Amikeco

• Vera amiko estas tiu, kiu eniras, kiam ĉiuj eliras.
  • Aŭtoro: Walter Winchel
• Kie sukero;tie formiko, kie sufero;tie amiko.
  • Morteza Mirbaghian
• Deziri senmankajn amikojn, tio estas deziri ami neniun.
  • Aŭtoro: Sylvestre DE SACY
• Ĉu amikeco estas ĝi aŭ amo?
  • Czy to jest przyjaźń? czy to jest kochanie? (pol.)
  • Aŭtoro: Adam MICKIEWICZ
  • Verko: "Malcerteco"
• Amikeco liberigas el timo kaj servuteco, ĝi estas saĝeco mem
  • Epikuro
• La paŝoj de amiko estas pli dolĉesonaj ol dolĉaj paroloj
  • Francis JAMMES
• Estu interspacoj en via kunligo, kaj dancu inter vi la ventoj el l’firmamento.
  • Gibran Ĥalil GIBRAN
• Ne ekzistas plezuro egale al renkontado de malnova amiko, krom eble farado de iu nova.
  • Rudyard KIPLING
• Arbo falinta ne havas radikon, homo falinta ne havas amikon.
  • Morteza Mirbaghian
• Mi aŭdis ternon. Certe estas René Rateau . . . Agrablas tiel aŭdi amikon, meze de la nokto
  • Aŭtoro: Sempé en verko: Marcellin Caillou
• Plena estas homo nur kiam li havas malfalsan amikon por lin kompreni, por kunpartigi ĉiujn la siajn pasiojn kaj ĉagrenojn kaj kunstari apud li tutdaŭre la vivon.
  • Susan Polis Schutz
• Arbon subtenas radiko, homon subtenas amiko.
  • Morteza Mirbaghian
• Se vi iras for, vi estas mia amiko, se vi restas ĉi tie, vi estas mia amiko
  • tjurka kanzono en Irano, citita far Abbas KIAROSTAMI
• La unua leĝo pri amikeco estas, ke oni devas ĝin prizorgi, la dua, ke oni estu indulga kiam la unua estas malzorgita.
  • VOLTAIRE
• Oni por koni junulon, konu lian kunulon.
  • Morteza Mirbaghian
• Oni kiel tiu estas , kun kiu ofte festas.
  • Morteza Mirbaghian

• Amiko en bezono estas vera amiko.
  • Angla proverbo: A friend in need is a friend indeed

• Se via amiko estas farita el sukero, ne forleku lin tute!
  • Araba proverbo

• Amo estas blinda, amikeco fermas la okulojn.
  • Aŭtoro: Otto von Bismarck
• Por ke amikoj ĉe vi bone fartu, fermu la buŝon,orelojn apertu.
  • Morteza Mirbaghian
• Nenie ekzistas kato, kiu ja amikas kun rato.
  • Morteza Mirbaghian
• Pli bonas amiko najbara ol la frato transmara.
  • Morteza Mirbaghian
• Kion la homoj nomis amikeco, tio estas nur asocio, reciproka flegado de interesoj kaj interŝanĝo de servoj; ĝi estas fine nur negoco, en kiu la memamo ĉiam celas gajni ion.
  • Ce que les hommes ont nommé amitié n'est qu'une société, qu'un ménagement réciproque d'intérêts, et qu'un échange de bons offices; ce n'est enfin qu'un commerce où l'amour-propre se propose toujours quelque chose à gagner.(Maksimoj p.38-39)
  • François de La Rochefoucauld

El Zamenhofa Proverbaro

• Al amiko nova ne fidu sen provo.
• Amikeco aparte, afero aparte.
• Amikeco aparte, ofico aparte.
• Amiko de amiko estas ankaŭ amiko.
• Amiko en ĝojo kaj malĝojo.
• Amiko en ĝojo kaj ploro.
• Amiko fidela estas trezoro plej bela.
• Amiko -- intimulo.
• Donacetoj subtenas amikecon.
• Gardu min Dio kontraŭ amikoj, kontraŭ malamikoj mi gardos min mem.
• Ili vivas per unu animo en du korpoj.
• Por amiko intima ne ekzistas vojo malproksima.
• Por amiko komplezo neniam estas tro peza.
• Se amiko petas, li neniam ripetas.
• Vivi kun iu en fido kaj konfido.
• Vivi kun iu en intima amikeco.