estaĵojn, sub kies jugo ili pereas. Ni ribelu kontraŭ tiu estrado de la pensoj.|aŭtoro = |verko =Die deutsche Ideologie, MEW 3, 13|origina teksto = }}

{{Citaĵo|teksto =Tie kie ĉesas la spekulado, en la reala vivo, komencas do la reala, pozitiva scienco, la prezento de la praktika agado, de la praktika evoluado de la homoj. La sensignifaj frazoj pri konscio ĉesas, reala scio devas anstataŭi ilin.|aŭtoro = |verko =Die deutsche Ideologie, MEW 3, 27|origina teksto = }}

{{Citaĵo|teksto =La pensoj de la dominanta klaso estas en ĉiu epoko la dominantaj pensoj, do la klaso, kiu estas la dominanta materia povo de la socio, estas samtempe ĝia dominanta spirita povo.|aŭtoro = |verko =Die deutsche Ideologie, MEW 3, 46|origina teksto = }}

{{Citaĵo|teksto =Same kiel la medicinaj miraklistoj kaj miraklaj kuracoj baziĝas sur la nescio pri la leĝoj de la naturo, tiel baziĝas la sociaj miraklistoj kaj miraklaj kuracoj sur la nescio pri la leĝoj de la socia mondo.|aŭtoro = |verko =Die deutsche Ideologie, MEW 3, 523|origina teksto = }}

=== Die heilige Familie ===
{{Citaĵo|teksto ='''Ideoj povas entute nenion realigi. Por realigi la ideojn necesas la homoj kiuj disponigas praktikan forton.'''|aŭtoro = |verko =Die heilige Familie, MEW 2, 126|origina teksto = }}

{{Citaĵo|teksto =La moralo estas la senpoveco en ago. Ĉiufoje kiam ĝi kontraŭbatalas malvirton, ĝi malvenkas.|aŭtoro = |verko =Die heilige Familie, MEW 2, 213|origina teksto = }}

=== Kontribuo al kritiko de politika ekonomiko [1859] ===
{{Citaĵo|teksto =Ju malpli da tempo la socio bezonas por produkti tritikon, brutaron ktp, des pli da tempo ĝi gajnas por alia produktado, materia aŭ spirita. Kiel ĉe unuopa individuo, la tutflankeco de ĝia evoluo, de ĝia ĝuado kaj de ĝia agado dependas de tempoŝparo. […] Ekonomio de tempo, en tiu solviĝas fine ĉia ekonomio.|aŭtoro = |verko = [[Kontribuo al kritiko de politika ekonomiko]] [1859]|origina teksto = }}

{{Citaĵo|teksto =Milito kompreniĝas per si mem, ĉar ekonomie ĝi estas senpere tia, kvazaŭ nacio ĵetus parton de sia kapitalo en la akvon.|aŭtoro = |verko = [[Kontribuo al kritiko de politika ekonomiko]] [1859]|origina teksto = }}

{{Citaĵo
|teksto = Ne [[konscio]] de la [[homo]]j determinas ilian [[ekzistado]]n, sed inverse, ilia socia ekzistado determinas ilian konscion.
|aŭtoro=  [[Karolo Markso]]
|verko= [[Kontribuo al kritiko de politika ekonomiko]] [1859]
|origina teksto = 
}}

{{Citaĵo
|teksto = Eĉ ne unu socia formacio pereas antaŭ ol evoluis ĉiuj [[produktivaj fortoj]] por kiuj ĝi donas sufiĉe da spaco, kaj novaj, pli altaj produktivaj fortoj neniam aperas antaŭ ol maturiĝos materialaj kondiĉoj de ilia [[ekzistado]] ene de la malnova [[socio]] mem. Pro tio la [[homaro]] ĉiam starigas antaŭ si nur la taskojn, kiujn ĝi povas solvi, ĉar ĉe skrupula esplorado ĉiam evidentiĝas ke la tasko mem aperas nur kiam materialaj kondiĉoj por ĝia solvo jam haveblas aŭ almenaŭ kreiĝas.
|aŭtoro=  [[Karolo Markso]]
|verko= [[Kontribuo al kritiko de politika ekonomiko]] [1859]
|origina teksto = 
}}

=== Klassenkämpfe in Frankreich ===
{{Citaĵo|teksto =La rajto je laboro estas en la burĝa senco kontraŭdiro, mizera, vana deziro.|aŭtoro = |verko =Klassenkämpfe in Frankreich, MEW 7, 42|origina teksto = }}

{{Citaĵo|teksto =Nova revolucio eblas nur en la sekvo de nova krizo. Sed ĝi estas ankaŭ same certa kiel tiu.|aŭtoro = |verko =Klassenkämpfe in Frankreich, MEW 7, 98|origina teksto = }}

=== Kritiko de la Hegela Jurfilozofio [1843] ===

{{Citaĵo
|teksto = Religia [[mizero]] estas samtempe esprimo de la vera mizero kaj [[protesto]] kontraŭ tiu ĉi vera mizero. Religio estas suspiro de la subpremita estaĵo, [[koro]] de la senkora [[mondo]], same kiel ĝi estas [[animo]]  de senanimaj [[ordo]]j. Religio estas [[opio]] de la [[popolo]]. Nuligo de la religio kiel iluzia [[feliĉo]] de la popolo estas [[postulo]] de ĝia efektiva feliĉo. Postulo de [[rezigno]] je iluzioj pri sia stato estas postulo de la rezigno je tia stato, kiu necesigas la iluziojn. Sekve la [[kritiko]] de la religio estas burĝono de la kritiko de tiu azilo de [[ploro]] kies sankta aŭreolo estas la religio.
|aŭtoro=  [[Karolo Markso]]
|verko= [[Kritiko de la Hegela Jurfilozofio]] [1843]
|origina teksto = 
}}

{{Citaĵo|teksto =La kritiko de la religio finiĝas per la instruo ke la homo estas la plej alta estulo por la homo, do per la kategoria imperativo faligi ĉiajn kondiĉojn en kiuj la homo estas humiligata, forlasita, malestiminda estaĵo.|aŭtoro = |verko = [[Kritiko de la Hegela Jurfilozofio]], MEW 1, 385|origina teksto = }}

=== Kritiko de la Gotaa Programo ===
{{Citaĵo|teksto =La impostoj estas la ekonomia bazo de la registara maŝino kaj nenio alia.|aŭtoro = |verko =Kritiko de la Gotaa Programo, p. 38|origina teksto = }}

{{Citaĵo|teksto =Ĉiu devas povi kontentigi sian religian kiel sian korpan neceson, sen ke la polico enŝovu sian nazon.|aŭtoro = |verko =Kritiko de la Gotaa Programo, p. 39|origina teksto = }}

=== La Kapitalo [1867, 1885, 1894] ===
:<small>''La kapitalo. Volumo I'' (1867) de Karl  Marx elgermanigita de Vilhelmo Lutermano</small>
{{Citaĵo|teksto = Ĉiu [[komenco]] estas malfacila, tio validas en ĉiuj [[scienco]]j. |aŭtoro = |verko = |origina teksto =}}
<!--{{Citaĵo|teksto = La plej [[Perforto|perfortaj]], malbonaj kaj malignaj [[pasio]]j de la homa [[brusto]], la furioj de privata [[intereso]]. |aŭtoro = |verko = |origina teksto =}}-->
{{Citaĵo|teksto =Al la plendo pri korpa kaj spirita kripligo, antaŭtempa morto, torturo de trolaboro, ĝi respondas: Ĉu tiu turmento nin turmentu, ĉar ĝi pliigas nian plezuron (la profiton)?|aŭtoro = |verko =La kapitalo, ĉap. 1-9, p. 311, 312|origina teksto = }}

{{Citaĵo|teksto =Ĉe la analizado de la ekonomiaj formoj krome ne povas servi mikroskopo nek ĥemiaj reakciiloj. La abstraktiga forto devas anstataŭi ambaŭ.|aŭtoro = |verko =La kapitalo, ĉap. 1-9, p. 15|origina teksto = }}

{{Citaĵo|teksto =La giganta, intermita etendeblo de la fabriksistemo kaj ĝia dependeco de la mondmerkato produktas nepre febran produktadon kaj postsekvan troplenigon de la merkatoj, kun kies kuntiriĝo okazas paralizo. La vivo de la industrio transformiĝas en sinsekvon de periodoj de meza vigleco, prospero, superproduktado, krizo kaj stagnado.|aŭtoro = |verko =La kapitalo, ĉap. 10-13, p. 177, 178|origina teksto = }}

{{Citaĵo|teksto = La irlanda [[malsato]] de 1846 [[Mortigo|mortigis]] pli ol 1 000 000 homojn, sed ĝi mortigis nur kompatindajn [[diablo]]jn. Al la [[riĉeco]] de la lando ĝi ne faris la plej etan [[damaĝo]]n. |aŭtoro = |verko = |origina teksto =}}

{{Citaĵo|teksto = ... la [[laboristo]] ne estas [[kapitalisto]], kvankam li alportas varon al [[merkato]], nome sian propran [[haŭto]]n. |aŭtoro = |verko = |origina teksto =}}

{{Citaĵo|teksto =La kapitalo estas mortinta laboro, kiu nur vampire reviviĝas per ensuĉado de viva laboro, kaj vivas des pli, ju pli da ĝi ĝi ensuĉas.|aŭtoro = |verko =La kapitalo, ĉap. 1-9, p. 269|origina teksto = }}

{{Citaĵo|teksto = La religia [[mondo]] estas nur la respegulo de la [[Realo|reala]] mondo. |aŭtoro = |verko = |origina teksto =}}

{{Citaĵo|teksto =Nur la formo en kiu oni deprenas tiun plusvaloron de la rekta produktanto, la laboristo, distingas la ekonomiajn soci-ordojn, ekz-e la socion de sklavismo disde tiu de la dunglaboro.|aŭtoro = |verko =La kapitalo, ĉap. 1-9, p. 251|origina teksto = }}

{{Citaĵo|teksto =Produktado de plusvaloro aŭ plusfarado estas la absoluta leĝo de tiu produktadmaniero [de kapitalismo].|aŭtoro = |verko =Das Kapital, MEW 23, 647|origina teksto = }}

{{Citaĵo|teksto =La akumulado de riĉaĵo ĉe unu poluso estas do samtempe akumulado de mizero, laborturmento, sklaveco, nesciado, brutaliĝo kaj morala difektiĝo ĉe la kontraŭa poluso, do ĉe tiu klaso kiu produktas sian propran produkton kiel kapitalon.|aŭtoro = |verko =Das Kapital, MEW 23, 674-675|origina teksto = }}

{{Citaĵo|teksto =La perforto estas la akuŝisto de ĉia malnova socio kiu gravedas je nova.|aŭtoro = |verko =Das Kapital, MEW 23, 779|origina teksto = }}

{{Citaĵo|teksto =La sola parto de la tiel nomata nacia riĉaĵo, kiu reale eniras en la tutan posedon de la modernaj popoloj, estas ‒ ilia ŝtatŝuldo.|aŭtoro = |verko =Das Kapital, MEW 23, 782|origina teksto = }}

{{Citaĵo|teksto =Kun konvena profito la kapitalo fariĝas aŭdaca. Dek elcento sekuraj, kaj eblas apliki ĝin ĉie; 20 elcento, ĝi vigliĝas; 50 elcento, pozitive aŭdaca; por 100 elcento ĝi stamfas ĉiajn homajn leĝojn sub sian piedon; 300 elcento, kaj ne ekzistas krimo kiun ĝi ne riskus, eĉ riske de pendumilo.|aŭtoro = |verko =Das Kapital, MEW 23, 801|origina teksto = }}

{{Citaĵo|teksto =Kiel la sovaĝulo devas lukti kun la naturo por kontentigi siajn bezonojn, por konservi kaj reprodukti sian vivon, tiel devas tion la civilizito, kaj li devas tion en ĉiuj sociaj formacioj kaj sub ĉiuj eblaj produktadmanieroj.|aŭtoro = |verko =Das Kapital, MEW 25, 828|origina teksto = }}

{{Citaĵo
|teksto = En [[manufakturo]] kaj [[metio]] [[laboristo]] igas la [[ilo]]n servi al si, en [[fabriko]] li servas al [[maŝino]]. Tie movado de la laborilo venas de li, ĉi tie li devas sekvi movojn de la laborilo. En manufakturo laboristoj estas membroj de unu viva [[mekanismo]]. En fabriko morta mekanismo ekzistas sendepende de ili kaj ili estas aligitaj al ĝi kiel vivaj aldonaĵoj.
|aŭtoro=  [[Karolo Markso]]
|verko= [[La Kapitalo]]
|origina teksto = 
}}

{{Citaĵo
|teksto = [[Kapitalo]] estas morta [[laboro]], kiu kvazaŭ [[vampiro]] reviviĝas nur kiam ĝi ensuĉas vivan [[laboro]]n kaj ĝi vivas ju pli bone ol pli da viva laboro ĝi konsumas.
|aŭtoro=  [[Karolo Markso]]
|verko= [[La Kapitalo]]
|origina teksto = 
}}

{{Citaĵo
|teksto = [[Perforto]] estas akuŝigisto de ĉiu malnova [[socio]] kiam ĝi estas graveda je la nova.
|aŭtoro=  [[Karolo Markso]]
|verko= [[La Kapitalo]]
|origina teksto = 
}}

=== La mizero de la filozofio ===
{{Citaĵo|teksto =El la manmuelilo rezultas socio kun feŭdaj sinjoroj, el la vapormuelilo rezultas socio kun industriaj kapitalistoj.|aŭtoro = |verko =La mizero de la filozofio, p. 122|origina teksto = }}

{{Citaĵo|teksto ='''[La homoj estas] samtempe aŭtoroj kaj aktoroj de sia propra dramo.'''|aŭtoro = |verko =La mizero de la filozofio, p. 128|origina teksto = }}

=== Manifesto de la Komunista Partio [1848] ===
[[Dosiero:Communist-manifesto.png|eta|dekstra|La moderna ŝtatpotenco estas nur komitato, kiu mastrumas la komunajn aferojn de la tuta burĝaro.]]
{{Ĉefartikolo|Manifesto de la Komunista Partio}}

{{Citaĵo|teksto =Sed ĉia klasbatalo estas politika batalo.|aŭtoro = |verko =Manifesto de la Komunista Partio, (MEW 4)|origina teksto = }}

{{Citaĵo|teksto =La komunisma revolucio estas la plej radikala rompo kun la hereditaj proprietrilatoj; estas nature ke en sia evoluo ĝi rompas plej radikale kun la hereditaj ideoj.|aŭtoro = |verko =Manifesto de la Komunista Partio, (MEW 4)|origina teksto = }}

{{Citaĵo|teksto ='''La moderna ŝtatpotenco estas nur komitato, kiu mastrumas la komunajn aferojn de la tuta burĝaro.'''|aŭtoro = |verko =Manifesto de la Komunista Partio, (MEW 4, 464)|origina teksto = }}

{{Citaĵo|teksto =Kvankam ne laŭ la enhavo, sed ja laŭ la formo, la batalo de la proletaro kontraŭ la burĝaro estas unue nacia. La proletaro de ĉiu lando devas kompreneble unue venki sian propran burĝaron.|aŭtoro = |verko =Manifesto de la Komunista Partio, (MEW 4, 473)|origina teksto = }}

{{Citaĵo|teksto ='''Kio distingas la komunismon, tio ne estas la forigo de la proprieto entute, sed la forigo de la burĝa proprieto.'''|aŭtoro = |verko =Manifesto de la Komunista Partio, (MEW 4, 475)|origina teksto = }}

{{Citaĵo|teksto =Per unu vorto, la komunistoj subtenas ĉie ĉian revolucian movadon kontraŭ la ekzistantaj sociaj kaj politikaj kondiĉoj.|aŭtoro = |verko =Manifesto de la Komunista Partio, (MEW 4, 492)|origina teksto = }}

{{Citaĵo|teksto ='''La dominantaj ideoj de iu epoko estis ĉiam nur la ideoj de la dominanta klaso.'''|aŭtoro = |verko =Manifesto de la Komunista Partio, (MEW Bd 4, 459)|origina teksto = }}

{{Citaĵo|teksto ='''La komunismo prenas al neniu la povon alproprigi al si sociajn produktojn, ĝi prenas nur la povon per tiu alproprigo subjugi al si fremdan laboron.'''|aŭtoro = |verko =Manifesto de la Komunista Partio, MEW 4, 477|origina teksto = }}

{{Citaĵo|teksto ='''La historio de la tuta ĝisnuna socio estas la historio de klasbataloj.'''

Liberulo kaj sklavo, patricio kaj plebano, barono kaj servutulo, gildano kaj submajstro, unuvorte, subpremantoj kaj subprematoj, staris unu kontraŭ la alia en daŭra opozicio, havis seninterrompan batalon, foje kaŝe ‒ foje malkaŝe, batalon, kiu ĉiufoje finiĝis per revolucia transformo de la tuta socio aŭ per komuna pereo de la batalintaj klasoj.|aŭtoro = |verko =Manifesto de la Komunista Partio, p. 35-36|origina teksto = }}

{{Citaĵo|teksto =Sed la burĝaro ne nur forĝis la armilojn, kiuj portos al ĝi la morton; ĝi ankaŭ generis la homojn, kiuj uzos tiujn armilojn - la modernajn laboristojn, la proletojn.|aŭtoro = |verko =Manifesto de la Komunista Partio, p. 42-43|origina teksto = }}

{{Citaĵo|teksto =Vi teruriĝas, ke ni volas forigi la privatan proprietaĵon. Sed en via ekzistanta socio la privata proprietaĵo estas forigita por naŭ dekono de la membroj, ĝi ĝuste tial ekzistas, ĉar por naŭ dekonoj ĝi ne ekzistas. Vi do riproĉas al ni, ke ni volas forigi proprietaĵon por kies ekzisto la necesa kondiĉo estas la neekzisto de iu ajn proprietaĵo por la grandega majoritato de la socio.

Unuvorte, vi riproĉas al ni, ke ni volas forigi vian proprietaĵon.

Ĝuste tiel, tion ni volas.|aŭtoro = |verko =Manifesto de la Komunista Partio, p. 55|origina teksto = }}

{{Citaĵo|teksto =La burĝo vidas en sia edzino nuran produktado-instrumenton. Li aŭdas, ke la produktado-instrumentoj estu komune ekspluatataj, kaj kompreneble li nur povas veni al la konkludo, ke la sorto de la komuna sociigo same trafos la virinojn.

Li ne suspektas, ke ĝuste necesas forigi la pozicion de la virinoj kiel nuraj produktado-instrumentoj.|aŭtoro = |verko =Manifesto de la Komunista Partio, p. 58|origina teksto = }}

{{Citaĵo|teksto =La komunistoj malŝatas kaŝi siajn konceptojn kaj intencojn. Ili malkaŝe deklaras, ke iliaj celoj povas esti atingitaj nur per perforta renverso de ĉiu ĝisnuna sociordo. Timtremu la regantaj klasoj pro komunista revolucio. '''La proletoj per ĝi povas perdi nenion, krom siajn ĉenojn. Ili povas gajni mondon.'''

'''Proletoj de ĉiuj landoj, unuiĝu!'''|aŭtoro = |verko =Manifesto de la Komunista Partio, p. 78|origina teksto = }}

{{Citaĵo
|teksto = Do en la burĝa [[socio]] [[pasinteco]] dominas la [[nuntempo]]n, en la komunista socio la nuntempo dominas la pasintecon. En la burĝa socio [[kapitalo]] havas [[sendependeco]]n kaj individuecon, dum la laboranta [[individuo]] estas senigita je memstareco kaj senpersonigita.
|aŭtoro=  [[Karolo Markso]], [[Friedrich Engels]]
|verko= [[Manifesto de la Komunista Partio]] [1848]
|origina teksto = 
}}

=== Zirkularbrief an die SPD-Führung ===
{{Citaĵo|teksto =Anstataŭ decida politika opozicio - ĝenerala perado; anstataŭ batalo kontraŭ registaro kaj burĝaro - la provo gajni kaj persvadi ĝin; anstataŭ obstina rezistado kontraŭ desupraj ekscesoj - humila submetiĝo kaj la koncedo ke oni meritas la punon.|aŭtoro = |verko =Zirkularbrief an die SPD-Führung 1879, MEW 19, 162-165|origina teksto = }}

{{Citaĵo|teksto =Ĉe la fondo de la Internacio ni eksplicite formulis la bataldevizon: La liberigo de la laborista klaso devas esti la faro de la laborista klaso mem. Ni do ne povas kuniri en la sama partio kun homoj, kiuj malkaŝe eldiras ke la laboristoj estas tro malkleraj por liberigi sin mem kaj devas esti liberigotaj nur desupre.|aŭtoro = |verko =Zirkularbrief an die SPD-Führung, MEW 19, 162|origina teksto = }}

=== Zur Kritik der Hegelschan Rechtsphilosophie ===
{{Citaĵo|teksto =Estas do la tasko de la historio, post kiam malaperis la transmondeco de la vero, starigi la veron de la ĉi-mondeco.|aŭtoro = |verko =Zur Kritik der Hegelschan Rechtsphilosophie, Einleitung, MEW 1, 378|origina teksto = }}

{{Citaĵo|teksto =La armilo de kritiko tamen ne povas anstataŭi la kritikon de la armiloj, la materia potenco estas faligenda per materia potenco, sed ankaŭ la teorio fariĝas materia potenco, ekde kiam ĝi kaptas la amasojn.|aŭtoro = |verko =Zur Kritik der hegelschen Rechtsphilosophie, MEW 1|origina teksto = }}

{{Citaĵo|teksto =Ne estas la konscio de la homoj kiu determinas ilian eston, sed inverse, ilia socia esto kiu determinas ilian konscion.|aŭtoro = |verko =Zur Kritik der politischen Ökonomie, MEW 42|origina teksto = }}

{{Citaĵo|teksto =Tiu ĉi skizo pri la evoluo de miaj studaĵoj en la fako de politika ekonomio havas nur la taskon pruvi, ke miaj opinioj, kiel ajn oni prijuĝas ilin kaj kiom ajn malmulte ili kongruas kun la interesitaj antaŭjuĝoj de la regantaj klasoj, estas la rezulto de skrupula kaj longjara esplorado. Sed ĉe la enirejo de la scienco, kiel ĉe la enirejo de la infero, staru nepre la postulo:

''Qui si convien lasciare ogni sospetto''

''Ogni viltà convien che qui sia morta.''

[„Ĉi tie nepras forlasi ĉian suspekton, Kaj ĉia malkuraĝo devas morti.” Danto, „Dia Komedio”]|aŭtoro = |verko =Zur Kritik der politischen Ökonomie, Vorwort, MEW 13, 11|origina teksto = }}

=== Aliaj verkoj ===

{{Citaĵo
|teksto = Ĉiuj [[revolucio]]j ĝis nun pruvis nur unu aferon, nome, ke multaj aferoj povas esti ŝanĝitaj, sed ne la [[homo]].
|aŭtoro = 
|verko = 
|origina teksto = Alle Revolutionen haben bisher nur eines bewiesen, nämlich, dass sich vieles ändern lässt, bloß nicht die Menschen.
}}

{{Citaĵo
|teksto = La [[religio]] estas la [[opio]] de la [[popolo]], la [[koro]] de [[mondo]] sen koro.
|aŭtoro = 
|verko = 
|origina teksto = 
}}

{{Citaĵo|teksto=[[Homo]] devus esti, kio li [[Povo|povus]] esti.<ref>Laŭ cito en Aforismoj greneroj de saĝeco de Eduard V. Tvarozek</ref>|aŭtoro=|verko=|origina teksto=}}

{{Citaĵo|teksto = [[Revolucio]]j estas la lokomotivoj de la [[historio]].
|aŭtoro = |verko = La Klasaj Luktoj en Francio, 1848 ĝis 1850 (1850) |origina teksto =}}

{{Citaĵo|teksto = Ĉiuj, kiuj scias ion ajn pri [[historio]] ankaŭ scias ke grandaj sociaj revolucioj estas neeblaj sen la [[Virino|virina]] fermento. Socia [[progreso]] povas esti mezurata ĝuste per la [[Socio|socia]] pozicio de la bela sekso (simplaj inkluzivitaj).
|aŭtoro = |verko = Letero al Ludwig Kugelmann (12 decembron 1868) |origina teksto =}}

{{Citaĵo|teksto = Ĉiu [[paŝo]] de vera [[movado]] pli gravas ol deko da programoj.
|aŭtoro = |verko = Letero al W. Bracke (5 majo 1875) |origina teksto =}}

{{Citaĵo|teksto = Se io estas certa, estas ke mi mem ne estas marksisto.<ref>Pri la aparta marksismo ekestinta en Francio 1882</ref>|aŭtoro = |verko = |origina teksto =}}

{{Citaĵo|teksto = Prometeo estas la plej eminenta [[sanktulo]] kaj martiro en la filozofia [[kalendaro]].
|aŭtoro = |verko = |origina teksto =Prometheus ist der vornehmste Heilige und Märtyrer im philosophischen Kalender. }}

{{Citaĵo|teksto = La [[fundamento]] de nereligia [[kritiko]] estas: Homo faras religion, religio ne faras homon. |aŭtoro = |verko = |origina teksto =}}

{{Citaĵo|teksto = Feuerbach estas la sola, kiu havas seriozan, kritikan sintenon al la [[Hegelo|hegela]] dialektiko kaj kiu faris aŭtentikajn malkovrojn en ĉi tiu [[kampo]]. Li fakte estas la vera konkeranto de la malnova [[filozofio]]. |aŭtoro = |verko = |origina teksto =}}
<!--{{Citaĵo|teksto = [[Komunismo]] estas por ni ne staronta afero, [[idealo]] al kiu la [[realo]] [devas] adapti sin. Ni nomas komunismon la vera [[movado]], kiu abolicias la nunan staton de aferoj. La [[kondiĉo]]j de ĉi tiu movado rezultas de la premisoj nun ekzistantaj. |aŭtoro = |verko = |origina teksto =}}-->

{{Citaĵo|teksto = Fakte ne la [[konscio]] regas la [[vivo]]n, sed la vivo mem regas la konscion.
|aŭtoro = |verko = |origina teksto =Nicht das Bewußtsein bestimmt das Leben, sondern das Leben bestimmt das Bewußtsein. }}

{{Citaĵo|teksto = [[Lingvo]], same kiel konscio, estiĝas nur de la [[bezono]], la [[neceso]] de interrilato kun aliaj homoj.
|aŭtoro = |verko = |origina teksto =Sprache entsteht, wie das Bewußtsein, erst aus dem Bedürfnis, der Notdurft des Verkehrs mit anderen Menschen. }}

{{Citaĵo|teksto = Viroj faras sian propran [[historio]]n, sed ili ne faras ĝin laŭplaĉe; ili ne faras ĝin en mem-elektitaj [[cirkonstanco]]j, sed en cirkonstancoj jam ekzistantaj, donitaj kaj transdonitaj de la [[pasinteco]]. |aŭtoro = |verko = |origina teksto =}}

{{Citaĵo|teksto = Tiel same, la komencanto, kiu lernis novan [[lingvo]]n, ĉiam [[Tradukado|tradukas]] ĝin reen al sia [[gepatra lingvo]], sed li asimilas la [[spirito]]n de la nova lingvo kaj esprimas sin libere en ĝi nur kiam li moviĝas en ĝi sen [[Memoro|memori]] la malnovan kaj kiam li [[Forgeso|forgesas]] sia denaska lingvo. |aŭtoro = |verko = |origina teksto =}}

{{Citaĵo|teksto = La [[ideo]]j ne ekzistas aparte de la [[lingvo]].
|aŭtoro = |verko = |origina teksto =Die Ideen existieren nicht getrennt von der Sprache. }}

{{Citaĵo|teksto = Ĉar [[laboro]] estas moviĝo, [[tempo]] estas ĝia natura [[mezuro]]. |aŭtoro = |verko = |origina teksto =}}

{{Citaĵo|teksto = [[Lukso]] estas la malo de nature [[Neceseco|necesa]]. |aŭtoro = |verko = |origina teksto =}}

{{Citaĵo
|teksto = Ju pli mizera estas via [[ekzistado]], ju malpli vi manifestas vian [[vivo]]n, des pli granda estas via havaĵo, des pli granda estas via [[Fremdiĝo|fremdigita]] [[vivo]], des pli multe vi akumulas vian fremdigitan esencon.
|aŭtoro=  [[Karolo Markso]], [[Frederiko Engelso]]
|verko= Historisch-kritische Ausgabe
|origina teksto = 
}}

{{Citaĵo
|teksto = [[Politika ekonomiko]], malgraŭ sia laika kaj sentema aspekto, estas efektive morala [[scienco]], la plej morala el la sciencoj. Ĝia ĉefa tezo estas [[abnegacio]], [[rezigno]] je la [[vivo]] kaj je la homaj [[bezono]]j.
|aŭtoro=  [[Karolo Markso]]
|verko= 
|origina teksto = 
}}

{{Citaĵo
|teksto = Se vi vere interesiĝas pri [[religio]], legu la [[profeto]]jn anstataŭ aŭskulti banalaĵojn.
|aŭtoro=  [[Karolo Markso]]
|verko= al sia edzino, frekventinta lekciojn de liberala edifanto
|origina teksto = 
}}


{{Disputataj komenco}}

== Disputataj ==
{{Citaĵo|teksto = [[Demokratio]] estas la vojo al [[socialismo]].
* Atribuita al Marx en la lastaj jaroj, inkluzive en ''Communism'' (2007) de Tom Lansford, p. 48, sed la plej frua apero de ĉi tiu ankoraŭ trovita estas en ''The Communist Review'' (1952) de la Brita Komunima Partio, p. 15. |aŭtoro = |verko = |origina teksto =}}
{{Disputataj fino}}

{{Misatribuitaj komenco}}
== Misatribuitaj ==
{{Citaĵo|teksto = La [[Subpremo|subprematoj]] rajtas decidi, kiuj apartaj reprezentantoj de la subprema [[klaso]] reprezentu kaj subpremu ilin en la [[parlamento]] unufoje ĉiujn kelkajn [[jaro]]jn.
* Fakte de Ŝtato kaj Revolucio de Vladimir Lenin, parafrazante Marx en La Civila Milito en Francio. |aŭtoro = |verko = |origina teksto =}}

{{Citaĵo|teksto = Ni [[Pendigito|pendigos]] la kapitalistojn per la [[ŝnuro]], kiun ili [[Vendo|vendas]] al ni.
* Ofte atribuita al Lenin aŭ [[Stalin]], malpli ofte al Marx. La frazo devenas el onidiro ke [[Lenin]] diris tion al unu el siaj proksimaj kunlaborantoj Grigori Zinoviev, post kunveno de la politburoo en la fruaj 1920-aj jaroj, sed ekzistas neniuj pruvoj ke li iam diris tion. |aŭtoro = |verko = |origina teksto =}}

{{Citaĵo|teksto = Ĉirkaŭigu vin per homoj, kiuj [[Feliĉo|feliĉigas]] vin. Homoj, kiuj [[Rido|ridigas]] vin, kiuj helpas vin kiam vi [[Bezono|bezonas]]. Homoj, kiuj vere zorgas. Ili estas konservindaj en via vivo.
* Atribuite al Karl Marx, samnoma komponisto. |aŭtoro = |verko = |origina teksto =}}

{{Citaĵo|teksto = Viro kaptu [[fiŝo]]n kaj vi povos vendi ĝin al li. [[Instruado|Instruu]] homon fiŝkapti kaj vi ruinigos mirindan [[Komerco|komercan]] ŝancon.
* Atribuite al Marx (eble kiel ŝerco) en ''W. C. Privy's Original Bathroom Companion'' (2003) |aŭtoro = |verko = |origina teksto =}}
{{Misatribuitaj fino}}

== Pri la aŭtoro ==
[[Dosiero:Che Guevara - Guerrillero Heroico by Alberto Korda.jpg|eta|dekstra| La merito de Marx estas ke li subite produktas kvalitan ŝanĝon en la historio de socia penso… li esprimas revolucian koncepton: la mondo ne nur devas esti interpretata, ĝi devas esti transformita. ~ [[Che Guevara]] ]]
{{Citaĵo|teksto = Multe, se ne ĉio, kion ni scias pri la kompleksa mekanismo respondeca pri la disvolviĝo (kaj stagnado) de produktivaj fortoj kaj pri la pliiĝo kaj kadukiĝo de sociaj [[organizo]]j, estas [[rezulto]] de la analiza [[laboro]] entreprenita de Marx kaj de tiuj, kiujn li inspiris.
|aŭtoro = Paul A. Baran|verko = |origina teksto =}}

{{Citaĵo|teksto = Mi vidas Marx, kiu estis maljuna judo, kiel la lasta el la [[Malnova Testamento|Malnovaj Testamentaj]] Profetoj, ĉi tiu maljuna barbulo laboranta en la Brita Biblioteko, studanta [[kapitalismo]]n, pri tio temis ''Das Kapital'', ĝi estis [[klarigo]] de brita kapitalismo. Kaj mi pensis interne, 'Nu, iu ajn povus verki tian [[libro]]n, sed tio, kio eliras el lia [[verkado]], estas [[Pasio|pasia]] malamikeco al la [[maljusteco]] de kapitalismo. Li estis [[profeto]], do mi metis lin en tiun kategorion kiel malnovtestamenta profeto.
|aŭtoro = [[Tony Benn]] |verko = en intervjuo kun John Cleary (23-an de februaro 2003). |origina teksto =}}

{{Citaĵo|teksto = [[Marksismo]] jam estas spirita (ne religia) [[instruado]] celanta la plibonigon de la [[socio]]. Tio ne signifas ke ĝi estas perfekta plano por vere spirita socio... Oni ne forgesu ke Marx estis (kaj kompreneble estas) disĉiplo de la [[Jesuo Kristo|Majstro Jesuo]], kiu inspiris lin.
|aŭtoro = Benjamin Creme|verko = |origina teksto =}}

{{Citaĵo|teksto = '''Marx estis [[Astronomio|astronomo]] de la [[historio]], ne astrologo.'''
|aŭtoro = Meghnad Desai|verko = |origina teksto =}}

{{Citaĵo|teksto = Sed malgraŭ la mankoj de lia analizo, Marx levis iujn bazajn [[demando]]jn. Mi estis profunde maltrankviligita dum miaj fruaj adoleskaj tagoj pri la [[abismo]] inter superflua [[riĉeco]] kaj [[Mizero|mizera]] [[malriĉeco]] kaj mia legado de Marx igis min ĉiam pli konscia pri ĉi tiu abismo. 
|aŭtoro = [[Martin Luther King]] |verko = |origina teksto =}}

{{Citaĵo|teksto = Mi ne kompetentas [[Prijuĝo|prijuĝi]]. Sed sendube li estis [[Bono|bonega]] homo.
|aŭtoro = [[Paul Erdős]]<ref>Responde al demando de agento de la Usona Enmigrada kaj Naturiga Servo en 1954 pri tio, kion li pensis pri Marx (dum Makartiismo)</ref> |verko = |origina teksto =}}

{{Citaĵo|teksto = La [[merito]] de Marx estas ke li subite produktas kvalitan [[ŝanĝo]]n en la [[historio]] de socia [[penso]]. Li interpretas historion, [[Kompreno|komprenas]] ĝian dinamikon, antaŭdiras la [[estonteco]]n, sed krom antaŭdiri ĝin (kio kontentigus lian [[Scienco|sciencan]] devon), li esprimas [[Revolucio|revolucian]] koncepton: la mondo ne nur devas esti interpretata, ĝi devas esti transformita. La homo ĉesas esti la [[sklavo]] kaj ilo de sia ĉirkaŭaĵo kaj konvertas sin en la arkitekton de sia propra [[destino]].
|aŭtoro = [[Che Guevara]] |verko = |origina teksto =}}

{{Citaĵo|teksto = Marx estis tre [[Konscio|konscia]] pri la [[kapablo]] de kapitalismo novkrei kaj adaptiĝi. Sed li ankaŭ sciis ke kapitalisma ekspansio ne estas eterne daŭrigebla. Kaj dum ni atestas la disvolviĝon de kapitalismo kaj la disrompiĝon de [[tutmondismo]], Karl Marx estas pravigita kiel la plej prudenta kaj grava [[Kritiko|kritikisto]] de kapitalismo.
|aŭtoro = Chris Hedges|verko = |origina teksto =}}

{{Citaĵo|teksto = [[Dio]] mortis. Marx mortis. Kaj mi mem ne [[Farto|fartas]] tiel bone.
|aŭtoro = [[Eugène Ionesco]] |verko = |origina teksto =}}

{{Citaĵo|teksto = Mi renkontis Marx, [[Lenin]], [[Lev Trockij|Trotskij]], [[Friedrich Engels|Engels]] kaj [[Mao Zedong|Mao]] kiam mi eniris [[malliberejo]]n kaj ili [[Libereco|liberigis]] min.
|aŭtoro = George Jackson (1994) |verko = |origina teksto =}}

{{Citaĵo|teksto = '''Funde, la ĉefa [[pasio]] per kiu li estis kortuŝita estis la pasio por [[justeco]]. Li eble [[Malamo|malamis]] tro forte, li estis [[Ĵaluzo|ĵaluza]] kaj li [[Fiero|fieris]]. Sed la ĉefa fonto de lia vivo estis la [[deziro]] preni de la [[ŝultro]]j de la homoj la [[ŝarĝo]]n, per kiu ili estis [[Subpremo|subpremitaj]].''' 
|aŭtoro = Harold Laski|verko = |origina teksto =}}

{{Citaĵo|teksto = Tentas kompari [[Platono]]n kun Markso; efektive, mi tion faris. Kiel Platono, Marx antaŭĝojis pri [[estonteco]], en kiu la [[ŝtato]], [[leĝo]], [[Devo|devigo]] kaj [[konkurenco]] por [[potenco]] malaperis kaj [[politiko]] anstataŭiĝis per racia [[organizo]]. Sed ni ne devas premi la [[komparo]]n.
|aŭtoro = Alan Ryan|verko = |origina teksto =}}

{{Citaĵo|teksto = '''Karl Marx, viziulo, malkovris ke vi povas regi [[sklavo]]n multe pli bone, [[Konvinko|konvinkante]] lin ke li estas dungito.'''
|aŭtoro = Nassim Nicholas Taleb (2010) |verko = |origina teksto =}}

{{Citaĵo
|teksto = Eĉ la bolŝevismo, kies [[radikalismo]] estis ekstrema, balzamis [[Lenino]]n kaj el Karolo Markso faris la Savinton. La [[idealo]] de [[individuo]] estas la neelradikigebla bezono de la homa [[animo]], kiu protektas ĝin kun [[fanatikeco]] kies grandeco kreskas kun ĝia malgracio.
|aŭtoro = [[Carl Gustav Jung]]
|verko = Evoluo de la individuo
|origina teksto = 
}}

{{Citaĵo
|teksto = ...[[socialismo]] de Markso kaj [[bolŝevismo]] estas du [[Historio|historiaj]] fenomenoj, kiuj apenaŭ havas komunajn tuŝpunktojn.
|aŭtoro = [[José Ortega y Gasset]]
|verko = La ribelo de la amasoj (1930) 
|origina teksto = 
}}

{{Citaĵo
|teksto = Sendube se la [[kapitalo]] evoluus laŭe al sia kontraŭdira [[logiko]], ĝi estus neniigita de la [[proletaro]]. Analizo de Markso restas absolute senriproĉa. Li simple ne antaŭvidis, ke antaŭ vizaĝo de neevitebla minaco la kapitalo povos iugrade [[Politiko|transpolitikiĝi]], transiri al alia orbito — ekster la produktadajn rilatojn kaj politikajn antagonismojn, aŭtonomiĝi kiel [[Hazardo|hazarda]], cirkula kaj [[Ekstazo|ekstaza]] formo, kaj samtempe reprezenti la tutan [[mondo]]n en ĝia tuta diverseco laŭ siaj imago kaj tipo… La unua manifestiĝo de tiu ĉi mutacio iĝis sendube la [[krizo de la 1929-a jaro]]; la katastrofo de la 1987-a jaro estis nur sekva epizodo de la sama procezo.
|aŭtoro =  [[Jean Baudrillard]]
|verko = La travidebleco de malbono [1990]
|origina teksto = 
}}

=== Erich Fromm ===
{{Citaĵo
|teksto = Malgraŭ tio, ke la verkojn de Markso kaj aliaj teoretiistoj de [[socialismo]] povas legi ĉiu, plejparto de la [[homo]]j, tiom furioze reagantaj al socialismo kaj [[marksismo]], legis eĉ ne unu frazon de Markso, kaj multaj havas tre supraĵajn [[scio]]jn en tiu ĉi sfero.
|aŭtoro = [[Erich Fromm]]
|verko = La sana socio [1955]
|origina teksto = 
}}

{{Citaĵo|teksto =Riĉulo, laŭ [[Markso]], estas la [[homo]], kiu estas multo, sed ne tiu, kiu havas multon.
|aŭtoro = [[Erich Fromm]]|verko =|origina teksto = }}

{{Citaĵo
|teksto = Same kiel por la aliaj [[socialisto]]j, por Markso la ĉefan [[signifo]]n havas la [[homo]].
|aŭtoro = [[Erich Fromm]]
|verko = La sana socio [1955]
|origina teksto = 
}}

=== Eric Hoffer ===
{{Citaĵo
|teksto = En [[kariero]] de preskaŭ ĉiu, eĉ ne skrupulema “homo de la vorto” aperas momento, kiam estima aŭ paciga [[gesto]] fare de la [[potenculo]]j povas allogi lin al ilia flanko. En certan periodon de sia [[vivo]] multaj “homoj de la vorto” pretas iĝi oportunistoj kaj [[kortegano]]j. [[Jesuo]] mem eble ne edifus sian instruon se la [[fariseo]]j akceptus lin, nomus sia instruisto kaj aŭskultus kun [[estimo]]. Se [[Lutero]]n ĝustatempe oni farus [[episkopo]], tre verŝajnas ke tio malvarmigus ardon ankaŭ de Lutero kaj de la tuta [[Reformacio]]. La junan Karolon Markson verŝajne oni povus allogi al la flanko de [[Prusio]], se oni donus al li titolon kaj respondecan [[posteno]]n en la [[registaro]]; same pri [[Ferdinando Lasalo|Lasalo]], se li ricevus titolon kaj korteganan [[uniformo]]n. Sed aliflanke tuj post kiam la “homo de la vorto” formulos sian [[filozofio]]n kaj sian programon, li komencas defendi ilin pli firme kaj li mem iĝas malpli influebla de [[flatado]] kaj allogado.
|aŭtoro = [[Eric Hoffer]]
|verko = La vera kredanto [1951]
|origina teksto = 
}}

{{Citaĵo
|teksto = La liberpensemo de la [[Renesanco]] estis antaŭulo de la nova [[fanatikeco]] — [[Reformacio]] kaj de la [[Kontraŭreformacio]]. [[Francoj]] de la [[Klerisma epoko]], senmaskigantaj la [[eklezio]]n kaj la [[krono]]n, edifantaj [[racio]]n kaj [[toleremo]]n, kaŭzis eksplodon de la [[Franca revolucio|revolucia]] kaj [[Nacio|nacia]] [[fanatikeco]], ne ĉesintan ĝis nun. [Markso kaj liaj adeptoj, diskreditigintaj [[religio]]n, [[naciismo]]n, [[Komerco|komercan]] pasion, enmondigis novan fanatikecon — [[socialismo]]n, [[komunismo]]n, [[Stalin]]-naciismon kaj strebon al la monda [[regado]].
|aŭtoro = [[Eric Hoffer]]
|verko = La vera kredanto [1951]
|origina teksto = 
}}

=== John Kenneth Galbraith ===
{{Citaĵo|teksto = Marx profunde [[Influo|influis]] tiujn, kiuj ne akceptis lian [[sistemo]]n. Lia influo etendiĝis al tiuj, kiuj malplej [[Supozo|supozis]] ke ili estas submetitaj al ĝi.
|aŭtoro = [[John Kenneth Galbraith]] |verko = |origina teksto =}}

{{Citaĵo|teksto = Se ni [[Konsento|konsentas]] ke la [[Biblio]] estas verko de kolektiva aŭtoreco, nur [[Mohamedo]] rivalas kun Marx pro la nombro da konfesitaj kaj sindonemaj anoj varbitaj de unu sola aŭtoro. Kaj la konkurso ne vere estas tre proksima. La sekvantoj de Markso multe superas la filojn de la [[profeto]].
|aŭtoro = [[John Kenneth Galbraith]] |verko = |origina teksto =}}

{{Referencoj}}

== Bibliografio ==
* {{Smallcaps|Karlo Markso}}: Markso hodiaŭ Nerefuteblaj citaĵoj ĉe [https://www.marxists.org/esperanto/marx-engels/markso-citajhoj-2a.pdf marxists.org] Tradukitaj de Vilhelmo Lutermano, Eldonejo Monda Asembleo Socia (MAS) 2-a eldono 2010, ISBN 978-2-918300-29-8

* {{Smallcaps|Karl Marx}} kaj {{Smallcaps|Friedrich Engels}}: Manifesto de la komunista partio, Esperanta traduko kaj postparolo de Detlev Blanke, Progreso, Moskvo, 1990, ISBN 5-01-002341-5.

* {{Smallcaps|Karlo Markso}}: La kapitalo, Volumo I, Kritiko de la politika ekonomio, Libro I: La produktadprocezo de la kapitalo, Ĉapitroj unua ĝis naŭa, Elgermanigita de Vilhelmo Lutermano, Monda Asembleo Socia (MAS), 2009, ISBN 978-2-918300-13-7

* {{Smallcaps|Karlo Markso}}: La kapitalo, Volumo I, Kritiko de la politika ekonomio, Libro I: La produktadprocezo de la kapitalo, Ĉapitroj deka ĝis dektria, Elgermanigita de Vilhelmo Lutermano, Monda Asembleo Socia (MAS), 2010, Monda Asembleo Socia (MAS) 2010, ISBN 978-2-918300-14-4 (aperonta libroforme en aŭtuno de 2010)

* {{Smallcaps|Karlo Markso}}: Kritiko de la Gotaa Programo, kun antaŭparolo de Frederiko Engelso kaj la letero al Bracke, tradukita de Vilhelmo Lutermano, Monda Asembleo Socia (MAS), 2-a eldono, 2010, ISBN 978-2-918300-21-2.

* {{Smallcaps|Karlo Markso}}: Dunglaboro kaj kapitalo, elgermanigita de Vilhelmo Lutermano, Monda Asembleo Socia (MAS), 2009, ISBN 878-2-918300-00-7

* {{Smallcaps|Karlo Markso}}: La mizero de la filozofio, Respondo al Prudono: „La filozofio de la mizero”, Kun antaŭparoloj de Frederiko Engelso kaj de Henri Mougin; Pri J. P. Prudono, Letero al J. B. v. Schweitzer, tradukita de Vilhelmo Lutermano, Monda Asembleo Socia (MAS), 2009, ISBN 978-2-918300-08-3

* {{Smallcaps|Karlo Markso}}; {{Smallcaps|Frederiko Engelso}}: Tezoj pri Fojerbaĥo, Principoj de komunismo kaj aliaj verketoj, elgermanigitaj de Vilhelmo Lutermano, Monda Asembleo socia (MAS), 2010, ISBN 978-2-918300-17-5

== Verkoj ==
* [[Manifesto de la Komunista Partio]]

== Vidu ankaŭ ==
* [[Friedrich Engels]]
* [[Lenin]]
* [[Marksismo]]

== Aliaj projektoj ==
=== Verkoj ĉe Vikipedio ===
{{Vikipedia verko|Manifesto de la Komunista Partio||(1848)}}
{{Vikipedia verko|Karl Marx. Lia vivo kaj lia verko.||(1926)}}

== Eksteraj ligiloj ==
{{Wikipedia}}
* [https://www.marxists.org/esperanto/marx-engels Karlo Markso] ĉe  marxists.org
* [http://www.mlwerke.de/me/default.htm elŝuteblaj verkoj] de Karl Marx (germane)

{{Socia kaj politika filozofio}}
{{Havenda artikolo}}
{{DEFAŬLTORDIGO:Marx, Karl}}

[[Kategorio:Karl Marx| ]]
[[Kategorio:Aŭtoroj laŭ nomoj]]
[[Kategorio:Germanaj filozofoj]]
[[Kategorio:Ekonomikistoj]]
[[Kategorio:Komunistoj]]
[[Kategorio:Verkistoj]]
[[Kategorio:Ateistoj]]
[[Kategorio:Sociologoj]]
[[Kategorio:Historiistoj]]
[[Kategorio:Marksistoj]]
[[Kategorio:Revoluciuloj]]
[[Kategorio:Ĵurnalistoj]]
[[Kategorio:Kritikistoj]]
[[Kategorio:Judoj]]
[[Kategorio:Akademiuloj]]
[[Kategorio:Nefikciaj aŭtoroj]]
[[Kategorio:Germanoj]]
[[Kategorio:Naskiĝintoj la 5-an de majo]]
[[Kategorio:Mortintoj la 14-an de marto]]